Ciidamada Itoobiya oo xasuuqii ug ba'naa ka geystey Muqdishoiyo
hareeraheeda
Ciidamada Itoobiya ayaa waxay labadii maalmood ee ugu dambeeyey
somaaliya ka geysteen Xasuuq aan loo meel dayin wuxuuna xasuuqii ugu
darnaa ay ka geysteen inta u dhaxaysa Muqdisho iyo Afgooyey .
Halka lagu magacaabo Carbiska oo u dhow Afgooyey ay ku dileen ilaa 48
qof oo saarnaa Laba gaari oo bas ah ka dib markii labadaas bas inta
joojiyeen dadkii saarnaa ka soo dejiyeen ayey hareeraha kala istaageen
Rasaas waxaana halkaas ku qudh baxay 40 qof waxaana xasuuqaas ka
baxsadey sadex ruux oo looga tagey dhimasho sidoo kale waxaa ciidamada
Itoobiya guryahooda kala soo baxeen dad ka dhawaa halka dadka lagu
xasuuqey waxaana goobta lagu diley 10 qof oo u badnaa dad beero
falanayey.
xasuuq kale ayey ciidamada Itoobiya ka geysteen halka lagu magacaabo KM
13 oo u dhaxeysa Muqdisaho iyo Afgooyey waxayna goobtaa iyana ku dileen
7 ruux oo ay ku jireen 3 caruur ah sidoo kale waxay boobeen Dukaamadii
ay lahaayeen dadkii ka barakacay Muqdisho
Ciidamada Itoobiya waxay gaari kala degeen Shan ruux oo wadey qof
dhaawac ah kuwaas oo ka yimid deegaanka Doondheere ee Degmada Afgooyey
waxaana shantaas qof lagu hayey Xerad Asluubta oo fariisin ku leh
ciidamada Itoobiyawaxaa dhacdey in dadkaas inta la gowracay ay soo
dhigeeen meel ka dambeysa Xerada Asluubta waxayna ciidamada Itoobiya ay
diideen in dadkaas halkaas laga qaado.
Dhacdo kale oo xanuun badan waxay ciidamada Itoobiya ka geysteen Jidka
Maka almukarama ka dib markii ay si bareer ah u toogteen wiil iyo
Aabihii waxay kaloo toogasho u geyteen laba wiil oo walaalo ah oo inta
guryahoodii lagala soo baxay lagu toogtey wadada laamiga ah.
isku soo duuboo dadka muqdisho ayaa ku micneeyey xasuuqaas mid
aargudasho ah ilaa iyo hada kama aysan hadlin Dowladda Federaalka
dhibaatada iyo xasuuqa ay geysteen Ciidamada Itoobiya oo maalmahan lagu
hayey weeraro joogto ah oo loogu geytey Khasaarooyin aan la soo koobi
karin.
W/D Amiin Yuusuf Khasaaro
E-Mail amiinkhasaaro@hotmail.com