Geeddi
galbayee
guumayskee
galgalan
doono?
HordhacWaxaa
jirto maahmaah ay
soomaalidu kumaahmaahdo
oon aniga shakhsiyan
jeclayn maadaama ay
kusaabsan tahay durid
ladurayo dummarka balse
aan jeclaystay inaan
usoo qaato xaaladda
maanta taagan.
Maahmaahdana waxay ahayd
sidan; Habar dhali
wayday aleelo
kuwaalatay. Waa maahmaah
ay runtii kamuuqato
aflaggaaddo lugu durayo
qof dumar ah oo
baadigoobayso siday ilmo
u heli lahayd. Anoon
aaminsanayn inay
maahmaahdaa sax tahay
jecelna inayba bidhaan
qarsoonto foolxumadeeda
darteed ayaan haddana
kammaarmi waayey
maadaama aan arkay qolo
ay ku habboontahay
xilligan lajoogo in
loogu yeedho.
Cali Maxamed
Geeddi
Asagoon dadku horey u
aqoon ayuu halmar soo
baxay, kadib markay
Itoobiya soo sharaxday
maadaama ay kukalsoonayd
uuna ahaa wiil ay iyada
soo barbaarsatay lana
aragti iyo hadaf ahaa.
Dad badan way
ku’adkaatay inay wax
kusheegaan markuu soo
baxay maxaa yeelay wuxuu
ahaa nin aan siyaasadda
fadhiidka ah ee
soomaaliya kajirtay
muddadii burburka aanan
lugu dhax arag. Sikasta
oo uu qofku ufiicanyahay
sikasta oo uu aqoon
uleeyahay sikasta oo uu
karti uleeyahay waxaa
jira waxyaabo
kahorimanayo oo uusan
sinnaba uga gudbi karin.
Qofkii caqli leh wuu
qiyaasi karay inuusan
Geeddi 1% oo wanaag ah
soomaaliya kusoo kordhin
karin waaba hadduu
wanaag yaqaanno oo uu
rabay inuu sammeeyo.
Maxaa yeelay waxaa madax
u ah Kornaylka oo hore
uqirtay inuu asaga
soomaaliya xiddidada
usiibay, asagana waxaa
madax usii ah Meles
Zenawi oon illaa iyo
hadda aan lacadayn karin
wuxuu soomaaliya
kamaagganyahay oo qudha
waxaa lahubaa inuu
doonayo inuu meel xun
ugasoo hadho. Inuu
Gummaysan rabo, inuu
kala googayn rabo, inuu
kufsan rabo ama inuu
intuba rabo inuu kawada
sammeeyo illaa iyo hadda
makala cadda.
Intaa waxaa usii
dheerayd Geeddi waxaa
ciidan u ahaa ciidamo
Gumaysi oo loosoo
carbiyey inay wax
gummaystaan waxna
gummaadaan iyo Mooryaan
qaadku cunto uyahay oo
ubadkooda mijin qaada
kubadalani hadday
doonaan looguna yeedhay
magac khayaali ah oo ah
inay yihiin ciidan
qaran. Qaran jiro ayaa
ciidan yeeshee aaway
qaranka? Mase
soomaaliyadii hore ee
lagasoo gudbay bay
ciidan u ahaayeen? Mise
soomaaliya dhalan doonto
oonnan war uhayn bay
ciidan unoqon doonaan?
Geeddi markuu xoogaa
kursiga kufadhiyey ayay
soo baxday
shakhsiyaddiisa wuxuu
galo iyo wuxuu gudo,
la’ogaadayna wuxuu
meesha uyimid oo ahayd
inuu fuliyo siyaasadda
madaxda Itoobiya asagana
shakhsiyan hadduu wax
uga baahdo uu suu rabo u
cantuugo. Waxay ahayd
marka hadduu caqli
leeyahay inuu aqbalo mar
haddii layidhi kadag
jagada wakhtigaadii
dhammaayee. Qofku hadduu
qof wayn yahay waxna
kala garanayo wuu garan
karaa dagaalka uu ku
guulaysan iyo kakale iyo
waliba awooddiisa intay
dhantahay. Intuusan af
labadii dhawaaqin oo
ayna erayo culculus
kadhicin ayey ahayd inuu
tabartiisa ogaado.
Intuusan Reer Muqdisho
oo uusan waligii waanag
ugalin haddana usoo
wadin uusan dhihin wax
iskaceliya, intuusan
kudoodin inuu ummadda
xilka uu uhayo uusan
kadagayn oo uusan been
intaa la’eg lasoo shir
tagin, intuusan kaga
xanaajin adeerradii ayey
ahayd inuu aqbalo
taladooda asagoon dharka
iska tuurin sidii hadda
loo dulleeyeyna aanan
loo dulaysan.
Inkastoon soomaalida
muslimka ah sidoo kalena
xil kaska ah uusan
qadarin dhaxdooda
kamudanayn danbiyada uu
galay dartood haddana
darajada uu maanta
kusugan yahay way
dhaammi lahayd hadduu
intaas kacaqli badnaan
lahaa. Oo haduu si
tartiiba xilka isaga
dago hadhowna kudoodo
qolodii meesha
igaystaybaa i tidhi
kadag oo hadalkooda
madiidi karin aadbay
udhaammi lahayd siduu
maanta kutagay. Waxaan
umalayn hadday jidhkiisa
kujirto inyar oo xishood
ah inuusan 10 sano oo
soo socoto meel fagaare
imanaynin. Maxaa yeelay
haddallo waawayn ayaa
kadhacay; Qowl waayeel
waa qolof geedkeedii
kadhacday ayaa horey loo
yidhi. Dad badan ayaa
uqaatay inuu Geeddi
dagaal ooge noqoni oo
uusan ciyaarciyaar
kutagayn asaga iyo
Kornaylkana ay meel fog
kusoo kala hadhi.
Kadib waxaa halmar
laga warhelay Geeddiyoo
looga yeedhay xaruntii
soomaaliya laga xukumay
mar labaad, xan yarna ay
soo baxday laleeyahay
labadii Waraabe haddana
sucuudiga ayaa uyeedhay
oo raba inuu heshiisiiyo
iwm. Waxaa kuxigtay
Geeddii oo katiinaydsan
oo buusbuusan oo godkii
ciidamada sirta ee
Maraykanka uga furraa
Addisaba lugusoo
maraanmaray oo ay
waardiye Tigree ah
wadaan oo garoonka
Baydhabo lagasoo dajiyey
kadibna toos loogu
geeyey Wiil balaayo
halkaasna raalli galin
kudhiibay rukuucna
kudaray aflaggaaddadii
uu aabihiis ugaystay
iwm, kadibna iscasilay.
Waxa la’iswaydiin hayo
ayaa ah barafasarka
mafahmi waayey meeshuu
joogo iyo awooddiisa
goor hore? Muxuu sidan
isugu dulleeyey? Muxuu u
aqbali waayey mar hore
inuu xildhibaanno
kusheegga is hor geeyo
oo ay asaga iyo aabihiis
halkaas kukala baxaan si
ay xoogaa yara sharaf
ugu noqoto oo ay ugu
ekaadaan niman xeerkay
dajisteen kukala baxayo
intay sidii qamarjiyadii
luuluuqa dhaxdooda feedh
kudhammaysanayaan.
Aan usoo noqdo
ujeedadaydii qoraalkan
Waaxan sheeko
kumqalay nin askari ah
baa waa hore isku dayey
inuu dajiyo xeer
ciqaabeed oo ciidamada
lugu maamulo. Markuu
xeerar badan dajiyey
ayaa layidhi wuxuu
kawarhelay inuu asaga
laftiisa mid kamid ah
xeerarkii uu dajiyey uu
jabiyey, ciqaabta
xeerkaana uu yahay dil.
Waxaa layidhi wuu is
dilay, wuxuuna isu dilay
si’uu xeerkiisa
udhaqangalo oo loogu
dhaqamo. Haddaad rabto
inaad nidaam hirgaliso
waa inaad adiga iska
billowdo kuna dhaqanto.
Odayga marka waxay ahayd
inuusan aqbalin in
Geeddi inta gafuurka
laga garaaco lugu khabso
inuu iscasilo ee waxaa
uga fiicnayd in uu
xildhibaanno kusheegga
horkeeno halkaana cod
loogu qaado oo lagu rido
si’ay ugu ekaato inuu
nidaam jiro. Ninkii
shalay lalahaa waa
Ra’iisalwasaare dhulkaa
lugu jiiday oo xitaa
gurigiisii waa
labililiqaystay asagoo
karbaashan oo madaxa
foorarinayo ayuu
Baydhabo yimid kadibna
waxaa layidhi carar oo
bidhaan qarsoon oo yaan
lugu arkin mar danbe.
Nasiib darradiisase
waxaa soo ifbaxday
Kornaylka siduu rabo
inuu wax kumaamulo oo uu
isu arko sharcigii
ladajiyey, dalkii iyo
dadkiiba. Waxa loogu
yeedho DFKM ahna waxaa
kamuuqdo caalamadihii uu
Puntland kusuntay ee
ahayd inuu xeerarkii uu
asaga wax kadajiyey
haddana baalmaro kana
dhigo; cadyahow ama
kucunay ama ku
ciideeyey.
Wanaataa riyadii reer
Puntland la’isla arko
meeshay kudanbaysay
kadib markuu marin
habaabiyey kana dhigay
maqaaxi asaga ushidan
oon ujeeddo intaa
kadheer lahayn. Cadna
waa go’ay oo wuxuu
labaxay Maakhir kadib
markuu kujaho wareeray
maamul xumada meesha
taallo, cad kalana
Somalilandbaa meel cidla
ah kaheshay oo
cantuugtay.
Gabogabadii
Waxaa aad la’isu
waydiinayaa waa kuma
miskiinka maangaabka ah
ee haddana sida
Geeddiyoo kale intii
la’aakharo seejiyo
haddana inta ladulleeyo
dabada laga haraantini
markuu guto waajibaadka
gumaysigu higgaadinayo.
Ugu yaraan Geeddi wuxuu
kufaani karaa waa hadday
faan noqon karto xoogaa
mukhallisnimona waan
kushaqaystay oo waxka
aruursaday, wiilkaygiina
sifiican ayaan u
aroosiyey oo malaayiin
doollar oon dhacay
kubixiyey, sidoo kale
odayga shilin waan uga
dhaartay intaan meesha
joogay oo gaajo ayaan
udilay uu gaadhay heer
uu dakaddii muqdisho oo
marayso; qabri wax laga
qaado malaha wax lugu
kordhiyo mooyee inuu
luluf udoonto oo
qashinka yaallo gurto.
Ninka Geeddi uga danbayn
doono jagadii laga
qadanqootiyey wuu kasii
tabar yaraan kana sii
hoosayn intuu Geeddi
haystay oo xitaa loo
malayn mahayo in loo
oggolaan inuu xitaa
mukhallas noqdo iskaba
dhaaf inuu kaalmada
caalamka ee laaluushka
ah afka iskamariyo e.
Midda kale muxuu
kabadali ama kabadali
karaa siyaasadda
soomaaliya nin hadda
lugu magacaabay
Ra’iisulwasaare? Waxaa
hore loo yidhi; quraan
alif kaqalloocday
albaqara kama tooso. See
wax lugu hagaajin
waddadeediiba lama
hayee! Goormuuse weer
adhi meel cidla kahelay
noqoni wanaag doone?
Kooxda soomaaliya
afduubatayna sida
Maraykan iyo Itoobiya
wax ugusoo kordhi
maayaan nin kale oo
lamagacaabay kadib
markii laqadanqootiyey
kii kahorreeyey, maxaa
yeelay dhibaatada
salkeedii mataabanayaan
mana ay fiirinayaan inay
silcinayaan ummad dhan
oo 10 milyan kabadan.
Ilaa ay u ogalaadaan
inay ummaddaa aayaheeda
katashato oo ay
askartooda kala
baxayaanna wax isbadali
malaha wax kadara mooye
hadday rabaan xitaa kun
aleelood hakeensadeen
bal inay horumar yara
sammeeyaan oo ay wax
uhirgalaan.
Axmed-shiil Muxumed
Borlänge, Sweden
ahmedshil@yahoo.com
Raad ba’ay iyo reer
ba’ay:: Dawladnimadii oo sayn lagasoo rifi waayey,...
Akhri...
O.N.L.F
Ururkii Gobonimada Doonayey - Qaybtii Labaad... Akhri
Oday Dhaqameedyadii gummaystaha: Odayada madasha soo
xaadiray, Yay nabadda gacanta ugu
jirtaa?
Afar
boqol iyo afartan malyuun oo doollar:
maqaal kusoo baxay jariidada
göteborgs-posten.... Akhri...
Warbixin:
Borlänge iyo Somalitalk.com II
Faafin: SomaliTalk.com |
Nov 1, 2007
![](/terry/arrowleft.gif)
![](/terry/arrowright.gif)
|