Shirkadda Range Resources oo Hakad Gelisey Saamiyadeedii Suuqa Ganacsiga
Australia (ASX)....
Sababtoo ah Range waxay Puntland ka sugeysaa qoraal ay Dawlad Goboledka
Puntland (DGPL) ku cadayneyso nooca uu yahay xiriirka ay la leeyihiin Dawladda
Federaalka Kumeel Gaarka ah (DFKMG).....
iyo Gen. Cadde Muuse oo Garoowe ka dhisaya Xabsi Weyn oo Cusub...
- Warbixintii: SomaliTalk.com | March 25, 2008
Peter Landau
 |
Qoraal
uu ku saxiixan yahay Peter Landau, xoghayaha shirkadda Range Resources, oo
uu maanta [Talaada, Maarso 25, 2008] gaarsiiyey Suuqa Ganacsiga Australia
(ASX) ayuu ku dalbaday in hakad [Trading Halt] lagu sameeyo
saamiyada shirkaddaas.
"Shirkaddu waxay dalbaneysaa in hakad lagu sameeyo (ganacsiga
saamiyadeeda)" ayuu yiri, taas oo uu sabab uga dhigay "in ay (Shirkaddu) sugeyso qoraal
ay Puntland ku cadayneyso xiriirka ay la leedahay Dawladda Federaalka Kumeel
Gaarka ah ee Soomaaliya."
Shirkadda Range waxay dalbatay in hakadkaas la geliyey ganacsigeeda uu ku eg
yahay ilaa Khamiista Maarso 27, 2008. Taas oo dadka siyaasadda odorosa ay u
qaateen in taariikhdaas ay shirkadu qoraal ka heli doonto Puntland.
Shirkadda Range waxay Puntland ka haysataa saxiix u ogolaanaya in ay
macdanta/batroolka ka baari karto gebi ahaanba dhulka Puntland (oo ah
dhul baaxaddiisa lagu qiyaasay in ka badan 212,000 Km2),
taas oo ay DFKMG marar badan muujisay sida xoogga leh ee ay uga soo
horjeeddo heshiiskaas, arrintaas oo keentay khilaaf u dhexeeya DGPL iyo
DFKMG.
Khilaafkaasi waxa uu sii xoogeysey kaddib markii baarlamaanka Puntland ay
[19/3/2008] cod u qaadeen sharciga Batroolka Puntland, cod bixintaas oo
noqotay barar dhac 21-21, laakiin uu cod dheeri markii koowaad ku ansixiyey guddoomiyaha
baarlamaanka DGPL, arrintaas oo ka caraysiisay Golaha Wakiillada Puntland
ee arrintaas diidanaa iyo weliba DFKMG.
Saalim Caliyow Ibrow |
Wasiirka Macdanta iyo Tamarta ee DFKMG, Eng. Maxamuud
Cali Saalax (Kaanje), ayaa sharciga Batroolka Puntland waxa uu ka soo saaray
wareegta [19/3/2008] cad oo uu ku diidan
yahay sharcigaas.
Toddobaadkan waxay Puntland sheegtay in ay ogolaansho ka haysto Ra'iisul
wasaare xigeenka DFKMG Saalim Caliyoow Ibroow oo ay sheegtay in uu
ogolaanshaha Puntland siiyey xilligii uu ra'iisul wasaraha DFKMG u ahaa
Geeddi - xilli uu Nairobi ku maqnaa.
Ra'iisul Wasaaraha Cusub ee DFKMG, col. Nuur Cadde, ilaa hadda wareegto
rasmi ah arrimahan kama soo saarin. Sidoo kale maalmahan hadal arrimaha
heshiisyadaas ku saabsan lagama maqal madaxweynaha DFKMG, col. C/laahi
Yuusuf.
[Waxaa jira warar tibaaxaya in C/laahi Yuusuf uu heshiis gaar ah oo ku
saabsan in shidaal laga baaro aagga GARACAD, oo Gaalkacyo kaga aaddan
jihada Bari, kula galay shirkad ay
leedahay Dawladda Shiinaha oo lagu magacaabo CNOOC, lama oga heshiiskaasi
meesha uu ku dambeeyey].
Garacad waxay jihada bari ka xigtaa Gaalkacyo | Sawirka
GoogleEarth
Xasan Abshir oo gacanta ku haya buug leh calaamada
CNOOC - Garowe, July 16, 2006
Waxaa beryahan hoos u dhac uu ku yimid saamiyada shirkadda Range ee Suuqa
ganacsiag Australia, sida ka muuqata shaxda hoose.
ISHA:
http://www.asx.com.au/ | 25 mar 2008.
Waxaa la arki doonaa
[wixii loo gaaro 27/3/2008] qoraarka ay Puntland gaarsiiso Range waxa ku
qorraan doona iyo jawaabta ay ka bixiso DFKMG.
Qoraalka ay Range u dirtay Suuqa Ganacsiaga ka
eeg halkan
- Suuqa Ganacsiag Australia waxaa lagala xiriiri karaa
HALKAN...
Gen. Cadde Muuse oo Garoowe ka dhisaya Xabsi Weyn oo Cusub...
Madaxweynaha Maamul Goboledka Puntland, Gen. Cadde Muuse, ayaa Isniin Maarso
24, 2008 waxa uu dhagax dhigay xabsi weyn oo laga dhisayo magaalada Garoowe.
Xabsigaas oo ka weyn kii hore uga jirey Garoowe waxaa iska kaashanaya DGPL iyo
hay'adda UNDP.
Gen. Cadde Muuse oo meeshii dhagax dhigga ka hadlay waxa uu sheegay in ay
dhamaystireen xabsiyo isagoo sheegay in uu rajayanayo xabsiyada la dhisayo in ay
wax ka tari doonaan nabad gelyada Puntland, isagoo arrintaas ka hadlaayeyna waxa
uu yiri: "Dadka dalka dhibka u geysanaya in aan meel aan ku hayno u samayno, aad
iyo aad ayaa ciidamada boolisku u shaqeeyaan, waxaana loo baahan yahay
xabsiyadii lagu hayn lahaa, xabsiyadii oo dhan badi waa dhamaystiray, insha
Allah waxaan rajayneynaa in ay wax ka tari doonto nabad gelyada Puntland," ayuu
yiri [Dhegeyso].
Faafin: SomaliTalk.com | March 25, 2008
"Itoobiya oo Ilaalinaysa Meelaha Shidaalka Laga Baarayo ee Puntland"?
iyo khilaaf xooggaan oo soo kala
dhex galay DFKMG iyo DGPL oo ku salaysan shirkadaha ay Puntland heshiisyada
la gashay iyo xeerka batroolka iyo hadallo ay is....
Akhris/Dhegeysi
 Qoraal
ka soo baxay Gen. Cadde Muuse...
ayaa shaaca ka qaaday in Puntland aysan xilligan ka mid ahayn DFKMG
ilaa..... Akhri....
| 
Daabaco
Boggan | Print
"Wixii
xoog lagu qabsaday wax aan xoog ahayn laguma soo celiyo"..
