QADO SHARAF LOO SUUBIYEY AABAYAASHII ISBOORTIGA SOOMAALIYEED IYO CIYAARIHII UGU DANBEEYEY 

Waxaa qado sharaf aad loo agaasimay oo ay goob joog ka ahaayeen dhamaan aabayaashii isboortiga Soomaaliyeed ayaa waxaa soo qabanqaabiyey ururweynaha KANAVA iyo EuroSom. 

Xafladan ayaa waxaa aheyd mid jawiwanaagsan ku bilaabatay ayaa waxaa ugu horeeyntii ka hadlay gudoomiyaha qabanqaabadda ciyaaraha Mudane Abdulqadir  Hadaafow oo ka mahadceliyey sida sharafta leh oo ay uga ogolaadeen marti sharaftii iney ka soo qaybgalaan xafladan sharafta leh. 

Waxaa ka dib hadalkii qaatay oo uu ku soo wareejiyey maamulaka martida looyahay ee ciyaaraha waa Gudiga EuroSom oo uu goobjoog ka ahaa kusimaha gudoomiyaha EuroSom Mudane Hassan Muuse, Hassan ayaa hadal gaaban ka soo jeediyey un a mahadcelinyey dadkii soo qabanqaabiyey xafladan qiimiga leh waxaa uu ka dib ku soo dhaweeyey gudoomiyaha gudiga Olympikada Somaaliyeed Mudane Abdulkadir Gacal abkow, Mudane Abkow ayaa waxaa uu hadal dheer ka soo jeediyey halkaa waxaana uu ugu danbeeyntii ku soo gabagabeeyey ISBOORTIGU WAX MA DUDUMIYO EE WAXBUUDHISAA isaga oo markaas la dardaarmayey dhamaan qaybaha kal duwan ee isboortiga Yurub. Gudoomiyaha ayaa waxaa intaas ka dib uu ku soo wareejiyey Aabaha isboortiga Soomaaliyee Mudane Nuur Hussein ”NUUR JEENYO” oo isaguna ka soo waramay taariikh dheer ka dib ayaa aabaha waxaa uu isaga oo ilimo ka socoto waxaa uu yiri WAR ISBOORTIGA SIDAN HALAGA BADELO isaga oo ula jeedey isboortigan waqtiga la joogo oo aan wax kala danbeeyn iyo is ixtiraam laheyn. 

Xafladan ayaa waxaa goobjoog ka ahaa madaxda ugu sareeysa isboortiga Soomaaliya iyo mas’uuliyiin sar sare oo ay ka mid ahaayeen madaxii garoomada iyo hotelkii isboortiga Mudane Isoomareey, waxaa kaloo joogay Gudoomiye ku xigeenadda Olympikada Soomaaliyeed ee arimaha dibadda iyo Horumarinta Duran Farah iyo Bashiir Fox, Xoghayaha guud ee Olympikadda Soomaaliyeed Abdulahi Tarabi,marti kale oo nooga timid SWEDEN oo ay ka mid ahaayeen Sacad iyo AbdiCade, Kabtankii xulka kubadda Cagta kabtan SHAASH, Aabaha isboortiga Finland Bashiir Abdi Daahir,gudoomiyaha Kanava Mogdisho Salad. 

CIYAARO AAD U XIISO BADAN OO AY SOO BANDHIGEEN KOOXA KANAVA IYO WAABERI. 

Ciyaar ay dad badan u soo daawasho tageen ayaa waxaa ay isaga horyimaadeen kooxaha Kanava (Finland) iyo Leicester (England). Ciyaartan ayaa jawai aad u wanaagsan ku bilaabatay. 

Mar aan ciyaarta ka hor wareysi la yeeshay macalimiinta kooxda kanava oo kala ah Maxamed Atlantiz iyo Macalin Jaango’an ayaa Atlantiz waxaa uu ii sheegay iney soo bandhigayaan ciyaar dadweynaha ay ka helaan, macalinka ayaa waxaa uu intaas ku darey iney kooxda Waaberi ay yihiin dhalinyaro yar yar oo mustaqbalka ku leh ciyaaraha EuroSom. 

Ka dib waxaa bilaawdey bilaabatay ciyaartii, ciyaartaas oo aheyd mid aad u degan  ayaa ciyaartoydii waxaa soo bandhigeen ciyaar wanaagsan, gabagabddii ciyaartan ayaa waxaa ay ku soo gabagaboowdey 2gool Waaberi iyo 1 gool Kanava. 

Macaln Jaan iyo Atlantiz ayaa waxaa ay gabagabdii ka bixiyeen war saxaafadeed oo ay noo sheegeen sababta looga badiyey, waxaa ayna ku bilaabatay ”bilowgii ciyaarta way adkeyd sidii aan ula qabsan laheyn,lakiin qaybtii labaad waxaa ay kuadda gacanta u jirtey kooxda Kanava, waxaan oran karnaa nasiibka ayaa na diidey”. 

Sidoo kale waxaa aan wareysanay macalin Shardi oo ah macalin da’yar waxaana uu ii sheegay sanadkan iney soo diyaar garoobeen oo ayna rajo weyn ka qabaan iney guul weyn ka keenaan ciyaaraha sanadkan inaga oo ku xisaabtamayna dhalinyaradan da’da yar ee aan wadano. 

Ciyaartii labaad ayaa waxaa ay dhexmartay labakooxood oo iyagan aan ka liidan kuwan aan horey u soo sheegnay, ciyaarahan  ayaa waxaa hadda ay marayaan qaybihii ugu adkaa ciyaartan ayaa waxaa ay dhexmartay Birmingham (England) iyo Gothenburg (Sweden). 

Ciyaartan ayaa waxaa ka dhexmuuqdey ciyaaryahano caan ah oo qaran iyo kooxaba ka soo cayaaray, waxaan ka xusi karnaa C/Raxiin Faakte iyo Yariisow. 

Ciyaartan ayaa waxaa ay kama danbeystii kusoo gabagaboowdey 1 gool Birmingham iyo 2 gool Gothenburg.

27.7.07 Helsinki Waxaa sidoo kale ciyaaro maanta ay dhexmareen kooxa kala ah Al-Hijra (England) iyo Kik (Denmark). 

Ciyaartan ayaa waxaa iyana u soo daawashatagay dad weyne aad u tirabadan iyo marti sharaf kalaba, ciyaartan oo aheyd ciyaar xiiso badan ayaa waxaa labadda kooxoodba ay soo bandhigeen ciyaar dadweynihii daawanayey ay kawada heleen. 

Ciyaartan ayaa waxaa ay ugu danbeyntii kusoo gabagaboowdey  2 gool Al-Hijra  halka Kik waxba ka dhalin. 

HIRDA OO DHINACA DHULKA U DHIGTAY DHALINTII LEICESTER 

Waxaa ciyaartii labaad ay dhexmartay kooxaha Leicester (England) iyo Hirda (Holland), ciyaartaas ayaa dadweynahii  u soo daawasha tegey ay filayeen in kooxda Leicester ay ciyaar wanaag muujin doonaan, balse waxaa ka hor yimid kooxda hirda oo aan weli laga badin, kooxdan ayaa waxaa macalin u ah Kabtan Shaash. 

Ciyaarta ayaa waxaa ay aheyd ciyaar wanaagsan oo ay labadda kooxood weerar iyo weerar celis ka dib ay ku dhamaatay 5 gool Hirda (Holland) halka dhalinyarada yaryar ee Leicester ciyaarwanaagooda ay dhaafiwaayeen 2 gool. 

Gudoomiyaha kooxda Leicester mar aan wax ka weydiiyey  maxaa qabsadey dhalinyaradii yaryareed ee ciyaar wanaaga muujisey ayaa Gudoomiye Saney waxaa uu iigu jawaabay iney ka dhaawacnaayeen ciyaartoy badan. kuna qanacsanahay todobadda dhibcood ee aan leenahay. 

Yuusf Yuusuf oo ka mid ah kooxda  Hirda ayaa waxaan wax ka weydiiyey ciyaartii maanta ayaa waxaa uu iigu jawaabey ”Iney aad ugu faraxsanyihiin guulaha aan ka gaarney horyaalka EuroSom ee sagaalaad ee sababteedana tahay isku xirnaanta kooxda iyo taageerayaasha badan ee aan ku leenahay garoonka”. 

Waxaa soo diyaariyey
Abdiaziz Godah
agodah@hotmail.com