Maraakiibta Dagaal ee France oo ku raad jooga Budhcada haysata
Markabka laga leeyahay France
Bosaaso:- Warar hordhac ah ayaa ka soo baxaya Markab laga leeyahay Dalka
France kaasi oo mudo 3-Cisho ah lagu hayso Xeebaha Maamulka Puntland,
markabkaasi ayaa la sheegay inuu ahaa nooca Dalxiiska,iyada oo ay saaraayeen
shaqaale gaadhaya ilaa 30 Ruux oo u kala dhashay wadamaya France, iyo
Ukrain,iyada oo Budhcada haysataa aanay wali dalban wax Lacag ah.
Kooxda oo ku heysta markabkaasi xeebta tuulo u dhaw degmada Garacad ee
gobolka Mudug.
Dawladda Faransiiska ayaa ciidamo booliis ah oo si gaar ah u tababaran waxay
u dirtay gobolka geeska Africa, si ay diyaar ugu noqdaan inay fara geliyaan
haddii lagu guuldareysto wada xaajood u socda koox burcad Soomaali ah oo
markab yar oo kuwa dalxiiska loogu tala galay ah iyo shaqaalihiisi ku heysta
xeebta Somalia.
France waxay ku cel celisay inay Lagama maarmaan noqonaysa in la weeraro
kooxdaasi hadii ay qadacaan Hashiiyo qaybyo ah oo wali u socda Kooxgaasi wax
Afduubatay iyo Dawlada Dalkaasi France.
France ayaa laga soo xigtey in ay xiriir la sameeyeen kooxda burcad badeedka
ah. Markabkan yar ee laga leeyahay waddanka Faransiiska ayaa kooxda burcad
badeedku ku heystaan soddon qof oo ah shaqaalihii markabkaasi.
ilaa 3- Marakab oo ah nooca Dagaal ee ay ka kacaan Diyaaraha qumaatiga u
kaca ayaa waxay ku raad joogaan Budhcadaasi,iyaga oo la sheegay in wali daba
joogaan, waxa la sheegay inay Diyaaradaha Dagaalka ee France ay dul
heehabayaan Markabkaasi la Afduubay kuwaasi oo joog hoose ku soconaya.
Dhanka kale Maamul Goboleedka Puntland ayaa si toosa u qiray inaanay awood
buuxda u lahayn inay is hortaagaan Budhcadaasi duhurka cad markaabiibta
Afduubaysa, Masuuliyiinta Xukuumada Puntland ayaa saasi warbaahinta ka
sheegay.
Jamaac Ayaanle Feyte
Somalitalk.com/Bosaaso
Faafin: SomaliTalk.com | April 9, 2008
|
Daabaco
Boggan | Print
Ergeyga
Qaramada Midoobey ee Soomaaliya oo Qiray Shirkado Batrool oo Been-Abuur ah
in Soomaaliya laga siiyey Xuquuq (Shidaal Baaris)
Somaliland
oo Xaqiijisay in Xiriir Dhexmaray Shirkadda Batroolka ee Lundin Oil
