BAAQ NABADEED
Ku:
· Dhamaan Issimada PL
· Dhamaan Siyaasiyiinta PL
· Ciidamada Qalabka Sida Iyo Poliska PL
· Culumaau'diinka PL
· Dhamaan Wax-Garadka Aqoonyahanada PL
· Dhamaan Ururada Ganacsatada PL
· Ururada Haweenka iyo Dhalinyarada PL
Bismilaahi Raxmani Raxiim
Anagoo ah wax garadka
dhalinyarada iyo aqoonyahanada kasoo jeeda Jaaliyadda Puntland ee ku nool dibada
gaar ahaan wadamada Ingiriiska, waxaan u tacsiyeyneynaa dhamaan eheladii iyo
qaraabadii ay ka dhinteen dhamaan dadkii ku geeri yooday dagaalkii ka dhacay
agagaarka Qardho.
Annagoo ka amba qaadayna dhibka
iyo khilaafka ka aloosan deegaanka PL, una aragna inuu yahay mid reebi kara
cawaaqib aan wanaagsanayn, ayaan waxaan si midaysan ugu baaqaynaa dhamaan
shacabka reer PL in loo istaago soo celinta midnimada, kalsoonida, ka shaqaynta
nabadda iyo xasiloonida iyo isla mar ahaantaas dhowritaanka sharafka iyo
karaamada aynu hidaha u leenahay.
Waxaanu aad uga xun-nahay in
dhibaatooyinkii ku bilaamay hardanka siyaasadeed ay aakhirkii keeneen dhimasho
iyo dhaawac shacab iyo ciidanba. Waxaa argagax nagu beeray dhacdooyinka ka
dhacay agagaarka Qardho oo aan ahayn kuwo bulshadeena horay loogu yaqiin.
Waxaan ku baaqaynaa in nabada
shacabka Puntland tahay mid muqadisa, lagana hor mariyo wax kasta.
Waxaanu codsaneynaa in la kala
saaro danta ummadda iyo danta gaaban ee ah KURSI iyo MADAX doonka.
Waxaanu kula talinaynaa dhamaan
bulshoweynta reer puntland ee ku nool dibeda iyo gudahaba inay mid
ahaadaan,dulqaad muujiyaan,dadaal dheeraadana la yimaadaan, gaar ahaan xilligaan
adag ee dad dano gaar ah lihi ay marin habaabinayan nabada iyo kala danbaynta
Puntland.
Waxaan aaminsanahay in Ismada
ay yihiin laf dhabarta bulsha waynta reer puntland sidaa awgeed waxaan ugu
baaqaynaa in ay go’aamo wax ku ool ah kasoo saraan Dagaaladan
Waxaan ku baaqeynaa in
hardanka dagaalka iyo dhiiga macna darada
ku daadanayo la joojiyo iyadoon wax sharuuda lagu xirayn , ciidamada is hor
fadhiyana la kala qaado sida ugu dhaqsaha badan.
Waxaan codsaneynaa in arinta
lagu dhameeyo sida mar kasta danta ummaddu ku jirto, waana muhiim in wax kasta
laga hor mariyo danta guud ee ummadda reer Puntland.
Allaa weyn nikii aamina awood
leh
Qoraalkan waxaa qoray jaaliyada
puntland ee ku nool wadanka ingiriiska
Wixii faah faahin ah kala soo
xiriir
C/rashiid Abshir Hersi
Email: aahersi@yahoo.co.uk
AFEEF: aragtida qoraalkaan
waxaa leh qorayaasha ku saxiixan
FAAFIN:
SOMALITALK.COM | Agoosto 4, 2002
WARARKii
July» GUJI
»
June | MAY
APRIL |
MARCH | FEBRAAYO |
Janaury 2002
| Wararkii
1999-2001
Help The Fight Against Spam!
| 
