Jaaliyadda
Soomaaliyeed ee
Washington DC oo
deeqdii ugu
balaarneyd soo
gaarsiiyey
dadkii ku
waxyeeloobay
dagaalada
Deeq lacageed,
shidaal iyo
joodariyaal ayaa
la gaarsiiyey
Isbitaalada
Keydsaney iyo
Madiina, waxaana
deeqdaani soo
dhiibay
jaaliyadda
SOomaaliyeed ee
ku nool dalka
Mareykanka, gaar
ahan Magaalada
Washington,
waxaana isku soo
dubariday
ururada kala ah
Somali Community
Washington Dc,
Somali AMerican
Peace COuncil,
(SAPC), Somalis
for Peace and
Justice (SPJ),
Somali diaspora
Network (SDN)
iyo Somali
Relief Fun
(SRF),
waxaana loo
marsiiyey Hay'adda
Manhal
Alkheyriya,
waxaana deeqdaan
loogu
talagalay dadlka
soomaaliyeed ay
dhibaatadu ka
soo gaartay
dagaalada ee ku
jira Isbitaalada
iyo dadka soo
barakacay.
Bukaanka ku jira
Isbitaalka
Madiin oo ay
tiradoodu
gaareyso 87
bukaan ayaa
midkiiba la
guddoonsiiyey
7000 oo shilin
SOomaali ah oo u
dhiganta $40
Doolar, sidoo
kale Isbitaalka
Keydsanay waxaa
deeqdaan mid la
mid ah la
gudoonsiiyey dad
ay tiradoodu
gaareysay ilaa
iyo 70 qofood.
Nuur AXmed
WArsame oo ka
mid ah
saraakiisha
Hay'adda Manhal
ayaa waxa uu
sheegay in
deeqdaani ay ugu
talagaleen dadka
SOomaaliyeed ee
dhibaateysan
kuna barakacay
dagaalada ay
waxyeelado ka
soo gaartay,
isagoo sheegay
in dad gaaraya
ilaa iyo 1200 oo
qoys oo ku nool
deegaanka carbis
ka la gaarsiiyey
rasahin isugu
jira Bariis, Bur
iyo Saliid.
Agaasimayaasha
Isbitaalada
Madiina iyo
Keysanay, Xasan
Cusmaan Muuse
(Buurane)
iyo Cali Bile
ayaa u
mahadceliyey
Jaaliyadda
SOomaaliyeed ee
ku nool dalka
Mareykanka gaar
ahaan Magaalada
WAshington,
iyagoo sheegay
in ay deeqdaani
ahayd ugu
balaarneed ee
Isbitaaladan la
soo gaarsiiyo.
Dhinaca kale
Waxaa
maalintii Doraad
ahayd deeq
raashin la
gaarsiyey dadka
soo barakacay ee
ku jira xerada
Carbiska ee
Deegaanka
Afgooye, waxaana
deeqdasi isku
soo uruuriyey
jaaliyadda
Soomaaliyeed ee
ku nool
Magaalada
Washington,
waxaana
qaybinteeda loo
xilsaaray
Hay’adda Manhal
Al-Kheyriya.
Ilaa iyo 650 qoys ayaa qoyskiiba
waxaa la siiyey 25 kiilo oo Bariis ah, 25 kiilo oo ah Bur ah iyo 6-Liitar oo
Saliid ah, waxaana raashinkaas si weyn u soo dhaweeyey dadweynaha deegaanka
oo sheegay in ay tahay deeqdii ugu balaarneed, iyagoo u mahadceliyey
Jaaliyadda Soomaaliyeed ee ku nool dalka Mareykanka gaar ahaan Magaalada
Caasimadda ah ee Washington.
Deeqdaan ayaa waxaa ammaankeeda
sugayey ciidanka nabadgelyada Degmada Afgooye, waxa uuna sheegay Agaasimaha
Hay’adda Manhal Cumar Sheekh Axmed in deeqdaani ay ugu talagaleen in la
siiyo dadkaasi dhibaateysan ee ay soo barakaciyeen dagaalada, waxaa kaloo uu
sheegay in maanta Isbitaalada Madiina iyo Keydsaney ay gaarsiin doonaan
lacago deeqo ah oo ka timid jaaliyadda Soomaaliyeed ee ku nool dalka
Mareykanka gaar ahaan Magaalada Washington.
Hooyo ka mid ah dadkii la siiyey
raashinka oo u warameysay saxaafadda ayaa waxay tiri, ‘waxaan u
mahadcelinayaa dadka Soomaaliyeed ee ku nool Mareykanka, waxaana ka
rajeyneynaa in deeqo noocaan oo kale ah mar kale na soo gaarsiiyaan.
Dadka Soomaaliyeed ee ku nool
Dibadaha ayaa waayadan dambe waxaa looga bartay in ay deeqo kala duwan soo
gaarsiiyaan ummadda Soomaaliyeed ee dhibaatadu haysato, waxayna arrintaani
laba jibaarantay sanadahan dambe, waayo waagii hore dadka Soomaaliyeed,
waxay mucaawinooyin ka sugi jireen hay’ado samafal iyo Dowlado.
WD: Amiin Yuusuf Khasaaro.
E-Mail:
amiinkhasaaro@hotmail.com
Daabaco Boggan | Print
Geeddi
oo aan Weli Ka Jawaabin eedayntii ahayd in "uu
Mas'uul ka ahaa Mamnuucidii Dhoofinta xoolaha 
SOOMAALIYEEY, CABDULLAHI WAA KAAS!!!. 
Sidee
Lagu Xalinkaraa Dhibaatada Soomaaliya: in
dadka diinta labaro, iyo in.... 
Doofaarta
Raacdiyo Amxaar: 
