Gen. Cadde Muuse: Qof Qaadka Cuna Shaqo Lagama Siin Karo Shirkadaha
Sahaminta Batroolka....
iyo Guddoomiyaha Degmada Ufayn oo caro ka mujiyey Cidda shaqada u qoreysa
shirkadaha Sahaminta oo looga amar qaadanayo degaanka Ufayn....
- SomaliTalk.com | Boosaaso | June 2, 2008
 "....sharkad, hay'ad iyo ninkii wax garad ahaw inta aad nooshahay nin
qaadle ah (qaadka cuna) shaqo ha siin.. ninka qaadka cuna laba saacadood ayuu
shaqeeyaa inta kale wuxuu raadinayaa sidii uu lacag ku heli lahaa , lacag ku
qaadi lahaa..".. Gen. Cadde Muuse
$19 million oo reer Boosaaso kaga Baxda Qaadka Sannadkii....
Daraasad Jaamacada Bariga Afrika...
Madaxweynaha DGPL, Gen. Cadde Muuse ayaa Axad June 1, 2008 booqday
meesha lagu magacaabo Labarugley oo ku taal degaanka Ufayn
oo ah halka ay Kaamka ka samaysatay shirkadda reer UK ee IMC oo sahaminta
shidaalka ka samayneysa Dooxada Dharoor - shirkaddaas IMC oo qandaraas kula
jirta Africa oil (Ex-CANMEC) ee reer Sweden oo iyaduna qandaraas kula sii jirta
Range Resources ee reer Australia oo saamiyada ka sii iibsatey Consort ltd.
Gen. Cadde Muuse markii uu halkaas tegey, lana kulmay odayaasha beelaha
deggan aagga Ufayn iyo hawl wadeenno ka tirsan shirkadda IMC, waxa uu amar ku
bixiyey in qof cuna qaadka (ama MUQAYIL) aan wax shaqo ah laga siin shirkadaha
sahaminta & shidaal baarista ee Puntland.
Isagoo arrintaas ka hadlayey, Gen. Cadde Muuse waxa uu yiri: "Hal waan
idinkula talinayaa, NIN QAAD CUNA YAAN LA QAADAN, waan idiin sheegayaa.. Qaad
nin cuna ma la qaadanayo... nin qaad cuna, ama booda ama dhaca." Waxana uu
markaas Gen. Cadde isagoo odayaasha iyo maamulka degaanka si gaar ah ula hadlaya
uu intaas ku daray "idinka ayaa la idinka rabaa." Markii uu sidaas yiri waxay
odayaashii iyo masuuliyiintii degaanka Ufayn ee goobta fadhiyey yiraahdeen "Aad
aayan u taageer sanahay QAADKA mamnuucidiisa."
Dhahayso ama
mp3.
"...sharkad, hay'ad iyo ninkii wax garad ahaw inta aad nooshahay
nin qaadle ah shaqo ha siin..."
Gen. Cadde Muuse, May 24, 2008
|
Hadal kaas la mid ah waxa uu Gen. Cadde Muuse sheegay May 24, 2008 mar
uu ka hadlayey kulan lagu qabtay magaalada Boosaaso oo looga hadlayey ammaanka
magaalada, waxana uu yiri: "Dhibaatada inoogu weyni waa qaadka, awal qaadka
waxaan u dhaafi jirey, Puntland hooyo ayaa wada, hooyooyinka ka baayac mushtara
oo bannaanka la fadhiya ayaan waxaan dhehi jirey haku noolaadeen, hadda hal
ayaan u sheegayaa sharkad, hay'ad iyo ninkii wax garad ahaw inta aad nooshahay
nin qaadle ah shaqo ha siin, inta qaadka cunta.. ninka qaadka cuna laba saac
ayuu shaqeeyaa inta kale wuxuu raadinayaa sidii uu lacag ku heli lahaa , lacag
ku qaadi lahaa..."
Dhegeyo
ama mp3.
$19 million oo reer Boosaaso kaga Baxda Qaadka Sannadkii....
Siminaar (barnaamij cilmiyeed) lagu qabtay magaalada Boosaaso
May 16, 2006 ayaa lagu
soo bandhigay diraasad ka hadleysa qiimaha maalintii ku baxa qaadka la keeno
magaalada Bosaso taas oo u muuqata bur bur dhaqaale, maalintii waxa magaalada
Bosaso oo keliya ku qayishaa $52,000 maalinkasta, taas oo gaaraysa
sanadkii $19,000,000 (sagaal iyo toban milyan oo Doolarka maraykanka ah).
Diraasadan ayaa waxaa sameeyay ardey ka qalin jebiyey jaamacadda Bariga Africa
ee Bosaso laguna magacaabo Axmed Weli Nux Cismaan.
Qiyaastaas mid la mid ah waxaa sameeyey Telishanka ABC Australia oo booqday
Boosaaso, waxana
March 30, 2004 qoraal uu faafiyey ku sheegay in "Kasoo horjeedka Cisbitaalka
Boosaaso waxaa kuyaal suuqa daroogada Qaadka oo ay kasoo baxdo lacag lagu
qiyaasay $US50,000 maalintiiba, laakiin lacagta halkaas ka soo baxda iyo
cashuurteedu toona ma gaaraan cisbitaalka." Lacagtaasi waa lacag adag oo ay
qaataan dalalka Soomaalidu ka keensato qaadka ee Itoobiya iyo Kenya. [Xusuusnow
arrinta daraasadda lagu sameeyey waa hal magaalo oo qura, Boosaaso]...
- [Aqoon yahan Soomaaliyeed ayaa farta ku fiiqay lacagta aan meel lagu
cadayn karin ee ka maaqan dakhliga Puntland iyo lacagta Boosaaso kaga baxda
Qaadku sida ay isugu dhigmaan - Dekeda Boosaaso waxaa ka soo xerooda dakhli
dhan $40 million oo doolar sannadkii, sida uu shegay Wasiir xigeenka
kalluumaysiga/Dekedaha ee Puntland, halka miisaaniyada ku baxda DGPL ay
tahay $21.6 million sannadkii sida uu sheegay wasiirka Maaliyadda
DGPL. (40-21.6 = $18.4 million oo meel lagu sheegin). Halkaas waxaa ka soo
baxaya in lacag ku dhow $19 million ee aan meel lagu sheegin in ay u
dhigantaa lacagta $19 million ee reer Boosaaso ay sannad kasta
siiyaan Itoobiyaanka waayo qaadka ugu badan waxa uu uga yimaadaa
Itoobiya...]
Dadkii ka soo qayb qayb galay siminaarkii May 16, 2006
Waxaa kale oo barnaamij cilmiyeedkii Boosaaso looga hadlay hibaatooyinka kale
ee qaadku uu lee yahay iyo bur burka uu ku hayo umada dhinaca caafimaadka, iyo
akhlaaqiyaadkaba, taas oo qaadka ka dhigeysa dhibta ugu weyn ee maanta haysata
mujtamaca Soomaalida.
Waxa kale oo jira tuhumo badan oo dad aqoon yahanno Soomaaliyeed ay ka
muujiyeen in Qaadku qayb weyn ka yahay kororka Cudurka AIDS-ka ee waayadan dambe
lagu arkay dhulka Soomaalida, sababtoo ah waxaa dhici karta in dad cudurkaas
qaba in ay soo guraan qaadka, oo ay dhici karto in dhiigoodu gaaro caleemaha
qaadka marka ay jarayaan, waxaana caleentii oo qoyan lagu sii duubaa caleenta
mooska oo huurineysa si aan caleentu u qallalin, markaasna si toos ah isagoo aan
xitaa la iska dhiqin la cuno caleemihii qaadka oo ay dhici karto in ay sidaan
ama huwan yihiin dhiig sida cudurka AIDSka - QAAD CUNOOW WAA LAGUU DIGEY...
Mar haddii madaxweynaha DGPL, Gen. Cadde Muuse uu arkay dhibaatada keliya ee
kajirta Puntland in ay tahay Qaadka, ma soo saari doonaa wareegto caam ah oo uu Puntland kaga joojinayo qaadka gebi ahaanba.
Guddoomiyaha Degmada Ufayn oo Caro ka muujiyey Cidda Looga Amar Qaadanayo
Degmada...
iyo Cidda Shaqada u qoreysa shirkadaha Sahaminta ka wada degaanka
Ufayn....
Guddomiyaha Degmada Ufayn, Cabdullaahi Shire Maxamed, oo ka mid ahaa
madaxdii joogtey kulankii markii uu Gen. Cadde Muuse booqday Kaamka Labarugley,
June 1, 2008, ayaa muujiyey muujiyey
| BILICDA
SOOMAALIYA |
Luuq Ganaane, 1987
Waa wiil yar oo Soomaaliyeed, oo nayl yar dhabta kuwata xilli
nabad ahna dhexjooga
Bilicda
dhulka Soomaaliya. |
|
"Companiga (shirkadda) aan is leenahay waxa uu ku yimid amar Ilaahay iyo
kartida madaxweynaha DGPL sida aan dareen sanahay, aad ayaa ugu mahad celinayaa,
intaas ka dib wax yar oo kaf tan ah marka aanku daro, kelmedda madaxweynuhu waa
kelmed culus, wuxuu igula kaftamayey guddoomiyaha ayaa diidan Companiga
(shirkadda) ... ma diidani ... waa soo dhaweynayaa ... waana shaqaynayaa..
laakiin oralku waxa uu ahaa in maro nidaamkii degaanka iyo golaha shacabka iyo
sida dawladdu u dhisnayd, inta aan sheegay intaas ayey ahayd, maanta diyaar
ayaan u ahayd, waxaa jira 32 qof oo gole degaan ah oo xaq u leh inay shaqeeyaan,
shaqaalaha qoraan, laga amar qaato, degmada looga dambeeyo, xil loo saaray,
qabiiladu u dhiibeen, isimadu firmeeyeen (saxiixeen), sidaa loo sameeyey, ayagii
ayaa marka xaq u lehin ay qabtaan wixii degaanka laga qabanayo, haddana waxaan
leenahay waa in iyaga laga amar qaato.. waa sheegnay qabiilku waa qabiil guud,
madaxweynuhu waa madaxweyne guud, waxay shaqadu imaaneysaa cidda masuulka ka ah
degaanka, taas madaxweyne waxaan dooneynaa in laga amar qaado culaysna la saaro,
guddoomiyaha Gobolku markhaanti ayuu ka yahay, annagu wax hadal ah kama keenin...
hadda ayuu naga wax bixnayaa annagga haddaan..."
Dhagayso
ama mp3
Gen. Cadde oo Gaarey Garoowe...
Gen. Cadde Muuse ayaa Isniin June 2, 2008 soo gaarey magaalada Garoowe kaddib
markii uu ka soo kicitimay safar uu ku tegey degaanka Ufayn.
Magaalada Garoowe waxaa beryahan laga sugayaa in uu ka furmo kulanka Golaha
wakiilaad DGPL oo la sheegay in uu furmi doono June [15], 2008.
Gen. Cadde Muuse markii uu gaarey Garoowe waxa uu warbixin ka dhegeystay
Guddoomiyaha Gobolka Nugaal, Cabdi Cali Xirsi.
Toddobaadkan ayey ahayd markii Wasiirka Macdanta
iyo Tamarta DGPL uu yiri hadalkan: "(Shidaalka) Dooxada Nugaal mar hore ayaa la
bilaabi lahaa, waxaa dib u dhigay..... Waxaa kale oo intaas soo raaca degaanka
dadka deggan nabad gelyadoodu haddii aysan sugnayn ama qaarkood loo arko in
aysan raali ka ahayn waxakan oo ay nabad gelyada bi'inayaan shirkaddu kuma soo
dhiiran karto, maxaa yeelay si uu batroolku wax u gubo ayaa hadal kiisa iyo
yabaqu u gubaa. Markaas shirkaddu waxay dooneysaa meel nabad gelyo leh oo sugan
oo aan khilaaf ka jirin in ay wax ka bilowdo... "
 Wasiirka
Batroolka Puntland oo Jawaabo Kala Duwan ka Bixiyey Sababta Dib
Loogu Dhigay Qoditaanka Ceelka Shidaalka ee Nugaal...
Akhri...
 Taliyihii
Iscasiley ee Booliska Puntland oo Eedayn Kulul u Jeediyey Wasiirka Amniga
"Waxaan qabaa wasaaradda Amniga
in ay tahay Wasaaradda dhibta keentay, waxaan aamin sanahay dhib kale oo
wadanka ka jirta in aysan jirin...
Akhri...
Faafin: SomaliTalk.com | June 2, 2008
|
Daabaco
Boggan | Print
Waxyeelada Qaadka iyo Muxaadarada aabaa
qaatay! - Sh. Mustafe..
Akhris/Dhegeysi
Xog
ma ka Haysaa Shirkadda Consort Ltd?... Akhri