Gudoomiyaha Golaha Baarlamaanka Sh. Aadan Maxamed Nuur (Sh. Aadan Madoobe) ayaa maanta [Axad July 29, 2007]  kulannkii looga hadlaayey dooda mooshinka la xisaabtanka Xukuumada uu hogaamiyo Prof, Geedi ka sheegey inuu horyaalo lana soo gaarsiiyey Mooshin kale oo isna ka dhan ah Xukuumada FKMG.

" Mooshinka waa i horyaalaa waxaana ii keeney Xildhibaano, waana idiin soo hor dhigayaa, balse doodan imanka na hortaalo oo ay xildhibaanadu is qoreen  marka ay dhamaato ayaan idiin horkeeni doonaa” ayaa yiri Af-hayeenka Baarlamaanka, intaa kadib waxaa inoo suuragashay inaan helno, nuqul ka mid ah mooshinka cusub ee uu Gudoomiyuhu u sheegey Baarlamaanka oo ay habeen-nimadii Jicmcaha ee la soo dhaafey, ku dhowaad 40 Xildhibaan ay ku sixiixan yihiin.

Mooshinka cusub oo cinwaankiisu yahay Xukuumadu inay kalsooni weydiisato Golaha shacabka ayaa wuxuu u qornaa sidatan;-

Mudane Gudoomiye anagoo tixraacayna heshiiskii is af-garadka(MEMORANDUM OF UNDERSTANDING) ee ay wada galeen, ayna wada sixiixdeen Madaxweynaha Jamhuuriyadda Mudane C/llaahi Yuusuf Axmed, Ra’iisul Wasaaraha Mudane Cali Maxamed Geeddi iyo Gudoomiyihii Golaha shacabka xiligaas Mudane Shariif Xasan Sh, Aadan , taariikhdu Markey ahayd 5-tii Agousto 2006.

Is-afgaradkaas oo Madaxweynuhu ka hor akh’riyey Golaha Shacabka, kaasoo ku aqbaley aqlabiyad balaaran, sidaasna uu dhaqangal ku noqdey.

Is-afgardkaasi wuxuu xaliyey khilaafkii soo kala dhexgaley Golaha Xukuumadda m,arkii ay is casileen Wasiiro badan, isla markaana wuxuu keeney in la soo dhiso Xukuumada cusub.

Mudane Gudoomiye is afgardkaas ee ay madaxdu wada sixiixdeen Golaha Shacabkuna Ansixiyey, mooshinkuna ku lifaaqan, qodobkiisa ugu horeeya wuxuu qeexayey in Ra’iisul Wasaaruhu xafiiska haynayo mudo Lix bilood ah, si deg deg ahna ku soo dhisayo Xukuumad, una soo gudbinayo Golaha Shacabka Qorsho hawleedka Xukuumaddaas.

Sidaas daraadeed Mudane Gudoomiye annagoo tix raacayna , Is Afgardkaas, markaan aragney qodobada soo socda.

1- In mudadii loogu tala galey Ra’iisul Wasaaraha iyo Xukuumadiisuba, inay xilka hayaan ee Madaxweynaha iyo Ra’iisul wasaaraha ku heshiiyeen islana sixiixeen, islamarkaana Golaha shacabku Ansixiyey ay 5-bilood ka hor dhamaatey, Golaha shacabka wuxuu xukuumadda ansixiyey 18/Septembar 2006, waxayna lixdii bilood ugu ekeyd 18/Febraayo 2007.

2- In Qorsho hawleedkii xukuumadda loo ansixiyey isla mudadaas uu isna dhamaadey shan bilood ka hor.

3- In Xukuumaddu ay si sharci daro ah xilka ku haysay mudo shan bilood ah.

4- In isla mudadaas ay dalka ku maamulaysay Qorshe hawleed la’aan, iydoo ay dalka ka dhaceen isbedelo waaweyn.

Hadaba Mudane Gudoomiye waxaan soo jeedinaynaa in Xukuumaddaan waqtigii loogu talagalay inay xilka hayso uu ka dhamaadey, ayna Golaha Shacabka soo weydiisato { KALSOONI SIIN } si loo cusbooneysiiyo xilka ama laga gaaro taladii kale ee uu Golaha sharafta lihi u garto.

Mudanayaasha ku sixiixan mooshinkan cusub ee Ugubka ah ayaa waxay kala yihiin:-

Dhinaca kale kulankii manta oo ahaa mid ay soo xaadireen in ka badan 200 oo mudane ayaa markaad eegto fadhiga baarlamaanka waxaa lag dheehaneyey degenaasho la’aan, waxaana mararka qaar Gudoomiyuhu mudanayaasha baarlamaanka ku amraayey inay si degan u dhegeystaan mudanayaasha doodooda.

Doodii maanta ayaa mudanayaasha ka Hadley intooda badan waxaad moodaa inay isku fakir ka ahaayeen dhinaca Xukuumada, marka laga reebo xubno yar, halka qaarkoodna aad moodidba in si gaar ah ay u halbeegsanayeen qaab dhismeedka Baarlamaanka, hase ahaatee Gudoomiyaha oo soo xirey kulanka ayaa sheegey in maalinta Talaadadda dib laysugu soo noqondoono hadii ilaahay idmo.

Akh’ristayaasha sharafta leh hadii uu ilaahey idmo waxaan idiin soo gudbin doonaa sida ay doodu u dhacdey wareegii labaad ama kulan kii labaad ee fadhiga Baarlamaanka

Maxamed macallin Cismaan(All-man) Somalitalk Baydhabo.

Doodii Moshinka Baarlamaanka DFKMG ee ka Dhanka ahayd xukuumada Prof. Geedi oo weji kale isu rogtay (Qaybtii 3aad ee doodda) - July 29