X I L B E E G
Ardaa Bulsheed Dan Bida Tan Guud.
_________________
War Saxaafadeed: Bogaadin Hawlaglka Amni ee Ciidanka
Booliska Boosaaso, 10-ka Janaayo 2008.
Annaga oo tixraacayna iska-horimaadkii hubaysnaa ee
maanta oo ay taariikhdu tahay 10-ka Janaayo 2008 ka
dhacay Bosaaso, waxaan hambalyo u direynaa ciidamada
booliska magaalada Boosaaso oo maanta fuliyey hawlgal
nabadgelyo oo lagula dagaalamayo burcad waayadan falal
damabiyeed isku dhafan afduub iyo dhac u geystay
ajaanibta martida u ah Puntland ee ka shaqeeya hawlaha
samafalka.
Sidoo kale, waxaan tacsi u direynaa xubnaha ciidanka
booliska ah ee ku geeriyoodey, kuna dhaawacmey
hawlgalkan. Ciidamada boolisku waa naftood hurayaal
bulshadu ay ku laddo, una taagan badbaadinta bulshada
markii iyo halkii loo baahdo, sidaa darteedna ay mudan
yihiin ixtiraam iyo gacansiin buuxda.
Waxaan sidoo kale tacsi u diraynaa ehelada dadkii
rayadka ahaa ee dhibaatadu ka soo gaartay dhacdadan.
Waxaanu ku taageeraynaa, kuna boorinaynaa dawlada
Puntland in si degdeg ah loo dhameystiro hawlgalkan lagu
sugayo amniga, gacan bir ah lagu qabto amniga, lagana
hortago cid kasta oo wax u dhimeysa nabadgelyada
Puntland. Bulshada ku nool Puntland waa dad dhaqan u leh
nabad jacayl, balse marnaba aan u dulqaadanayn isku day
wax u dhima nabadda Puntland.
Waxaan ugu baaqeynaa hay'adaha caalamiga ah, iyo kuwa
Qaramada Midoobey in ay maamulka Puntland kala
shaqeeyaan sugitaanka amniga, sidaas darteedana ay si
degdeg ah dib ugu bilaabaan hawlaha samafalka ah ee ay
baahida darani u hayso bulshada inteeda nugul.
Mahadsanidin.
_______________________
*** XILBEEG waa urur bulsheed u taagan toosinta
galdaloolooyinka maamul, goobana horumarka fog ee
Puntland, lehna aragti siyaasadeed u nugul danta guud.
"Cindi laawe, Ha Cawarine, Caymi" Hal kudhegga
XILBEEG.
Guddiga Xiriirka Bulsho ee XILBEEG
xilbeeg@gmail.com
::: X I L B E E G: Duulduulka Cadde, iyo Damanaanta
Dadka Puntland
Xilbeeg:
Puntland: Dhankii loo Saraba waa Boog