11-ka Agoosto: Maalin Murugo u ah Bahda Saxaafadda

            11-ka August waaa maalin aysan hilmaami doonin dhamaan Saxafiyiinta Soomaaliyeed meel kasta ay joogaan maadaama maalinkaa la dilay Agaasimihii Idaacadda Capital Voice Mahad Axmed Cilmi iyo Cali Iimaan Sharmaake oo ka mid ahaa Milkiilayaasha Idaacadda Horn Afrik waxaana geystay dilkooda Kooxo aan dooneyn Xoriyadda Saxaafadda ay ka hana qaaday.

            Cali iimaan Sharmaake ayaa intuusan ku geeriyoon Qarax miino mar uu ka soo laabtay Aaska Marxuum Mahad Axmed Cilmi wuxuuna sheegay in Mahad ay dileen Koox dooneysa in ay aamusiyaan Idaacadda Horn Afrik iyo waliba Capital Voice, Axmed C/salaam oo ka mid ah Milkiilayaasha Idaacadda Horn Afrik ayaa dilkaasi ku tilmaamay mid la doonayo in lagu caburiyo Bahda Saxaafadda Soomaaliyeed.

            Cali Maxmed Geedi oo Ra’iisul Wasaare ka ah Dowladda Federaalka ayaa waxa uu sheegay in dilkaa ay ka danbeeyeen kooxo nabad diid ah oo ka soo horjeeda in Soomaaliya ay ka dhalato Dowlad, Sh. Shariif Sh. Aadan oo ah Gudoomiyaha Maxkamaddaha Islaamiga ah ayaa waxa uu dilkaasi ku eedeeyay Dowladda Federaalka ah iyo Ciidamadda Itoobiya maadaama ay saxaafaddu sheegeysay dhibaatada ay ku hayaan Bulshadda.

            Dilkaan waxaa canbaareeyay Ururadda Saxaafadda Caalamka iyo kuwa gudaha, sidoo kale waxaa canbaareeyay dhamaan hey’adaha Xuquuqda aadanaha ee ka jira Dalka iyo dibadda iyo dhamaan Bulashadda Soomaaliyeed meel kasta oo ay joogaan waxeyna sheegeen in Dilkaasi uu xadgudub ku yahay Shareecadda Islaamka ah, xeerka dhaqanka Soomaaliyeed iyo Baaqa Caalamiga ee Xuquuqda Aadanaha ah.

Sawiradii Aaskii Wariye Mahad iyo Dilkii Cali Iimaan Sharmaake

 

W/D Amiin Yuusuf Khasaaro

E-Mail amiinkhasaaro@hotmail.com

.Gumaadka indheer-garadka saxaafada iyo oohinta Yaxaaska | Rooble
. Dhagarta jawaasiista!!! | Aadam Xasan
. Gumaadka Saxafiyiinta, Gabrana Og Geedina Jecel. | Fiyoore