C/Shakuur Mire Adan “Waxaan ku Baaqayaa in Xilka laga qaado Fowsiyo Yuusuf
Xaaji Aadan Maadaama ay Ogolaatey in Muran la Geliyo Badda Soomaaliya”
- Xigasho: Radio Dalsan oo wararka ka baahiya Muqdisho
"Wasiiradda Arrimaha Dibadda Soomaaliyeed shalay waxay iska saxiixday
dhulkii Soomaaliyeed, cid la xisaabtantay oo wax kaqabatay ma jirto, waxay la
saxiixday Kenya in uu muran ka taagan yahay dhul-(badeedka) Soomaaliyeed, waa
dembi la galay, waa khiyaamo qaran" (Dhagayso)
C/Shakuur Mire Adan
 |
Wasiir ku xigeenka Dekedadaha Puntland C/Shakuur Mire Adan oo Telefoonka kula
hadlay Radio Dalsan ayaa ku baaqay in xilka laga qaado Fawsiyo Yuusuf Xaaji
Aadan oo ah Wasiirka Arimaha Dibadda ee DFS oo uu ku eedeeyey Iney ogolaatay in muran uu
ka jiro Dhulka Xadka Badda ah ee Soomaaliya iyo Kenya taasoo micnaheedu uu ku
sheegay iney gashay khiyaano Qaran sidaas daradeedna xilka laga qaado.
Halkan ka dhagayso C/shakuur Mire Aadan Dhinaca kale wuxuu sheegay in Dawladda Soomaaliya taladeeda ay isku koobeen
Mas’uuliyiinti Jaamacada SIMAD iyo Hay’ada Munadamtul Ifriiqiyal Caalamiyah ,
waxuuna sheegay in taas ay tahay mid aan tusineynin Puntland astaan Dawladnimo “Waad arkeysaa MadaxweynihIi waxuu Magacaabay 18 la Taliye iyo safiir kuligood
waa Simad Afriiqyiah Caalmiyah , Puntland waxey qoonsan tahay in awoodii
federaalka ee wax qeybsiga lagu takri falayo” Waxuu sheegay C/Shakuur iyo Wasiirka Maaliyada uusan Puntland matali Karin oo
uusan xitaa xalin Karin kala taga Puntland iyo dawladda sidaas daraadeed aysan
sax aheyn markii horeba qof nuucaas ah in wasiir laga dhigo. Dhinaca kale waxuu beeniyey in shalay Calanki Soomaaliya lagu gubay Puntland
laakin waxuu qiray in sawirka madaxweynaha la gubay taasna ay aheyd dareenka
dadka oo aan la dhacsaneyn siyaasada dawladda. Wasiirka ku xigeenka ayaa Gabagabadi sheegay in Dawladda ay fikirkeedu uu ka
shaqeeyo kaliya meelo yar oo Muqidisho mid ah oo aysan xitaa gobolada dalka
fikir ahaan aan laga taabacsaneyn sida Hiiraan Baydhaba iyo kismaayo.
Hadalkisa waxuu imaanayaa xili Dawladda Soomaaliya shalay looga Banaanbaxay
Garowe ayna sii kala fogaanayaan labada dhinac ee Puntland iyo Soomaaliya,sidoo
kale Dhawaan waxaan Magaalada Nairobi Heshiis Dhinaca Badda ku gaarey Dowladaha
Soomaaliya iyo Kenya waxaana heshiiskaas Dhinaca Soomaaliya u saxiixey Wasiirka
Arimaha Dibada ahna Raiisul Wasaare Kuxigeen Dowladda Federaalka Fowsiyo Yuusuf
Xaaji Aadan balse Fowsiya waa ay beenisey in ay Heshiis Dhinaca Badda la gashey
Kenya. W/D Amiin Yuusuf Khasaaro
E-Mail amiinkhasaaro@hotmail.co.uk
E-Mail amiinkhasaaro@yahoo.co.uk
Faafin: SomaliTalk.com | June 11, 2013
| 
Daabaco
Boggan | Print
