Qarammada Midoobey: "Waa in la sameeyo cabirka xuduudda badda
Soomaaliya ee EEZ si Dawladda Soomaaliya looga saaro Kumeel-Gaarka"
- Madaxa Golaha Ammaanka ee Qarammada Midoobey (ahna Hindi), oo ka
hadlaayey kulankii QM ee Arbacadii Sept 14, 2011 ayaa yiri "Waa in la
sameeyo cabirka xuduudeeda badda Soomaaliya ee aagga ganacsiga (exclusive
economic zone) si ay u dhaqan galaan qodobada Roadmap-ka ee shirkii
Muqdisho..." Hadalkaas uu yiri Security Council President Hardeep Singh
Puri, waa mid cadaynaya mu'aamarada ku qarsoonayd shirkii Xamar...
- C/weli Gaas oo Shirkii UN-ka u caddeeyey in xukuumadiisu fulineyso
qodobada Roadmap-ka ee shirkii Xamar....
Wasiiru-Dawlahii hore ee Wasaarada Dastuurka iyo Arrimaha Federaalka oo
Shaaca kaqaaday in Shirkii Muqdisho ahaa mid mua'aaradaysan
"Shirkii
Wadatashiga ee Xamar lagu qabtay waxa uu ahaa shir mu'aamaradaysan oo la rabo
dano in la hoos geliyo," sidaas waxaa shaaca ka qaaday Maxamed Sheikh Jaamac
Nageeye oo ahaa Wasiiru-dowlahii hore eeWasaradda Dastuurka iyo Arimaha
Fedaraalka ee Xukuumadii Maxamed Farmaajo, kana tisan xildhibaanadda
Baarlamaanka DFKMG.
Maxamed Nageeye oo arrintaas mu'aamarada ah sharraxaad ka bixinayey waxa uu
yiri: "Ujeedada shirka waxay ahayd in looga hadlo dawladda halka sano oo dhiman
waxyaabaha ay qaban doonto iyo sida loo qabanaayo, waxaase la soo dhexgeliyey oo
lagu soo qariyey in 19-ka bisha December (2011) uu ra'iisul wasaarahu (C/weli
Gaas) soo qori doono waxa la dhaho Exclusive Economic Zone (EEZ) oo ah
badda dawladda Soomaalidu ay xaq u leedahay, dhaqaale ahaana waxa ku jira in
ayada keliya ay ka faa'iidaysato." (LAAKIIN) "Waxaa jira sharci la dhaho No.
37 oo soo baxay 10 September 1972 oo
dawladdii markaas jirtey ay xad u samaysay soohdinta badda Soomaaliya,
marka xeebta laga qaado ilaa 200 nautical mile ayaa Soomaalidu loo ansixiyey oo
sharci loo soo saaray in ay tahay "TERRITORIAL SEA" oo macnaheedu yahay
wax allaale iyo wixii meeshaas ku jira in dawladdu leedahay, oo aan cidina soo
mari karin ayadoo aan ogolaansho laga haysan dawladda Soomaalida."
"Waxaa la rabaa marka sharcigaas (Law No. 37) inta la tuuro, in wixii oo dhan
la daba geddiyo oo ECONOMIC ZONE lagu bedelo meeshii ahayd "TERRITORIAL SEA",
ayuu si yiri Maxamed Nageeye oo shacabka Soomaaliyeed iyo baarlamaankaba u
cadaynayey arrinta mu'aamarada ah ee shirka Xamar ku hoos jirtey in ay tahay in
kelmedda "TERRITORIAL WATERS" la suuliyo oo lagu bedelo "ECONOMIC ZONE".
Madaxa Golaha Ammaanka ee Qarammada Midoobey (ahna Hindi): "Waa in la
sameeyo cabirka xuduudeeda badda Soomaaliya ee aagga ganacsiga
(exclusive economic zone) si ay u dhaqan galaan qodobada Roadmap-ka ee
shirkii Muqdisho..." Hadalkaas uu yiri Security Council President
Hardeep Singh Puri, waa mid cadaynaya mu'aamarada ku qarsoonayd shirkii
Xamar. |
Qaramada Midoobay: Waa in DFKMG ay cabirtaa Aagga Ganacsiga Badda (EEZ) si
looga saaro Kumeelgaarka...
Hadalka Xildhibaan Nageeye waxa xoojinaya, isla markaasna mu'aamarada qarsoon
daaha ka rogey hadal uu Arbacadii (September 14, 2011) shirkii Qaramaada
Midoobey ka yiri Madaxa Golaha Ammaanka ee UN (ahna Hindi) hadalkaas oo ah "Waa
in Xukuumadda KMG ee Soomaaliya ay fuliso qodobada habraaca (Roadmap-ka shirkii
muqdisho)". Qodobada ay tahay in la fuliyo asagoo ka hadlaydeyna waxa uu ku
daray waa in la sameeyo "cabirka xuduudeeda badda ee aagga ganacsiga Soomaaliya
(demarcation of exclusive economic zone)," ayuu yiri Madaxweynaha Golaha
Ammaanka, ahna wakiilka dalka Hindiya u fadhiya UN-ka, Hardeep Singh Puri.
Hadalkaas QM waxa uu shaaca ka qaadayaa mu'aamarada ku qarsoon shirkii Xamar
ee laga soo saaray qodobada loogu magac daray Roadmap, qodobadaas oo ay tahay in
ay xukuumadda FKMG fuliso si looga saaro Kumeel-gaarka.
Shirka uu hadalkaas ka yiri wakiilka Hindiya,
waxaa goob joog ka ahaa Ra'iisul Wasaaraha DFKMG C/weli Gaas, oo asagun
ahalkaas khudbad ka jeediyey (Sept 14, 2011), khubadaas oo uu ugu yaraan
11-jeer ku xusay kelmedda
"ROADMAP" oo ah habraacii lagu go'aamiyey shirkii Muqdisho, waxana uu
hadalka ku adkeeyey in "Xukuumaddiisa ay ka go'an tahay in ay dhaqan geliso
qodobada Roadmap-ka."
Waxaa sidoo kale shirkaas khudbad ka jeediyey Ergeyga gaarka ee QM u
qaabilsan Soomaaliya, Mr. Mahiga oo
asaguna ka hadlay hirgelinta qodobada "Roadmap-ka" ee ka soo baxay kulankii
Xamar.
Xildhibaan Maxamed Sheekh Jaamac Nageeye ayaa sheegay in arinta la soo
cusboonaysiiyey ee xadka badda Soomaaliya la xiriirta ay daba socoto diidmadii
uu golaha barlamanka KMG ku diiday heshiiskii ay wada galeen xukuumaddii
Cumar Cabdirashiid iyo dowlada Kenya. (Heshiiskaas hore waxaa DFKMG u
saxiixay wasiirkii hore ee Iskaashiga Caalamiga C/raxmaan C/shakuur
Warsame.)
Si aad u fahamtid arrintan, akhri qoraalkan
Codka Xildhibaanka waxaa soo tebiyey:
Muuse Maxamuud Jiisow
00252-061-5576666 /00252-0699-907666 , Muqdisho
Qoraalkii hore ee XildhibaanNageeye:
Barlamaanku waa Wakiilka, Af-hayeenka Rasmiga ah ee Shacabka.
Faafin: SomaliTalk.com | September 14, 2011
Daabaco
Boggan | Print
