Khilaaf weyn oo ku saabsan Baarista Macdanta iyo Batroolka Puntland oo soo
kala dhexgalay Gen. Cadde Muuse iyo Ku xigeenkiisa Xasan Daahir...
- SomaliTalk.com | April 10, 2008
Khilaafkan oo markii u danbeeysay ee Madaxweynaha DGPL
Gen. Cadde Muuse aadayay Itoobiya ka dhextagnaa labada
Masuul ayaa ilo lagu kalsoonaan karo sheegayaan inuu ka
dhashay isfaham waa ku saabsan Qodista Macdanta iyo
Batroolka Puntland.
Wararka ka soo baxaya khilaafka labada Masuul ee ugu sareeya maamulak
Puntland ayaa tilmaamaya inuu isfaham waagu ka dhashay kadib markii Madaxweyne
ku xigeenka Puntland Xasan Daahir uu codsaday in meesha ugu horeeysa ee Shirkada
baareysa Macdanta iyo Batroolka ay ka shaqo bilaabeyso noqoto Degaanka HOLHOL
ee Gobolka Sool halkaasi oo sahan la sameeyay uu sheegayo inuu ku jiro Gaas.
Xasan Daahir Afqurac Madaxweyne xigaha Puntland ayaa codsaday si arrintaasi u
hirgasho in la diyaariyo Ciidamo badan iyo Baabuurta tiknikada ah si loogu qabto
Magaalada Laascanood ee Somaliland maamusho.
Madaxweynaha DGPL Cadde Muuse Xirsi oo ka soo horjeestay qorshaha Xasan
Daahir ayaa ku adkeystay in meesha ugu horeeysa ee shaqada laga bilaabayo ay
tahay degaannada Kanoko iyo Dharoor oo ku kala yaala Gobolada Nugaal iyo
Karkaar.
Labada Masuul ee ugu sareeya Puntland ayaa la shaaciyay in khilaafka arrimhaasi
ku saabsan uu ka gaaray halkii ugu darnaa, iyada oo wararkii u danbeeyay
xaqiijinayaan in tegitaankii Cadde Muuse uu tagnaa khilaafku welina halkisii
joogo.
Gen. Cadde Muuse waxa uu Addis Ababa u dhoofay Maarso 30, 2008,
markaas war ka soo baxay xafiiskiisa waxa uu sheegay in uu Itoobiya ku maqnaan
doono 7 cisho. Xafiiska Cadde Muuse oo muddada safarkaas caddaynayey waxa
uu yiri: "Madaxweynaha iyo weftigiisa ayaa muddo todobaad ah ku
maqnaan doona,halkaasi oo uu kulamo kula soo qaadan doono Madaxda itoobiya."
- weli Cadde Muuse kama soo laaban safarkii Itoobiya - markii qormadan la
qorayey oo ay safarkiisii ka soo wareegtey 10 cisho.... Waxaana jira
warar sheegaya in usii gudbey Dubai oo shacabka laga qarinayo, sababo aan la
aqoon awgood.
Ilo wargal ah oo ku sugan Puntland
Tarujadii iyo Faafin: SomaliTalk.com | April 10, 2008 | 
Daabaco
Boggan | Print
Warbixin dheer
oo laga qoray shirkadaha Batroolka DGPL 
Puntland
oo Shirkadda Range u dirtay Warqaddii ay ka sugeysey.