Magaalada Baydhabo oo markii ugu horeysey lagu qaadey dagaal.

Abuu Mansuur oo dilkii Madaxii UNDP iska fogeeyey.

Dagaal aad u qaraar ayaa xaley (July 8, 2008) waxaa uu ka dhacay Magaalada Baydhabo ee Gobolka mBay ka dib markii ay halkaas soo weerareen Ciidamo ka tirsan Urur Diimeedka Dhalinyarada Al- Shabaab waxaana dagaalkaas uu ahaa kii ugu horeeyey ee ka dhaca Magaalada Baydhabo oo Xarun u ah Baarlamaanka Dowladda Federaalka .

Dagaalkan oo dhacay Xaley Saqdii dhexe ayaa meelaha uu ka dhacay dagaalka waxay ahaayeen Garoonka diyaaradaha Magaalada Baydhabo oo la sheegay in ay degan yihiin Ciidamo Itoobiyaan ah waxaa kaloo weerar lagu qaadey Xarunta Madaxtooyada ee uu fariisan Jirey Madaxweyne Cabdulaahi Yuusuf waxaana la sheegay in sidoo kale la weerararey Goobo ay deganaayeen Ciidamo ka tirsan Dow;ladda Federaalka.

Ilaa iyo hadda lama oga Khasaaraha ka dhashey Dgaalkaas hase yeeshee Sarkaal u Hadley Ciidamada waxa uu sheegay in dagaalkaas ay kaga dhinteen Lix askari hase yeeshee Afhayeenka Xarakada Al- Shabaab Shiikh Muqtaar Roobow Abuu Mansuur waxaa uu sheegay in ay khasaaro gaarsiiyeen Cidamada Itoobiya iyo kuwa Federaalka sidoo kale waxaa uu sheegay in in la wareegeen qaybo ka tirsan Magaalada Baydhabo.

Dadweynaha ku nool Magaalada Baydhabo ayaa walaac ka muujiyey Dagaalkaas oo ku tilmaamey in ay isbedeshey Xaaladda Nabadgelyo Magaalada baydhabo wixii haatan ka dambeeye aan la isku haleyn Karin Magaalada waxaa durba bilowdey Barakac iyadoo magaaladaas ay buux dhaafiyeen dadka barakacay dagaalada Magaalada Muqdisho.

Ilaa iyo hadda dowladda wax faafaahin ah kama bxin dagaalkaas ka dhacay Magaalada Baydhabo oo ahaa kii ugu horeeyey ee ay ku soo qaadaan xoogaga ka soo horjeeda joogitaanka ciidamada Itoobiya iyadoo horey ay xoogagaas u xireen wadada isku xirta Magaalada Muqdisho iyo Baydhabo ka dib markii weeraro lagu ekeeyey wadadaas oo ay maraan Masuuliyiinta Dowladda .

Muqtaar Roobow Abuu Mansuur waxaa uu gaashaanka ku dhuftey hadal ka soo yeerey Raiisul wasaare Nuur Cadde oo ahaa in kooxda Al-Shabaab ku soo biiraan wadahadalada u dhaxyeey Isbahaysiga Dib u Xoreynta kaasoo ka socda Magaalada Jabuuti , wuxuu sheegay Abuu M,ansuur in aysan wadahadal, la galeyn Dowlada inta ay sheeganeyso Dowladnimo iyo inta ay joogaan Cioidamada Itoobiya .

Abuu Mansuur waxaa kale uu beeniyey in ay wax lug ku leeyihiin dilalka ka socda dalka gaar ahaAn dilkii loo geystey Madaxii Hayada UNDP Cismaan Cali Axmed wuxuu sheegay in dilkaas ay ka dambeeyeen Dowladda Federaalka iyo Ciidamada Itoobiya oo u jeedadadooda ay tahay in ay sumcada ka haleeyaa Mujaahidiinta wuxuu kaloo sheegay Abuu Mansuur in dilkaas ay dhici karo mid loo maleyn karo mid la xiriirta in laga disho xilka uu hayo .

W/D Amiin Yuusuf Khasaaro.

E-Mail amiinkhasaaro@hotmail.com

Australia: Gurigii Xafiiska u ahaa Shirkadda Range Resources oo La Xaraashayo
Gurigaas oo ku yaal galbeedka Perth oo xafiis u ahaa dhawr shirkadood oo ay ka mid tahay shirkadda heshiiska kula jirta DGPL ayaa Akhri

Senator Norm Coleman oo laga codsaday inuu taageero sharciga fududeynta xawaaladaha ee congresska H.R. 4049

Isbahaysiga dib U Xoreynta Soomaaliya wuxuu si kulul u cambaareynayaa dilkii loo geystay madaxa Hay’adda UNDP Somalia, marxuum Cusmaan Cali Axmed.. Akhri July 8