 |
|
Sh. Muxamed Idris Axmad
waxa uu halkan kusoo gudbin doonaa maqaal maalinle ah iyo mid asbuuci ah
oo Axadda kusoo bixi doona SomaliTalk.com, insha Allah, ee sidaas la
soco. Sh. Muxamed Idris waxa uu noqday madaxa golaha imaamyadana ee
Woqooyiga Ameerika, iyo Iimaamkii Masjidka Assunah ee Atlanta, Georgia
iyo Masjidka ibn taymiyah ee Columbus, Ohio. Waxaana lagala
xiriiri karaa Emailka:
dalyaqaan@yahoo.com |
|
April 2, 2006 |
SOOMAALI
WADA JIRTA
iyo
Socdaalkayga
Nolosha!
(1)
Noloshu waa socdaal.. Waxaan soo bilawnay markaan
adduunka indhaha ku kala qaadnay, welina waan wadnaa intaan ka dhimano.
Socdaalkaygii gaabnaa ee adduunkan, qayb ka mida
oo ku saabsan intaan dhex maraayey Ummadda aan ku dhex bar baaray, ayaan
jeclahay iney ila wadaagaan, walaalaha afka soomaaliga akhriya kuna hadla.
Weliba qaybta ku saabsan, side lagu heli karaa, SOOMAALI WADA JIRTA oo WAX WADA
QABSATA? Khibradayda yar ayaan jeclahay inaan idin la wadaago.
Maah maahyaha
soomaalida ee xikmadda wada jirka iyo nafaciisa tilmaama waxaa ka mida:
Gacma wadajir bey wax ku Gooyaan.
Kala socodka wax tar la’aantiisan waxaa ka mida maah maahyohooda:
Far Keliyii Fool Ma Dhaqdo!
Waxaan filayaa arrinkaas oo
salka ku haya xikmadda bani aadamku ka kasbaday khibradda iyo taariikhda
ummaduhu soo maraan, ayaa islaamku xoojiyey, waxyiguna taageeray.
Wuxuu Rabbi Subxaanahu
watacaala amray muslimiinta iney midoobaan, hadeey is qab qabsadaan oo kala
tagaanna, in tabartoodu tegeyso.
Anigu inta yar oo aan ka arkay,
da’dayda iyo tajribadayda, waxaan si buuxda u dhihi karaa, uguna qanacsanahay,
Ummadda soomaaliyeed iney tahay, dad wax wada qabsan kara,
midoobi kara, wada shaqayn kara, horumar deg degana samayn kara.!! Waxaan aamin
sanahay iney ka mid yihiin, ummadaha ugu diin jecel, ugu karti badan, ugu
deeqsisan, ugu FAHMAD badan waxa loo yaqaan (IQ) ama (dakaaga
الذكاء)
carabtu tiraahdo. Ummadaha ugu xamaasad badan, ugu dhiig kulul, bulsha ahaanna
isu gargaarta. Ceeba kale oo badanna wey leedahay oo aan marar badan wax ka
sheegay, laakiin hadda aaney maqaamkeedi ahayn.
Arrimahaas aan ka aaminsanahay
Soomaalida, maaha mid aan, ficilo isaga iri – inkastoo aanan inkiri Karin –
caadifada gaarka ah ee aan u hayo, dadka iyo dalka Soomaaliyeed, Laakiin waa mid
daliilkeedu badanyahay.
Waxaase shardiya – si loo
gaaro – wada jirkaas iyo wax wada qabsigaas:
1)
In
la helo hoggaan amaana leh
oo isku duba rida, kiciya, abaabula oo ujeedada wanaagsan ugu gacan haatiya,
kalsoonidoodana hanan kara.
2)
Qadiyad saxa oo ay ku qanci karaan,
tageera buuxdana siin karaan.
3)
In
la helo dad hamigooda ka sara marin kara meelaha hoose ee qabyaaladda iyo
gobolaysiga, iwm,
oo ku hagaajin kara, kuna qancin kara, camal iyo ujeedooyin wanaagsan oo adduun
iyo aakhiraba ay meel fiican ku gaari karaan.
4)
In
caadifadooda diiniga ah iyo iimaanka qalbigooda ku duugan la nooleeyo oo
matoorada loo kiciyo,
si ay janno iyo nolol wanaagsan adduun iyo aakhiro u tiigsadaan.
Haddii intaas la helo, waxaan
is leeyahay – Soomaalidu – waa ummad buuraha jebin karta, badahana jiiri karta,
AFRIKA oo dhanna diinta islaamka gaarsiin karta.
Waxaan halkaan ku soo
gudbinayaa,
XUSUUS QORKAYGA
, gaarka ah, inta yar ee socdaalka aan ku dhex jirey SHAQADA GUUD ee dacwada iyo
adeegyadeeda, dadka soomaalidaa dhexdooda. (Memoirs) ama (ذكريات)
kan aan soo gudbinayo, waxaan is iri, maxamadow noloshu inteey jirto , Ilaahay
baa oge, bal dadka khibraddaas, wax wada qabsiga, intaad ka aragtay, wax uga
sheeg, waxaa dhici karta in wuxuun laga faa’iido, kaney khibrad ay qaataan tahay
dadka doonaya iney bulshadaas Soomaaliyeed wax ka qabtaan, ama xagga khayrka iyo
wanaagga u adeejiyaan.
QAybta
2aadd >>>
Sh. Muxamad
Idris Axmad
dalyaqaan@yahoo.com
Afeef: Aragtida qoraalkan waxaa leh
qoraaga ku saxiixan
Faafin: SomaliTalk.com | April 2,
2006
SHUKRAN
MALAYSIA: Qaybtii 1aad
| Qaybtii 2aad | Qaybtii 3aad |
Qaybtii 4aad | Qaybtii
5aad | Qaybtii 6aad |
Qaybtii 7aad | Qaybtii 8aad |
Qaybtii 9aad | Qaybtii 10aad |
CALOOL XUMO: 1
| 2 | 3
|
Daabaco
Boggan | Print