Ogaysiis Muhim ah (Mudaharaad ka Dhici Doona London) - Maarso 15,  2008

Xaggee: London, taariikhdu markay tahay 15-ka March 2008 saacaduna tahay 12.00 duhurnimo.

Waxaan ogaysiinaynaa dhamaan jaaliyada Soomaaliyeed ee ku nool wadanka Ingiriiska inay ka soo qayb galaan mudaharaad weyn oo looga soo horjeedo dagaalada ay ka wado dowlada Mareykanka aduunka oo ay soo qaban qaabiyeen ururka Stop the war coalition.

Hadaba anagoo ka faaidaysanayno mudaharadkaan caalamiga ah waxaa haboon inaa si wayn uga qayb qaadano madaama diyaaradaha dagaalka America ay duqayn u gaysteen magaalada Dhooblay oo ku taal xadka Soomaaliya ay la wadaagto dalka Kenya, ma ahan markii kowaad ee ciidamada cirka Americanka ku xadgudbaan shacabka Soomaaliyeed ee dagan gobalada Jubbada hoose iyo Jubbada dhaxe, iyagoo dhibaato baxad weyn u gaystey dadka dagan deeganadaas, isla markaana dhibaato gaarsiiyey dad iyo duunyo xataa iyagoo ka laayey xoolihii ay dhaqanayeen dadka Soomaaliyeed ee aan waxba ka galabsan ee loogu soo marmarsiiyooday diidmada ay diidan yihiin qabsashada iyo haysashada ciidamada Ethopia ee Soomaaliya, kuwaas oo ku haya dadka Soomaaliyeed dhibaato baaxad weyn oo ah xasuuq iyo dhac joogta ah.

Waxaan la xiriirnay ururka soo qabanqqaabiyey mudaharadkaan kadibna waxaan isla garanay inaan ka soo qayb galno oo aan qayb weyna ka qaadano,.

Anagoo ka faaidaysanayna dibad baxaan qiimaha leh ayaa waxaa muhiim ah in jaaliyada Soomaaliyeed si weyn uga soo qayb gasho, waxaana horey u soo wadataan caruurtiina, idinkoo soo qaadanaya calanka Soomaaliya, iyo sawiro muujinaayo dhibaatada lagu hayo dadka Soomaaliyeed ee aan waxba galabsan ee dalkooda lagu gumaadayo.

Dibad baxaan caalamiga waxaa ka soo qayb gali doono dad caan ah oo ka kala imaan doono dunida dacaladeeda, iyagoona ka muujin doono dibad baxaan sida dadyoowga dunida u diidan yihiin in la iska laayo dad maato ah oo aan waxbo galabsan iyo siyaasada Mareykanka.

Waxaa kale oo ka soo qayb gali doono Gudoomiye ku xigeenka kowaad ee Isbahaysiga dib u xoreynta Soomaaliya mudane Zakariye Xaaji Mohamud iyo xubno kale oo ka tirsan Isbaheysiga dib u xoreynta Soomaaliya,.

Hadaba anagoo ah dhalinyarada Soomaaliyeed ee ku nool magaalada London, kana soo horjeeda dhibaatada ka jirta dalkeena, waxaan idin kugu baaqeynaa inaa loo kala harin mudaharadkaan si aan shucuurteena dagaal diidka ah ugu muujino dibad baxa, waana in la soo qaataa boorar ay ku sawiran yihiin dhiibatada muuqata ee ka jirta dalkeena iyo hal ku dhigyo muujinaayo hadafkeena gumaysi diidka ah.

Waxaa lagu qabanaayaa dibad baxaan caalamiga ah TRAFALGAR SQUARE oo ku taal bartamaha magaalada London, taariikhdu markay tahay 15-ka March 2008 saacaduna tahay 12.00 duhurnimo.

Hadii aad dagan tahay magaalooyinka ka baxsan London waxaan la xirireysaa cinwaankaan saad u soo raacdo Buses-ka lagu imaanayo mudaharadka
Riix halkaan kadibna meesha aad joogta sii raadi information-ka sii aad Buses-ka u soo raacdo.
http://www.stopwar.org.uk/index.php

Ka soo qayb gal wacan dhamaantiin.

Mahadsanidiin

Yusuf Mohamed Abdi Yusuf

Somali Youth UK
www.somaliyouth.net