Avv, Cali Muumin Ismaaciil “waxaa
iga su’aal ah meel aan amaan ka jirin sida loogu xisaabtamayo”
Xildhibaan Indhogeele “ Xamar in la tago wax fududd
ma aha”,
Xildhibaan Cali Aadan Xuseen “Xukuumadu hadii ay
aqoonsi dhab ah leedahay sida hada ay u dhaqmeyso uma dhaqanteen”
Doodii Moshinka Baarlamaanka DFKMG ee ka Dhanka ahayd xukuumada Prof.
Geedi oo weji kale isu rogtay{Fadhigii Labaad ee Dooda qaybtii
1-aad}
Kulankii labaad ee ay ku yeeshen Xubnaha Golaha
Baarlamaanka DFKMG Hoolka shirarka ee Magaalada Baydhabo oo ay isugu
yimaadeen 206- mudane, islamarkaana looga doodayey mooshinka la
xisaabtanka Xukuumada Prof.Geedi, ayaa waxaa ka Hadley 17 mudne,
mudanayaashaan ka Hadley intooda badan waxaad moodaa iney isku ag
dhowaayeen fikradahooda, hadaba waxaan isku dayi doonaa inaan soo koobno
kuwooda ugu muhiimsanaa.
Ugu horeyn waxaan soo qaadaneynaa Xildhibaan Indhogeele
waxaa uu yiri “Baarlamaanku wuxuu soo marey marxalado kala duwan,
waxaana qabaa in la xisaabtamo way haboon tahay, laakiin mid wax
dhisaysa ayaa wanaagsan, hadii aad fiiro dadka qaarkood hadaladooda ma
aha wax loo baahan yahay, anigu waxa laga sheegayo Idaacadaha oo kale
waan ka sheegi karaa laakiin waan ka xishoonayaa, sababtoo ah Xamar in
la tago wax fududd ma aha, in wax la qabteyna waa in la sheegaa waxna
way dhiman yihiin, waxaan gacanta ugu jirney Hay’ada UNDP maantase waan
ka xorowney, waana tilaabo gore loo qaadey ee nimanka leh Dowlada way
dhacdey ha ogaadeen”.
Xildhibaan Maxamed cali shiriye ayaa isna qaba fakir ah
“ Mudane Gudoomiye iyo Xildhibaano anagaa dhiisha ruxney, markii aan
ruxney Subag baa ka yimid, halkaan waxaa la keeney Mooshin, waxaana ka
mid ahaa qodobadiisa in Baarlamaanka dibu-habeyn lagu sameeyo, sababtoo
ah Gudiyada Baarlamaanka waxay ku dhisnaayeen markii hore nidaamka
4.5-ka, hadase waxay ku dhisan yihiin nin jeclaysi, Gudiyaduna waxay ka
mid yihiin mid lagula xisaabtamayo xukuumada, la xisaabtan kuna ma aha
wax la diidi karo, intaan u gudbin waxyaabaha kale horta waa in
Baarlamaanka dibu-habeyn lagu sameeyaa”.
Avv, Cali Muumin Ismaaciil waxaa uu doodiisa ku bilaabey
“ waxaan jeclahay inaan sheego, hadii aynu rabno inaann sharci dejino oo
cadaadalada ka shaqeyno,horta waa in aynu cadaalada isku maamulnaa,
mooshinku wuxuu ahaa turxaan bixinta iyo dardargelinta Baarlamaanka,
inkastoo laga reebey lifaaqii, marka laga hadlaayo la xisaabtan ka
Dowlada waa xaq waana waajib ayuu yiri isagoo hadalkiisa si wata ayaa
intaa ku darey “aniga waxaan ka mid ahay gudiga garsoorka iyo cadaalada
waxaana gudoomiyaha ka codsaneynaa in labada Wasiir ee garsoorka iyo
Arimaha Diinta nala soo hor fariiso, si aan wax uga ogaano wax
qabadkooda intey xukuumadu jirtey wixii ay qabteen, tan kale waxaa iga
su’aal ah meel aan amaan ka jirin sida loogu xisaabtamayo, sababtoo ah
Dekeda Kismaayo waxay u dhigantaa tan Boosaaso, hadana ma shaqeyso oo
nidaamkii ayaa hada laga hirgelinayaa, waxaana haboon ineynu tixgelino
dagaalada hada ka socda dalka, waxaana wali wax lagu tuuraa Shirka
dibu’heshiisiinta meesha uu ka socdo”.
Mar uu ka hadlaayey Avv.Cali Muumin Xeer hoosaadka ayaa
wuxuu yiri “ilaa iyo hada naloomasoocelin sharci uu Madaxweynuhu soo
sixiixay ama diidey, waxaan codsanayaa in naloo keeno Dokumiintiyadaas,
ilaa Gudoomiyaha, Ra’iisul Wasaaraha iyo Madaxweynaha”.
Cali Aadan Xuseen hadii aan soo koobno doodiisa ayaa
waxaa uu yiri “Xukuumadu hadii ay aqoonsi dhab ah leedahay sida hada ay
u dhaqmeyso uma dhaqanteen, sababtuna waxay tahay raga hada
Gudoomiyayaasha gudiyada Baarlamaanka ayaan aqoontooda ahayn midi loo
baahnaa, midaas ayaana keentey in Xukuumadu sidaas u dhaqanto ee aniga
waxaan qabaa in gudiyada Baarlamaanka dhismahooda dib loogu noqdo”.
Maxamed Macallin Cismaan{All-man} Somalitalk Baydhabo.
fatxumaalik@hotmail.com, fatxumaaliky@yahoo.com
Faafin: SomaliTalk.com | July 31, 2007
Daabaco Boggan | Print
Geeddi
oo aan Weli Ka Jawaabin eedayntii ahayd in "uu
Mas'uul ka ahaa Mamnuucidii Dhoofinta xoolaha 
SOOMAALIYEEY, CABDULLAHI WAA KAAS!!!. 
Sidee
Lagu Xalinkaraa Dhibaatada Soomaaliya: in
dadka diinta labaro, iyo in.... 
Doofaarta
Raacdiyo Amxaar: 
