Dhacdooyinkii Soomaaliya ee Sanadka 2007
Qayta 4aad:
July
3/7/2007: Dowladda Federaalka ayaa Eng. Muunye ka dalbatay in uu
soo wareejiyo
Maraakiibta u hayo oo ay tiradoodu gaareyso ilaa iyo lix markab,
hase yeeshee injineer Muunye waxa uu sheegay in maraakiibtaasi
uu wareejin doono marka la helo dowlad Soomaaliyeed oo loo dhan
yahay, balse mas'uuliyiinta dowlada Federaalka ayaa dacwad ka
dhan ah u gudbiyey Dowlada Yemen si Maraakiibtaasi dib loogu soo
celiyo gacanta dowladda.
6/7/2007: Max’ed Xasan Xaad ayaa sheegay in uusan dalka ka talin
C/llaalhi Yuusuf basle uu
dalka ka taliyo Gen. Gabre, waxa uuna sheegay in uusan marnaba
wada hadal la geli doonin Dowladda Federaalka, waxaana xiligaasi
soo dhawaan qabashada shirkii dib u heshiisiinta, oo lagu
ballansanaa 15-ka May, waxa uuna Xaad sheegay inaysan ka
qaybgali doonin shirkaasi.
7/7/2007: Fagaaraha Iskuul Buluusiye ayaa lagu toogtay labo nin
oo Dowladdu ku eedeysay in
ay askari dileen, waxaana dilkaani lagu tilmaamay mid aan ku
dhicin si cadaalad ah, waxaana cambaareeyey Hay'adaha Xaquuqda
Aadanaha, waxaana si aad ah uga xumaaday Beesha reer Xaaji
Suleymaan oo sheegay in dilkaasi uu ahaa mid aarsi ah.
9/7/2007: Cali Max’ed Geedi ayaa kulan kula yeeshay Boqortooyada
Sucuudiga Boqorka
Sucuudiga, oo ay isla soo qaadeen iyo in Sucuudigu ka qayb-qaato
shirka dib u heshiisiinta ee ka socda Magaalada Muqdisho, isla
markaana ay bixisi qarashaadka loo baahan hayay, waxana la
sheegay in Sucuudigu uu bixiyey lacag gaareysa 35-Milyan oo
Doolar.
11/7/2007: Sheekh Shariif ayaa iclaamiyey in 1-da September shir
lagu qaban doono
Magaalada Asmara ee dalka Ereteriya, kaas oo ay isugu imaan
doonaan dhamaan ummadda Soomaaliyeed ee ka soo horjeeda
joogitaanka Ciidamada Itoobiya, waxa uuna sheikh Shariif sheegay
in ergo gaareysa 500 oo isugu jira Maxaakiimta, Baarlamaanka
Xorta ah, bulshada rayidka, iyo Qurba jooga ka qaybgali doonaan.
15/7/2007: Waxaa furmay shirkii dib u heshiisiint Beelaha
Soomaaliyeed ee Muqdisho, waxaana maalinkaasi madaafiic lala
beegsaday xarunta uu shirku ka socday, waxaaan ku dhintay dhowr
qofood, waxaaa xiligaasi ku sugnaa shirka Madaxweyne C/llaahi
Yuusuf, waxaana todobo maalmood dib loo dhigay.
28/7/2007: Cali Cabdow oo ah wasiirka war-faafinta Ereteriya
ayaa sheegay in maalin walba
ciidamada Itoobiya cudurka AIDS-ka qaadsiiyaan labo Dumar
Soomaaliyeed ah. Wasiirku wax uu sheegay in ay sameeyeen
baaritaan la xiriira falalka ay ku kacayaan ciidamada Itoobiya,
waxa uuna shacabka Soomaaliyeed uga digay in ay ka digtoonadaan
dhibaatada Ciidamada Itoobiya la maagan yihiin bulshada
Soomaaliyeed.
30/7/2007: Sheekh lagu magacaabo Sheekh Faarax ayay Ciidamada
Dowladda Federaalka
kala baxeen masjid ku yaala Buulaxuubay, kadib markii loo soo
jeediyey inuu raaco si uu ugu soo fududeey arrimo meher, kadibna
markii uu diiday ayay si jujuub ah u saarteen gaari, lamana
garanayo meel ay la aadeen,
30/7/2007: Waxay qaraxyo ka kala dhaceen Magaalooyinka Muqdisho,
Afgooye iyo
Baladweyne, waxaana qaraxyadaani qaarkood lala beegsaday ciidamo
ka tirsan Itoobiya, waxaana la sheegay in ay khasaarooyin ka soo
gaareen, waana markii ugu horeysay oo saddexdaasi magaalo ka
dhacaan qaraxyo.
August
3/8/2007: Waxaa Magaalada Muqdisho soo gaaray Madaxweynaha
maamul Gobaleedka
Puntland Cadde Muuse Xirsi.
5/8/2007: Waxaa shirkii dib u heshiisiinta looga dooday
xagjirnimo.
10/8/2007: Waxaa Magaalada Muqdisho lagu dilay afar mas’uul oo
ka socotay deegaanka Ceel
Baraf.
11/8/2007: Waxaa Muqdisho lagu dilay agaasimayayaashii Idaacadda
Horn-Afrik iyo Capital
Voice ee kal ahaa Cali Iimaan Sharmaake iyo Mahad Axmed Cilmi.
11/8/2007: Waxaa Magaalada Nayroobi aroos qarash fara badan ku
baxay loogu dhigay wiil uu
dhalay Ra’isul Wasaare DFKMG Cali Max’ed.
14/8/2007: Cali Max’ed Geedi ayaa sheegay in Muqdisho loo
sameynayo Qad cagaaran.
14/8/2007: Waxaa deegaanka Bu’aale gaaray mas’uuliyiin ka tirsan
Baarlamaanka xorta ah.
15/8/2007: C/llaalhi Yuusuf ayaa si deg deg ah looga yeeray
Magaalada Nayroobi si wax looga
weydiiyo arrimo la xiriira Max’ed Dhere.
19/8/2007: Xildhibaan Isaaq Max’ed ayaa Xaaskiisa oo la socota
lagu amray in bixo
Indha-Shareerka.
20/8/2007: Max’ed Dheere ayaa ku tilmaamay dadka barakacay
Argagixiso.
21/8/2007: Sheekh Cali Dheere ayaa sheegay in Adinka Masaajidda
la kulmin doono.
28/8/2007: Labo nin oo Walaalo ah ayaa lagu dilay deegaanka
Wadajir
W/D Amiin Yuusuf Khasaaro
E-Mail amiinkhasaaro@hotmail.com
Daabaco
Boggan | Print
