|
Prof. Cabdi Samatar oo
Diidan Ogolaanshaha Dr. Cali Khaliif Galaydh in uu Waxkadhigo Jaamacada
Minnesota
Sida eey sheegtay jariidada startribune
Cadadkeedii maanta (August 3) ayeey ku cadeeysay in Professor Cabdi Samatar oo in badan
Maadada Juquraafiga (Geography)-ga ka dhigayey jaamacada Minnesota uu aad u
diidan yahay ogolaanshaha loo ogolaaday in Dr Galayr wax ka dhigo jaamacada
minnesota.
Sida wargeysku sheegay
proffesor Samatar wuxuu dhambaal u diray madaxa machadka Hamphrey - oo ah halka
uu Dr Galayr wax ka dhigi doono - Mr John Brandl, wuxuuna ku eedeeyey in mr
galayr uu " Laaluushay warshadii sonkorta (ee mareereey)" xilligii uu
maareeyaha ka ahaa, isla markaana uu " Lunsaday lacag gaareysa $1
milion oo doolarka mareykanka ah" - intuu uu wasiirka koowaad ahaa -
waa sida uu warka u dhigaye !
Professor Samatar wuxuu
raaciyey " Dr Galayr wuxuu leeyahay sooyaal magac xumo dheer bulshada
dhexdeeda, taas oo ugu danbeyna wax gaarsiin karta sumcadda machadka &
jaamacada minnesota" ha yeeshee madaxa machad Mr Bandl wuxuu sheegay inuu
professor Samatar weydiistay inuu cadeeymo u keeno eedeymaha uu dusha ka saaray
Dr Galayr, laakiin professor Samatar " wuu ku fashilmay arrintaas"
ayuu yiri mr brandl oo cadeeyey inu la xiriiray dowlada federalka ah ee
mareykanka, Qaramada Midoobay & jaamacada Syracuse University oo dhamaantood
la soo shaqeeyey my Galayr sheegeyna ineeysan aaminsaneyn dhaleeceyntaas.
Mr Brandl oo hadalkiisa sii
wata wuxuu raaciyey " waxaan baaritaankeygii ku soo gunaanaday inaan
ogaaday in mr Galayr la damacsan yahay in la baabi'iyo sumcadiisa &
magiciisaba, mase ogi dadka ka danbeeya " ayuu ku cabaaday mr Brandl oo
sheegay ineey cadaalad darro tahay inuu mr Galayr ku diido eedeymo aanan cadeymo
wadan, dhamaan dadkii uu la soo shaqeeyeyna weey amaaneen oo wexeey ku
tilmaameen in machadka hamphrey hanti weyni u soo hoyatay !
Siciid Fahiye oo ah madaxa
Community-ga (jaaliyada)soomaaliyeed ee ugu weyn Minnesota ayaa isagoo arrintan
ka hadlaya sheegay in soomaalidu muranka & isqab-qabsiga caan ku yihiin
" aad beey u adag tahay inaad kala ogaato qofka run & been ka sheegaya
arrimahan oo kale" ayuu yiri Mr Fahiye oo raaciyey " mar hadii aad
koox ku kala baxdaan arrimo siyaasadeed wexeey kuugu eedeynayaan wax walba"
.
Dr Galayr ayaa saddex-da sano
ee soo socota qaadan doona 90.000$ sanadkiiba sida machadku sheegay, wuxuuna u
soo guuri doonaa magaalooyinka mataanaha ah ee Minneapolis & St.paul.
Mr Galayr wuxuu wargeyska u
sheegay inuu C/qasim ka danbeeyey kalsooni kala noqoshadii barlamanku ku kala
direen dowladiisa " isagoo isticmaalaya laaluush" ayuu yiri, wuxuuna
cadeeyey inuu ka faa'iideystay waqti uu Dr Galayr ku soo maqnaa mareykanka
" si uu uga dhaadhacsiiyo dowlada mareykanka ineeyan garaacin somalia"
ayuu raaciyey.
Dr Galayr wuxuu aad isaga
difaacay dhamaan eedeymaha musuq-maasuqa & fadeexadaha lacageed ee loo soo
jeediyey " hadii 1 million $ aan dhacay muqdisho kumaanan laaban kari
laheyn oo misana si nabad ah iiguma eeysan ogolaadeen inaan iska soo boxo "
ayuu yiri.
Dr Galayr wuxuu noqon doonaa
professor-ka seddexaad ee si rasmi ah wax uga dhiga jaamacadaha gobolkan
Minnesota oo soomaali ah.
C/raxman Ceynte
ceynteyare@hotmail.com
MPLS, MN
DOODFURAN: ARAGTIDA
DAWEYNAHA ee SAMATAR vs GALAYDH
ISHA: StarTribune | August 3,
2002
WARARKii
July»
GUJI
»
June | MAY
APRIL |
MARCH | FEBRAAYO
|
Janaury 2002
| Wararkii
1999-2001
| 
