Aragtidayda ku aadan soo saaridda Macdanta - Aar
Marka hore waxaan salaamayaa hawl wadeenada Somalitalk.com. Salan kadib...
Waxaan ka mid ahay dadka hawl maalmeedkoodu kamid yahay inay Web-ka Somalitalk
booqdaan. runtii waxaan aad ula socdaa wararka iyo faalooyinka ku saabsan
arintan Patroolka P/land taasoo xiisad ka dhex abuurtay DGPL iyo DFKM.
waxaan jeclahay inaan arintaa ka soo dhiibto aragtidayda idinkoo raali iga
ah.......
waxaana muuqata inaad arintaa xooga saaraysaan si shacabka soomaaliyeed aad
ugu iftiimisaan sida xaqiiqda iyo sharcigu yahay ..
Aragtidayda
waxaa iska cad in DGPL aanay wax qaynuuna ama sharci ay cuskan karto aanay
haysan ilaa iyo hadda . waxa ay ku warwareegaysaa ay tahay inay Shirkado
shisheeye heshiis lagashay isla mar ahaantaana waxay ka werwreegaysaa in
shariciga lagu gar naqsado..
Aniga aragidayda waxay ila tahay umadda Somaaliyeed waxay u igmadeen arimohooda
masiiriga ah Dawladda dhexe, iyadaana masuul uga ah umadda Soomaaliyeed wixii
masiiri u ah Sida:- macdan soo saaridda. P/landna waxaa isku waafiqi la'
hadaladeeda kala dhantaalan ee ay leedahay mar anakaa DFKM ah taageersan kana
mid ah, mar kalena hawlihii dawladda dhexe maroorsanaysa, iyadoo waliba u
samaysatay Wasiir u harraadan cabista Patroolka, Sharciyaddisana layskuba
haysto, waxa intaa dheer inay soo yagleeleen Sharci Patrool.
Hadaba waxaa la rumaysanyahay in Golaha wakiiladu arintaas ay laba garab oo is
le eg ay ugu qaybsameen, markay arintu soo gaadhay in sharcigaa la ansaxiyo,
iyadoo aan waqti ay kaga soo baaraan degaan la siin golaha wakiilada,
waxaa xusid mudan Gudoomiyaha Barlamaanka P/land oo muujiyay xil kasnimo
la'aan kadib markii uu ku degdegay inuu cod dheeri ku ansaxiyo halka ay
lagudboonayd inuu arinta u miyiriyo isla mar ahaantaan la tashiyo dhinacyada ah
uu bilaabo, waxaase shacabku qaaday dareen ah in Gudoomiyaha ay ka muuqatay inuu
u jidbaysanyahay qaabilaadda shirkadaha shisheeye ee baaraya Macdanta.
Waxaana jirta dhulka ay leedahay waxbaan ka soo saaraya P/land dhulku waa gobolo
iyo deegaan wax isku darsaday, hadii ay sidaa P/land ku adkaysato aragtidayda
waxaa imanaysa in cid kasta Goofkeeda waxa ku jira ilaashato ayna sugto waqti
aan loo kala dhexayn doonin iyada iyo Dawladda dhexe...
Mahadsanidin
Maxamed Xasan Aar
aar30@hotmail.com
Afeef: Aragtida qoraalkan waxaa leh qoraaga ku saxiixan
Faafin: SomaliTalk.com | March 26, 2008
| 
Daabaco
Boggan | Print
