MAAHMAAHYO
SADDAXLEEY AH OO CUSUB,
WAXAANA CURIYAY ABWAAN STANZA
Maahmaahyadan
cusub ee saddaxleeyda ah waxaa curiyay
Abwaan Maxamed Cabdiqaadir Daauud [Stanza]
wuxuuna soo saaray 4/7/2004. Haddey jiraan
wax dhalliil ah ama talo iyo tusaale ah kala
xiriir Abwaanka E-mail
ayaandhalad5@hotmail.com sidaas iyo
guddoon wacan oo wanaagsan.
* Saddax
haka deyrin:
1- Dadaal
rageed haka deyrin.
2- Dalkaaga
hooyo haka deyrin.
3- Deeq
Eebbana haka deyrin.
* Saddax ha
u dulqaadan:
1- Dabbaal
cadaw ah ha u dulqaadan.
2- Oori aan ku
daryeelin ha u dulqaadan.
3- Nacas
dammac waalanna ha u dulqaadan.
* Saddax ha
dugaashan:
1- Deyn laguu
dabajooga ha dugaashan.
2- Fuley
duulduul badan ha dugaashan.
3- Nimmey
qabyaalad dilootayna ha dugaashan.
* Saddax
daacad ha moodin:
1- Dagaal-ooge
qabiil daacad ha moodin.
2- Deeq
shisheeye daacad ha moodin.
3- Dummar
dhoollacaddeyntoodna daacad ha moodin.
* Saddax
waa inaad ka gadoodda:
1- Garaan
daacad aheyn waa inaad ka gadoodda.
2- Gummeysi
shisheeye waa inaad ka gadoodda.
3- Guur
sokeeyana waa inaad ka gadoodda.
* Saddax
rag waa ku heshiiyaa, saddaxse waa ku
halaagmaa:
1- Kaaga haray
rag waa ku heshiiyaa.
2- Kuu
hambeeyay rag waa ku heshiiyaa.
3- Kuu hurayna
rag waa ku heshiiyaa.
1- Hammi been
ah rag waa ku halaagmaa.
2- Hanti booli
ah rag waa ku halaagmaa.
3- Hoota
dagaalna rag waa ku halaagmaa.
* Saddax
dummar waa u halis, saddaxse waa u
hammuungorayo:
1- Hadal aan
loo fiirsan dummar waa u halis.
2- Haye dhaw
dummar waa u halis.
3- Hoy
tabalcaara ahna dummar waa u halis.
1- Haasawa
galbeed dummar waa u hammuungorayo.
2- Hantiilaan
ahay dummar waa u hammuungorayo.
3- Kaa helayna
dummar waa u hammuungorayo.
* Saddax
tolkaa ayaa kugu jeclaada, saddaxse adaa
isku jeclaada:
1- Hadal
macaan tolkaa ayaa kugu jeclaada.
2- Hanti badan
tolkaa ayaa kugu jeclaada.
3- Huri ogina
tolkaa ayaa kugu jeclaada.
1- Hadaf
murtiyeysan adaa isku jeclaada.
2-
Halkaraannimo adaa isku jeclaada.
3-
Hoogatusaaleyna adaa isku jeclaada.
La soco
kaldambe hadduu Alle idmo.
By: Stanza
Somali poet and playwright.
Daabaco
Boggan | Print
