Dagaalo qaraar oo ka dhacay Magaalada Muqdisho
Waxaa maalinba maalinta ka dambeysa sii xoogeysanaya dagaalka looga
horjeedo Ciidamada Itoobiya iyo kuwa Dowladda Federaalka, waxaana saakay
dagaal aad u qaraar uu ka dhacay Magaalada Muqdisho, kaas oo socday mudo
ku dhow labo saacadood.Dagaalkaan ayaa waxa uu ka dhacay gobo ay ka
mid yihiin Isgoyska Towfiiq, Carafaat, Warashadda Baastada iyo Xayle
Bariise, waxaana la isku adeegsaday hubka noocyadiisa kala duwan.
Afhayeen u hadlay Maxaakiimta Islaamiga ah oo iyagu sheegay in ay ka
dambeeyeen dagaalkaas ayaa waxa uu sheegay in dagaalkaasi ay khasaare
xoog leh gaarsiiyeen ciidamada Itoobiya iyo kuwa Dowladda Federaalka,
waxaa kale oo uu sheegay in ay la wareegeen Isgoyska Towfiiq iyo
Carafaat ayna isku riixeen Ciidamada Dowladda iyo Itoobiya dhinaca
warshadda Baastada, waxa uuna Afhayeenku qiray in dhinacooda ay ka
dhinteen ilaa iyo labo ruux, hase yeeshee mas’uul u hadlay dowladda
federaalka ayaa waxa uu sheegay in ay iska caabiyeen weerarkii ay soo
qaadeen wax uu ugu yeeray kooxaha nabad diidka ah, isagoo sheegay in ay
ka dileen dhowr qofood oo uu sheegay in ay qaarkood ugu tageen goobihii
lagu dagaalamay, basle wararkaasi wax xaqiijinaya ilaa iyo hadda lama
hayo, waxay sidoo kal madaafiic ay goobahooda ugu tagtay dad rayid ah,
waxa uuna madfac ku dhacay Waxaracadde ku geeriyooday saddex halka ay
labo kalana ay ku dhaawacmeen, waxayan dhamaantood ka koobnaayeen hal
qosy.
Garoonka Diyaaradaha Muqdisho oo saakay la duqeeyey.
Tiro Hoobiyayaal ah oo gaaraya ilaa iyo 6 hoobiye ayaa waxay ku dhaceen
garoonka Diyaaradaha ee Aadan Cadde ee Muqdisho, waxaana
Hoobiyayaashaasi qaar ka mid ah ay bartanka u galeen Garoonka
Diyaaradaha oo xiligaasi ay ku sugnaayeen Diyaarado.
Jihooyinka laga soo tuuray hoobiyayaashaasi ayaa ilaa iyo hadda la
garaneyn, lama garanayo sababaha loo duqeeyey Garoonka, balse wararka
ayaa waxay sheegayaan in Garoonka loo duqeeyey kadib markii ay ka soo
degayeen ciidamo lagu soo tababaray wadanka Uganda oo Soomaali ah,
kuwaas oo soo qaatay tababar 9 Bilood.
Ilaa iyo hadda lama oga khasaaraha ka dhashay dagaalkaasi mana jiro
wax war ah oo ka soo baxay dhinaca ciidamada Uganda ee gacanta ku haya
garoonkaasi, waxayna madaafiicdaani walwal ku abuurtay dadkii rayidka
ahaa ee ka baxay garoonkaasi, maadaama Garoonka uu yahay Garoon ay ka
soo degaan dhowr diyaar oo kuwa rayidka ah maalin walba.
Ciidamada ka tirsan Al-Shabaab oo weerar ku ekeeyey….
Ciidamo ka tirsan Ururka Al-Shabaab ayaa waxaa la sheegay in ay weerar
ku qaadeen bar koontarool oo ku taalay magaalada Baydhabo gaar ahaan
Xaafadda Mursal, waxaana goobtaasi ku sugnaa markii la weerarayey
ciidamo ka tirsan Dowladda Federaalka waxayna ahayd bar koontarool oo
lacag looga qaado Gawaarida, inkastoo aan la xaqiijin khasaarihii ka
dhashay dagaalkaasi ayaa haddana wararka aanu ka heleyno waxay
sheegayaan in bartaas ay la weereegeen Ururka Al-Shabaab, waxa uuna
dagaalkii markii dambe ku faafay gudaha Magaalada Baydhabo.
Ma jiraan wax war ah oo ka soo baxay dhinaca Dowladda hase yeeshee
afhayeen u hadlay Ururka Al-Shabaab ayaa waxa uu sheegay in ay halkaasi
ku dileen dhowr qofood oo ka mid ah ciidamadii halkaasi ku sugnaa kuwa
kalana ay dhaawaceen.
Waa markii labaad oo todobaad gudihiisa weerar lagu qaado gudaha
Magaalada Baydhabo, todobaadkii hore ayay ahayd markii weerar
hoobiyayaal ah lagu qaaday xerooyinka ay degan yihiin Ciidamad Itoobiya
kuwa Dowladda Federaalka.
Amiin Yuusuf Khasaaro
E-Mail
amiinkhasaaro@hotmail.com
Ergayga
Gaarka ah ee Qarammadda Midobay oo ammanay horumarka ilaa iyo
hadda laga garay heshiskii Jabuuti...
Akhri... July 17
Ururka Naafada Kalkaal ee Finland oo deeq
lacag ah soo gaarsiiyey Naafada Xoogga Dalka Soomaaliyeed ee Martiini
Mudaharaadyo wali kasocda qaarkamida deegaanada gobolka sanaag.