Waxaa dagaalku Jimacadii (Agoosto 2) ka biloday aaga Qayaadsame, waxaa weerarka soo qaaday ciidamada kornayl C/laahi Yuusuf.

Waa lagu jabshay waxaana laga dhaacaway oo haatan dhaawac culus ah taliyihii watay dagaalka laba xidigle (Carays). Dhinaca Jaamac waxaa dagaalkaas uga dhintay tiro dhan 5 ruux, dhaawucu waa 14 ruux. Ciidamdii Jaamac markii ay jebsheen ciidankaas ayaa waxaa duulaan rogaal celin ah soo qaaday ciidamadii C/laahi abaarihii duhurkii waxaan halkaas ka dhacay dagaal qaraar oo dad badani ku hoobtay.

Qiyaasta geerida iyo dhaawaca labada dhinacba la oga inta ay le'egtahay. Qolo walba waxay ku andacoonaysaa inay dhinaca kale ka qabsatay tigniko iyo maxaabiis.

War gal jooga Boosaaso ayaa cadeeyey ilaa hada in la kala qabsaday ilaa 4 tigniko ah,oo qolo walbana leedahay anagaa qabsanay iyo anagaa qabsanay. Wax maxaabiisa oo ilaa sabtidii la keenay Boosaaso ma jiraan aayuu noo xaqiijiyey.

Warar aan la xaqiijin ayaa isna sheegaya in xalay (sabti) magaalada Boosaaso guryahoodii loogu dhacay rag xulumo ah oo la xirxiray,mase jirto ilaa hada cid madax banaan oo warkaan xaqiijinaysa.

Dagaalkii ayaa hadda istaagay.

Dadweynaha reer Pl ayaa aad uga xun dagaalkan, waxaana xalay masaajidada ilaa Jimcihii laga akhrinayey qudbooyin dadka lagu dhiiri galinayo inay ka qayb qaataan joojinta dagaalkaas dadka walaalaha ah ee maalaayacnigaa ku qubanaya.

REER BOOSAASO OO AAD UGA XUN DAGAALKA QAYAADSAME

Warar kale oo ilo wargal ah ay maanta oo Axad ah nagasoo gaarsiiyeen Boosaaso ayaa sheegan in dadweynaha reer Puntland gebi ahaanba ay ka xunyihiin dhacdadii dagaalka, gaar ahaan waxaa warku sheegay in reer Boosaaso ay siweyn uga xumaadeen dagaalkaas, taas oo ay ku tilmaameen dagaal aan xiiso loo hayn oo dhex maray ehel wada dhashay.

Waxaa warku intaas ku daray in dagaal kaasi uu ahaa mid dhexmaray dad wada dhashay oo la isku laynayo ayna tahay in sida ugu dhaqsaha badan looguhelo xal degdega oo waara oo kuyimaada wadahadal.