Arrinta
Samsam iyo Halka ay Somalitalk iska taagtay
 President
Egal expressed support for Amnesty International's worldwide
campaign for the 50th anniversary of the Universal Declaration of
Human Rights. He invited the delegation to a cabinet meeting where
he and all members of his government signed the Amnesty
International ''Pledge'' - ''I will do everything in my power to
ensure that the rights in the Universal Declaration of Human Rights
become a reality throughout the world''. The pledge books were
also signed or thumb-printed by over 200 other men and women in
Hargeisa from all walks of life.
This summarizes a 50-page document (24,484 words): Human rights
in Somaliland: Awareness and Action - Report of a workshop held in
Hargeisa, Somaliland in October 1998 (AI Index: AFR 52/01/99 )
issued by Amnesty International in December 1999.http://web.amnesty.org/ |
Waxaan akhriyey maqaallo badan oo ku soo
baxay bogga somalitalk.com oo lagaga hadlayo arrinta Samsam. Kuwaas oo
runtii dhamaan gees u janjeera oo aad moodid in dano gaar ah laga leeyahay.
Waxaan tusaale u soo qaadan karaa arrin aan aad ula yaabay oo ah in
somalitalk.com la soo galiyey sawir madaxweynihii hore ee Somaliland Maxamed
Ibraahim Cigaal iyo Samsam la isku soo ag sawiray sidii in uu marxuunku ka
dambeeyay arrinta. Waxa kale oo ka mid ahayd qoraaladda bahda somalitalk (siiba
ninka la yidhaahdo Cabdi Xasan) soo qortay mid ay ku doodayaan in
madaxweyne-ku-xigeenku yahay nin fooxle ah yahay oo si gabadha xijaaban
markii uu arkay naxdin iyo argagax qaaday sidaasna ku amray in la
xidho oo la baadho. Waxay maqaalkoodaa ku sheegeen in waardiyayaashu
kufsadeen
Samsam.
Waxa kale oo si xadka ka baxsan loo
weeraray sharafta dadka reer soomaliland iyo weliba shakhsiyaad gaar ah oo
aan arrintan shaqo ku lahayn. Xattaa waxa la soo bogga somalitalk lagu soo
qoray maqaal odhanaya wariyaha BBC-da ee Axmed Siciid dhexdhexaad ma aha ee
wuxuu difaacayaa adeerkiis, (waa madaxweyne-ku-xigeenka eh) oo ay jifo hoose
isla yihiin. Arrintaasina waxay ka dambaysay markii uu Axmed Siciid Cige
waraysi la yeeshay madaxweyne-ku-xigeenka. Waxase la-yaab ah inaan
isla maqaalkaa lagu xusin
waraysi kale oo
Axmed Siciid Cige ka qaaday Raaqiya Oomaar oo ay Raaqiyi ugu
doodaysay Samsam Axmed Ducaale kana jawaabayso warbixintii
madaxweyne-ku-xigeenka.
Waxaan xasuustaa barnaamij dood ah oo af-soomali ah oo dhawaan laga sii
daayey radio Minnesota ku yaal. Mawduuca laga hadlayey ee uu radio-gu
dhagaystayaasha waydiinayey wuxuu ahaa "Sidee baad u aragtaa kufsiga iyo
dhibkaa foosha xun ee lagula kacay Samsam". Wuxuu ninkaa barnaamijka soo
jeedinayey uga hadlayey arrinta si xamaasadi ku jirto oo ku ku celcelinayey
sida gabadhaa loo faraxumeeyey. Dhawr qof baa soo hadlay oo
dareenkooda ku muujiyey sida ay uga xunyihiin "kufsigaa foosha xun ee lagula
kacay gabadhaa yar", iyada oo wariyiina si fiican ugu taageray oo si dareen
murugo lehi ku dheehanyahay uga hadlay arrinta. Haddaba intaas ka dib waxa
soo hadlay nin kale oo ku yidhi arrintan kufsiga ilaa hadda lama soo cadayn
ee umaddan dhan ee aad ceebaynaysaan ka daaya. Waxa dhacday in ninkii sidaas
yidhi loogu jawaabay in kusiga ay soo cadaysay Raaqiya oo uu xaqiiqo yahay,
ka dibna isaga oo hadalkii sii wata ayaa telefoonkii lagu dhigay. Ujeedada
aan tusaalahan u soo qaatay waxa weeye in qofka wariyaha ah xil dheerad ahi
ka saran yahay sidii uu dhexdhexaad u noqon lahaa ee warka si daacad ah u
soo warin lahaa. Aad bay uga duwantahay sida Axmed Siciid Cige labada
dhinacba u soo waraystay iyo sida tusaalaha aan soo sheegay.
Haddaba haddii aan ka hadlo
warbixintii madaxweyne-ku-xigeenka oo uu faahfaahin ka bixiyey arrinta
Samsam, wax badan oo aan hore loo ogayna cadeeyey.
Haddii aan ku horeeyo hadalkii Axmed Yaasiin wuxuu sheegay inuu arrinta ka
gaabsaday ilaa inta ay xagga xaqsoorka ka soo dhamaanayso oo maxkamadu xukun
ka gaadhayso isaga oo ilaalinaya sharciga iyo kala dambaynta. Wuxuu sheegay
maadaama ay maxkamadu xukunkeedii soo saartayna hadda ay u furantahay inuu
ka hadlo. Wuxuu beeniyey wararkii la faafiyey ee sheegayey in gabadha
gurigiisa laga kaxaystay ama uu isagu dalbaday in la soo xidho. Wuxuu ku ku canaantay xuquuqul insaanka in ay
arrinta ku degdegeen oo si dhinac ah uga hadleen, gaar ahaan Kufsiga la
sheegay in lagula kacay Samsam intii ay ku jirtey gacanta Booliska
Somaliland. Wuxuu sheegay in gabadha lagu adeeganayey oo dad soo dirsadeen
haddana ay ku hawlanyihiin sidii ay uga gungaadhilahaayeen arrintaas.
Wuxuuna sheegay in soo afjarayaan arrinta marka ay cadeeyaan xaqiiqada.
Arrinta kufsiga wuxuu sheegay in uu markuu maqlay degdeg ugu diray
dhakhaatiir si ay u soo baadheen waxaanay ku soo caddeeyeen warqadda HGH/443510-2/04
ee 09/09/2004 inaanu jirin kufsi iyo jir-dil midna. Wuxuu kale oo sheegay in
maxkamadu ay u dirtay mar labaad baadhitaan Caafimaad oo weliba loo diray
dhakhaatiir ku takhasustay xagga qalliinka, dumarka iyo Caafimaka guud,
khibrad weyna u leh xagga kufsiga, waxaanay soo saareen taqaariir
faah-faahsan oo dhammaan jidhka gabadha ka warbixinaya tirsigiisuna yahay
MOHL/1120/4.00/04 ee October 21, 2004. Dakhaatiirtan dambena
waxay soo cadeeyeen inaanu jirin kufsi iyo jir-dil midna.
 Haddaba wasiir-ku-xigeenku isaga oo ku qanacsan natiijada ka soo baxday
baadhiitaanada, wuxuu haddana sheegay inay diyaar u yihiin in ururada
xuquuqul-insaanku iyo haayadaha caalamiga ahiba soo dirsadaan dhakhaatiir ay
ku kalsoon yihiin si ay arrinkan uga gun gaadhaan. Waxaan ku boorinayaa
dadka ku doodaya bahda Somalitalk iyo dhamaan dadkii meel walba la taagnaa
Samsam waa la kufsaday inay ka faaiidaystaan fursaddan oo ay diraan
dhakhaatiir caalaami ah.
Waxa ay somalitalk soo sawirtay waraaqahaa qaar ka mid ah iyaga oo u
adeegsanaya si ay u cadeeyaan in Samsam la kufsaday. Waxay tusaale ahaan soo
sawireen warqad form ah (standard form) oo laga buuxiyey oo ciwaankiisu
yahay Cadayn-kufsi . Formkaas oo sida ku cad ah mid laga buuxiyo dadka la
baadhayo in la kufsaday oo weliba qalin lagu buuxiyo. Haddaba
somalitalk inta ay marisay go’aankii khad madow oo ay qarisay ayaa waxay ku
doodayaan mar hadiiba ciwaanka waraaqda lagu xusay kufsi in arrintu cadahay
oo xaqiiqo tahay. Warqadda kale oo ay ku faahfaahsantahay natiijadii
badhitaanka lagu sameeyay. Isla warqaddana inta ay khad madow mariyeen
qaybihii toos u taabanayey kufsiga, ayaa waxay ka soo qaateen inta sheegaysa
in xagtimo bawdyaheeda laga helay.
 |
Waxa kale oo in badan somalitalk.com ku celcelisay oo qortay in ay
cadaysay Raaqiya Oomaar in Samsam la kufsaday. Hasayeeshee Raaqiyi beenisay
in ay tiri “samsam waa la kufsaday”. Waxayna tidhi anigu marnaba ma odhan
waa la kufsaday ee waxaan idhi “Sida ay iyadu sheegatay” (Allegedly).
Taas micneheedu waa lama soo cadayn ee waa wax ay Samsam sheegaynayso.
Waxaan mar kale ku celinayaa in laga faaiidaystaan fursaddan oo la diro
dhakhaatiir caalaami ah. Haddii dembigaa lagu helo booliska Somalilandna in
laga abaal mariyo oo sharciga lala tiigsado, haddii lagu waayona in dadkii
beenta intaas le’eeg abuuray in laga abaal mariyo oo 50 ilaa 100 jeedal laga
jaro.
Qore : Ibrahim Mohamed
hassanfadal@yahoo.com
Afeef: Aragtida qoraalkan waxaa leh qoraaga ku saxiixan
Faafin: SomaliTalk.com | 23/12/2004
Kulaabo bogga
www.SomaliTalk.com
|
Daabaco
Boggan | Print
"
"
