Hogaanka
dhaqanka
Dhaqan marka laga
hadlayno waxaa ka
mid ah hogaanka iyo
xeerarka dhanka ay
umadi leedahay,
hadaba marka laga
gudbo kala
duwaanshaha, waxay
bulsho kasta oo
aduunka ku nool ay
leedahay dad
arimahooda hogaanka
u haya. Waxaa la
odhan karaa dadkaasu
waxa qudha oo ummada
inteeda kale ay kaga
duwanaan karaan ayaa
lagu tilmaami karaa
inay yihiin dad
masuuliyada saaran
aad uga taxadera,
waxaa kale oo
dhaqanku uu maraa
marxalado kala
duwan, wuxuuna
leyahay horumar iyo
dib-u-dhac sida
dhaqaalaha.
Hadaba dhaqanka
soomaalidu wuxuu
ahaa mid
bulshooyinka
caalamka wax la
qaba, haba lagu kala
duwanaadee. Wuxuu
lahaa hogaan u
taagnaa arimaha
dhaqan dhaqaale iyo
garsoor, waxay
dejiyeen xeerar
badan oo qaarkood
ilaa maanta lagu
dhaqmo, wuxuu ahaa
mid nabada ka
shaqeeya, isla
markaana damiya
colaadaha sokeeye,
wuxuu tiir dhexaad u
ahaa arimaha
garsoorka,
nabadgelyada iwm,
waxaa kale oo ay
lahaayeen
halgamayaal abaabul,
af iyo adin iyo
hanti kaga qayb
qaadan jiray ka
hortaga
qulqulatooyinka iyo
duulimaadyada
shisheeye intaba.
Hogaan kaasi wuxuu
soomaalida dhexdeeda
ka ahaa mid ixtiraam
iyo mug wayn ku leh,
wuxuuna ka mid ahaa
rukumada ugu
muhiimsan ee ummadu
ku taagnayn.
Waqtigii
gumaysigu ku fidayey
aduunka, isagoo
arintaa ka duulaya
hogaanka dhaqanku
wuxuu ka mid ahaa
meelaha uu sida
ba’an u abaaray,
arintaas oo ahayd
mid dunida inteeda
kale ay soomaaliduna
la wadaagtay. Wixii
ka danbeeyey
waqtigaa hogaanka
dhaqanku wuxuu ka
mid ahaa meelaha ay
raadka wayn ku
yeesheen dhaqamadii
soo golootiga ahaa.
Hadaba
ujeedadeenu ma aha
inaynu maqaalkan
kaga hadalo heerarka
isbedeladaasu soo
mareen, balse sida
la og-yahay
gumaystayaashu waxay
ahaayeen kuwo ku
xidhiidh dhaw la
lahaa hogaanka
dhaqanka
soomaaliyeed, sidoo
kale wixii xornimada
ka danbeeyey,
dawladihii
Soomaaliya u kala
danbeeyey waxay
iyaguna u
adeegsadeen siyaabo
kala duwan.
Isbedeladaa is daba
joogaha ahaa waxaa
la odhan karaa
waqtiyadii danbe
wxay isu bedeleen
kuwo kuwo hogaanka
dhaqanku uu hadba la
jaan qaado uun
wadciga markaa
taagan. Arimahaasi
waxay keneen in ay
ku yimaadaan
isbedelo dhinacyco
badan taabanaya.
Isbedeladaas ayaa la
odhan karaa inta
badan ma aanay ahayn
kuwo u adeegayey
dhinaca horumarka,
balse waxay u
muuqdeen kuwo ku sii
milmaya dhinaca
siyaasada iyo dano
kooban. Waxaa dhici
jirtay in marka
odayaashu ay dawlada
la kulmaan inay
waydiisan jireen in
degmo ama gobol loo
magcaabo iyo arimo
aan dhaafsanayn dano
gaar ah.
Markii dagaalada
sokeeye ay dalka ka
bilowdeen hogaanka
dhaqanka intooda
badan siyaabo kala
duwan ayey uga qayb
qaateen siyaabo kala
duwan, iyagoo u kala
olalaynayey
dagaaladii u
dhexeeyey dawlada,
jabhadaha qabiilka
iyo dano beeleedyo.
Doorkii hogaanka
dhaqanka iyo
marxaladihii adkaa.
Xaalad kasta
waxaa ka abuurma
duruufo ugaara,
sidaa awgeed, sida
muuqata 1991kii
markii uu burburay
hogaankii dawladu
hogaankii dhaqanku
sidii looga baahnaa
uma hawl gelin,
waxaana saamayn wayn
ku yeelatay
marxaladii adkaa ee
dalku uu galay.
Hadaba, maxaa
ka-hor-yimi, maxaa
la gudboonaa HDH,
sideese u kala hawl
galeen:
- Maxaa
ka-hor-yimi:
- Markii
nadaamkii
dawladu
burburay, waxaa
meesha ka baxday
kala danbayntii,
taasoo keentay
inay adkaato
sidii
dhibaatooyinkii
ka dhashay loo
xakamayn lahaa.
- Jabhadihii
ay wax ka
abuureen oo
hawshoodii
daboolay.
- Masuuliyadii
dawladeed oo ay
buuxiyeen
qabqablayaasha
iyo hogaankii
dhaqanka oo
awood badan aan
lahayn.
- Dadka oo
hubaysan.
- Barakac iyo
jaahwareer
baahsan iyo
arimo kale oo
badan.
- Maxaa la
gudboonaa:
- In ay
tixgeliyaan
masuuliyada
saaran oo ka
baxaan
abaabulkii ay
siyaabaha kala
duwan markii
hore ugu jireen.
- Inay talo
iyo taageeroba
ka gaystaan
maslaxada
ummada, iyagoo
qabqablayaasha
aan gacan saar
la yeelan, isla
markaana aan
meelo kalena
aadin.
- Inay
bulshada dhex
galaan isla
markaana nabada
hoosta ka soo
unkaan, iskuna
dayaan sidii ay
colaadaha u
damin lahaayeen,
arimahaas oo
wejiyo badan ay
ku fulin kari
lahaayeen.
- Inay u hawl
galaan sidii ay
u wiiqi
lahaayeen
abaabulka iyo
dagaaladii
qabqablayaasha
ama
siyaasiyiintu ay
iskaga soo hor
jeedeen iwm.
- Inay isu
ergo dirsadaan
si ay isaga
kaashadaan
xal-u-helida
mashaqooyinkii
dagaalada ka
dhashay.
Sideese u kala
hawl galeen:
Bilowgii intooda
badan waxay u kala
qaybsameen kuwo ku
nagaaday deegaanadii
ay ka soo jeedeen
iyo kuwo u hayaamay
dhinaca
magaalooyinka, koox
kastaana waxaa soo
food saaray
dhibaatooyin ay ka
mid yihiin qodobadan
soo socda:
Markii jabhadihii
qabiilku
magaalooyinka soo
galeen waxaa faraha
ka baxay kala
danbaytii, taasoo
keentay inay ku
adkaato jabhaduhu
sidii ay dadka ku
maamuli lahaayeen
ama u jihayn
lahaayeen, taasi
waxay keentay
is-maan-dhaafkii
hogaamiyayaasha iyo
dagaaladii jabhadaha
dhexdooda, kuwaas oo
u kala saftay beelo
hoosaadyo. Markii
qabqablayaasha ay ku
fashilmeen
doorkoodii wuxuu nin
waliba dib ugu
noqday jifi
hoosaadkiisii,
waxaana u muuqday
muuqday baahida wayn
ee ay u qabaan
doorkii hogaanka
dhaqan. Nin waliba
wuxuu raadiyey
odaygiisii, isagoo
sumcad ka raadinaya
hab beeleed, isla
markana doonaya
abaabul ku jihaysan
sidii uu hebel isaga
dhicin lahaa. Waxaa
mar kale dib-u-soo
noolaaday doorkii
hogaanka dhaqanka,
laakiin weji cusub
wata.
Dhulka miyiga ah
waxaa soo food
saartay sidoo kale
dhibaato taas u
dhiganta oo siyaabo
badan u saamaysay.
Arimo nabadgelyo
awgood, waxaa dhulka
miyiga ah ku soo
jabay dad badan oo
ay ku jiraan
aqoonyahano iyo
siyaasiyiin intuba,
kuwaasoo ku biiray
beelahooda. Dan ama
duruuf siday
doontaba ha ahaatee
waxay bulshadii hoos
tagtay hogaankii
dhaqanka.
Maxay ka
midaysnaayeen:
Marxaladihii hore
hogaanka dhaqanku
wuxuu dhinac ka
raacay duruufihii
sida keli kelida ama
koox kooxda u hor
yaalay. Siyaasiga
iyo qabqablayaashuna
waxay faraha kula
jireen dagaalo iyo
abaabulo wejiyo
badan. Dadka intiisa
badan waxay ku
foognaayeen
colaadihii qabaa’il,
sidaa awgeed siyaabo
kala duwan dhamaan
kooxahaas waaxay
duruuftuhu ula
galeen in nin waliba
wax la wadaago
beeshiisa, waxna la
go’aamiyo hogaanka
dhaqanka, waqti ay
jireen ujeedooyin
iyo aragtiyo kala
duwan, waxaana la
odhan karaa wuxuu
ahaa bilowgii sicir
bararka hogaankii
dhaqanka.
Waxaa hogaankii
dhaqanka hoos yimi
umuuro badan oo aad
uga baaxad wayn
kuwii ay hore u hayn
jireen, kuwaas oo ay
barbar socdeen
dhibaatooyin mug
wayn oo leh kuwo
nabadgelyo, maamul
iyo dhaqaale oo
dhaqan iyo siyaasad
huwan. Waxay
gaadheen heer meel
kasta ay iyagu wax
ka go’aamiyaan.
Waxay galeen arimaha
garsoorka, waxay ku
hawlan yihiin
arimaha
nabadgelyada, waxay
ka gar-naqayaan
khilaafka xaafadaha,
waxay
wax-ka-go’aaminayaan
golayaasha
maamulada, waxay ku
jiraan arimaha
difaaca iyo
abaabulka, iyagoo
aan lahayn awood ay
arimahaas oo dhan
kula falgeli
karaan.
Siyaasiyiintu
waxay noqdeen dad
aad u farsama
yaqaaniin ah, waxaa
hogaankii dhaqanka
faraha loo geliyey
arimo waawayn oo
wejiyo badan isla
markaana dhaqan
ahaan aan hore u soo
marin. Meel kasta ha
joogeene waxaa hoos
yimi arimo kala
duwan oo nabadgelyo,
garsoor, siyaasad,
dhaqaalo iyo
dhaqan-ba leh. Waxaa
taladii kula soo
biiray wasiirkii,
janankii iyo dadkii
hubaysnaa. Waxaa ku
ballaadhay hawshii
ay hayeen oo ahayd
mid aad baaxad wayn
una baahan aqoon iyo
dhaqaale intaba.
Arimahaasi waxay
noqdeen bilowgii
mashaqooyin waawayn
oo soo waajahay
hogaankii dhaqanka
soomaaliyeed meel
kasta ha joogee.
Marxaladii labaad
markii duruufuhu
adkaadeen
siyaasiyiintu
(qabqablayaasha)
waxay bilaabeen
socdaalo iyo shirar
ay isku
raadsanayeen, balse
hogaanka dhaqanku
wuxuu ku sii
danbeeyey bulshada
dhexdeeda, isagoo
weli ka war
dhaw-rayey waxa
siyaasigu la soo
guryo noqdo.
Siyaasiga laftiisu
si asxaabtiisa ugu
muujiyo taageerada
uu haysto wuxuu
qalqaalo wayn u
galay siduu u kasban
lahaa hogaanka
dhaqanka. Sida
muuqata duruufaha
adag ee lagu jiray
awgood hogaanka
dhaqanku arintaa wuu
soo dhaweeyey,
laakiin xaalku sidaa
kuma sii socon.
Xaalada adag ee
kooxahan ay ku wada
shaqaynayeen waxay
ugu danbayntii
keentay in hogaanka
dhaqanka iyo
siyaasigu ay isku
maan dhaafaan
arimihii maamul ee
ka dhexeeyey. Wuxuu
bilaabay odaygii
inuu diido wixii aan
u cuntamayn,
siyaasiga laftiisu
wuxuu la soo baxay
tabo sucub oo odayga
uu iskaga caabin
karo. Dan guud ama
mid gaar ah siday
doontaba ha ahaato’e
waxaa halkaa ka
bilowday khilaaf iyo
kala jiidasho talada
lagu hardamayey.
Marxaladan waxaa la
odhan karnaa waxay
ahayd tii ugu adkayd
oo hogaanka dhaqanka
soo maro. Hadaba
sida muuqata arintaa
waxaa ku gacan
sareeyey hogaanka
dhaqanka, balse
siyaasigu wuxuu mar
kale jeebka kala
soobaxay
xirfadihiisii,
wuxuuna samaystay
rag kale oo arimha
ka toosin kara.
Waxay bilaabeen
qabqablayaashu inay
caleema saaraan rag
kale oo firfircoon
oo arimaha ka toosin
kara, isla markaana
ay si fudud u jihayn
karaan, taasi waxay
albaabada u furtay
caleema saarka oo
bata iyo khilaaf ka
dhex aloosmay
hogaanka dhaqanka,
waxaa kale oo soo
wajahay sicir barar
aad u ba’an, iyagoo
dhinaca kale ay
dagaal kula jireen
siyaasiyiinta. Waxaa
halkaa mar kale ka
aloosmay dagaal wayn
oo wejiyo badan leh,
laakiin ka yara
duwan dagaaladii ay
qabqablayaashu
hogaaminayeen. Waxaa
la odhan karaa
hogaanka dhaqanku
wuxuu u hawl galay
si ka duwan qaabkii
hore, iyagoo si wayn
lugaha ula soo galay
arimaha siyaasada,
halkaasoo sida
muuqaata ay u arkeen
inay tahay meel ay
miisaankooda ku
muujin karaan,
iyadoo aanay cidina
wakiil ka ahayn.
Waxay bilaabeen qaar
badan oo ka mid ah
inay sidii
qabqablayaasha
socdaalada
wax-ka-abaabulaan,
kana qayb qaataan
shirarka. Waxaa
golayaasha iska
helay rag kala duwan
oo isku qadiyad ah.
Marka loo eego
wejiga cusub oo ay
ku hawl galeen waxaa
siyaasigii iyo
qabaqablihii
gaadheen heer ay
hogaanka dhaqanka
uga danbeeyaan
magacaabida dadka
beeshu shirarka u
dirsanayso ama xilal
loo magacaabayo,
taasoo iyana ay
dhinac socdeen
dhibaatooyin kale oo
waawayn. Hogaanka
dhaqanku wuxuu
bilaabay inuu nin
waliba iibsado
baabuur xarrago oo
dheeraysa, isla
markaana uu galo
tartan iyo inaan
shirka loogaga
dheerayn. Waxay
bilaabeen inay
arimaha fadhi ku
falanqeeyaan,
fadhigu haduu batana
faaladaa badatee,
waxay noqdeen rag
fadhiga isku
waraysta oo halkaa
ka aliifa sidii
siyaasiga u ay
makali lahaayeen.
Intooda badan waxay
noqdeen kooxo khatar
ah oo danihii
qabqablayaasha halis
wayn geliyey. Waxaa
la odhan karaa waxay
noqdeen kuwo
qabqablayaasha
fadhiga wax kula
qaybsada, laakiin
shacabku aanu
mahadin.
Xaga sicir
bararka, waxay
noqdeen kooxo isku
jira oo qaarba meel
laga magacaabay.
Qaar duruufaha ayaa
magacaabay, kuwa
kooxaha siyaasada
iyo qabqablayaasha
ayaa magacaabay,
kuwo kalena
qurbajoogta ayaa
magacaabay. Sida loo
kala fara
dhuudhuuban yahay
waxaa ka soo dhex
baxay rag xadhkahay
xidhaan ay adag
tahay in la furo.
Meelaha qaarkood
waxay noqdeen dad
barakaysan oo aan
arimahooda la fara
gashan karin. Qaar
ka mid ah waxay
samaysteen dad
danahooda ilaaliya
iyo kuwo marka ay
dan leeyihiin wax
faadh-faadha,
beelaha oo si fudud
loo hawl gelin
karo.Sidaas oo ay
tahay hadana
dhibaatooyinka dhaca
damintooda aad ayey
uga dhexmuuqadaan,
dhibkooda waxay ku
dabooleen in ay
noqdaan dad aan laga
maarmi karin.
Dacdooyin:
- Dhamaadkii
sagaashamaadkii
hay’ad
Soomaaliya ka
hawl geli jirtay
warbixin kooban
oo ay soo
saartay waxay
kaga warantay
hogaanka
dhaqanka
Soomaaliyeed.
Warbixintaa ayaa
dad badan oo
Soomaaliyeed
waxay u arkeen
mid aan laga
baaran degin oo
masuuliyad daro
wayn ay ka
muuqato, ka dib
markii ay si cad
ugu muujiyey
magacyada qaar
ka mid ah
odayaasha
dhaqanka iyo
weliba qaabkii
hadalka loo
dhigay. Halkaa
waxaan ka qaadan
karnaa in
hogaanka
dhaqanka
baadhitaan badan
lagu sameeyey,
isla markaana
dadyow kale ay
isku dayeen
sidii wax uga
ogaadaan
lahaayeen,
laakiin sida
muuqata
qaladaadka way
arkeen, balse
waxay fasiri
kari waayeen
meesha wax iska
dhaafsan yihiin.
- Sidii aan
horay u soo
sheegnay
magaalooyinka
waxaa loo degan
yahay qaab
beeleed, taasoo
keenta marmar in
ay dhacaan
rabshado
beeleedyo salka
ku haya arimo
kala duwan.
Hadaba mudadii
koobnayd ee
Hargaysa aan
joogay waxaa
magaalada ka
dhacay
shaqaaqooyin ku
salaysan qaab
xaafadseed, isla
markaana lahaa
ujeedooyin kala
duwan, kuwaas oo
u dhacday sida
soo soocota:
Beel degan
xaafad ka mid ah
magaalada ayaa
ku heshiisay
inay xaafadooda
u magac
bixiyaan, dabcan
sida aan
qiyaasay waxay
ka war heleen in
kooxda deegaanku
ay soo wadaan
magacyo kale oo
aan u cuntamayn.
Waxaa shiray
odayaashii
xaafada iyo
kooxihii barar
socday, deetana
way uga
horeeyeen oo
waxay xaafadii
ku magacaabeen
magacyo rag
beesha ahaa,
isla markaana ka
mid ahaa dadkii
dagaaladii
sokeeye ku
dhintay. Dhinaca
kale waxaa
kooxdii
deegaankuiyaguna
xaafadii ku soo
magacaabeen rag
kale oo ka mid
ahaa dadkii
dagaaladaa ku
dhintay.
Magacyadii ayaa
la isku
qabsaday, dhawr
maalmood markii
arintaa loo
fadhiyey waa la
isku mari
waayey in meel
wax la isla
dhigo, deetana
arintii cirka
ayey isku
shareertay.
Waxaa la kiciyey
xaafadii, waxaa
bilowday
rabshado iyo
mudaaharaadyo u
dhaxeeya
xaafadii iyo
maleeshiyaadkii
maamulka, sida
la ii sheegay
waxaa
rabshadahaa ku
dhintay tiro dad
ah oo gaadhaysa
laba qof oo ka
mid ahaa
mudaharaada-yaasha,
waxaa kale oo
iyaguna ku
dhaawacmay dad
kale.
Markii la
kala gurtay
wixii mayd iyo
waxyeelo ahaa oo
xaaladuna yara
degtay, waxaa
bilowday fadhiyo
iyo wadahadalo u
dhexeeya
kooxihii
hogaanka
dhaqanka xaafada
iyo kooxihii
deegaanka.
Kooxdii
deegaanku si ay
rabshadaha isaga
damiyaan waxay
soo saareen
go’aan kale oo
ay kaga
noqonayaan
go’aankoodii
hore.
Warbaahinta iyo
magaalada waxaa
iisoo baxay in
hogaanka
dhaqanku suxul
duub ugu jiro
sidii dawlada
hoose ay u bixin
lahayd qarashkii
rabshadaha ku
baxay, aaska iyo
magta dadkii
dhintay iyo
daawaynta
dhaawaca,
dhinaca kale ma
aanan maqal cid
golaha deegaanka
ka mid ah oo isu
casishay ama
garsoor iyo
maamulku talaabo
ka qaadeen.
Halkee bay
maanta kaga sugan
yihii bulshada
dhexdeeda?
- Waxay u
badan yihiin dad
aan aqoon badan
lahayn, arimihii
dhaqanka waxaa
daboolay
dhibaatooyinka
jira.
- Waxay
noqdeen dad
xirfadooda aad
ugu tiirsan.
- Inta badan
kama qayb
qaataan arimaha
aasaaska u ah
horumarinta
bulshada.
- Waxay u
bateen dhinaca
siyaasada,
iyagoo inta
badan ay saxan
la fuushan
yihiin
qabqablayaasha.
- In badan oo
ka mid ah waxay
noqdeen rag
fadhiga wax ku
go’aamiya.
- Qaar badan
oo ka mid ah
waxaa weli ku
sii danbeeya
xaaladihii
abaabulku iwm.
Saadaalin:
- In kasta
oo saadaalin
arinkaa laga
bixiyo u
baahan yahay
in wax badan
laga ogaado,
hadana sida
muuqata
xaladaha
adag ee
dadka iyo
dalku soo
mareen ama
ay hadda ku
jiraan
hogaanka
dhaqanku
wuxuu
muujiyey
fashil aad u
wayn,
jiritaan
kiisuna
wuxuu ku
xidh-naan
doonaa hadba
horumarka
laga sameeso
dhinaca
garaadka iyo
horumarka
dhaqaalaha.
- Waxaa
sii
yaraanaya
dadka
yaqaana
dhaqankii
hore ee tiir
dhexaadka u
ahaan jiray
in shakhsi
loo caleemo
saaro
masuuliyada
noocan oo
kale ah.
- Waxaa
kale oo jira
isbedelo si
guud aduunka
uga socda,
kaas oo u
baahan in
ummada loo
jiheeyo
sidii ay
hogaanka ugu
dhiban
lahaayeen
dad garasho
iyo aqoon
sare leh.