- Qarax Saakey (Isniin) lagula beegsaday ciidamada Burundi jidka
Warshadaha
- Saraakiil Reer Brundi oo Diyaarad La Dhacday...
- Muuse Nuur Caraale “Waxaa lagu hawlan yahay in la iska hor keeno
Shacabka iyo Mujaahidiinta”
- Dowladda Qadar oo dhex –dhexaadineysa Dowladda Midnimadda Qaran iyo
Kooxaha Mucaaradka
W/D Amiin Yuusuf Khasaaro
E-Mail amiinkhasaaro@hotmail.com
Qarax Saakey (Isniin) lagula beegsaday ciidamada Burundi jidka Warshadaha
Kolonyo ciidamada Burundi ah oo marayay jidka Warshadaha ayaa lala beegsaday
qarax nooca laga hago sheedda. Qaraxaa oo ahaa mid aad u xooganaa ayaa laga
maqlay qaybo ka mid ah Magaalada Muqdisho.
Markii uu qaraxu dhacay ayaan waxaa la socday gaari kuwa dadweynaha ah, waxaana
markiiba dhacday in darawarkii gaariga uu markiiba joojiyay, hase yeeshee
dadweynihii ayaa si aad ah u argagaxay, meeshii ayaana in cabaar ah taagneen,
waxaana sidoo kale halkii noogu yimid gawaari kale, waxayna ciidamada Burundi
bilaabeen in ay waddada labada dhinac ka xiraan, waxayna markii dambe ku
xaroodeen kulliyaddii hore ee ciidamada Jaale Siyaad.
Markii aan soo gaarnay goobtii uu qaraxu ka dhacay ayaan waxaan ugu nimid gaari
ah kuwo raaxadda oo halkaasi ay khasaaro ka soo gaartay, waxaana na loo sheegay
in ay ku dhaawacmeen labo ruux, sidoo kale waxaa na loo sheegay in aysan waxba
gaarin ciidamada Burundi, maadaama miinadda lagu aasay meel waddada dhinaceeda
ah, ilaa iyo haddana cid sheegatay ma jirto, iyadoo maalmahan ciidamada Uganda
iyo kuwa Burundi lala beegsanayay qaraxyo, Ismiidaamin iyo Madaafiic, waxaana
hawlgaladaani waday ciidamo ka tirsan Xisbul Islaam iyo Al-Shabaab kuwaas oo ka
soo horjeeda joogitaanka ciidamada AMISOM, waxayna afhayeenada labada dhinac
sheegeen in ay sii wadi doonaan dagaalka tan iyo inta ay ka baxayaan AMISOM
dhulka Soomaaliya.
Saraakiil Reer Brundi oo Diyaarad La Dhacday...
Dhanka kale, waxaa harada Lake Victoria ku dhacday
diyaarad u soo socotey Muqdisho, diyaaradaas oo ka soo kacday Garoonka Entebbe
ee Uganda ayaa loog acabsi qabaa inay dhinteen dadkii saarnaa, diyaaradaas oo
sahay u sidey ciidamada Uganda iyo Brundi ee kusugan muqdisho. Ciidanka Brundi
waxaa laga soo xigtey in ay sheegeen in diyaaradaas ay saarneeyeen saraakiil
sare oo uu kujiro Jaranaal iyo Kabtan.
Muuse Nuur Caraale “Waxaa lagu hawlan yahay in la iska hor keeno Shacabka
iyo Mujaahidiinta”
Afhayeenka Xisbul Islaam, Muuse Nuur Caraale ayaa waxa uu sheegay in lagu hawlan
yahay in la is tusiyo ama la iska hor keeno mujaahidiinta u soo halgantay dalka
iyo shacabka Soomaaliyeed oo iyagu ay daashadeen dagaalo aan dhamaad lahayn.
Muuse mar wax laga waydiiyay banaanbixii nabadeed ee dhawaan ka dhacay Garoonka
Stadium Muqdisho ayaa waxa uu banaanbaxaasi ku tilmaamay in uu ahaa mid laga
lahaa dano gaar ahaaneed, laguna doonayay in colaad la dhex dhigo shacabka iyo
mujaahidiinta, isagoo u soo jeediyey shacabka Soomaaliyeed in ay ka
digtoonaadaan arrimahaasi.
“Waan og nahay in kuwii qabanqaabiyay banaanbaxaasi ay yihiin kuwo hal dhinac
ah” ayuu yiri Muuse Nuur oo sheegay in ay sii wadi doonaan halganka si dalka
looga saaro ciidamada Shisheeye, wadanka loogu xukumi lahaa shareecadda
Islaamka. Dhinaca kale Gudoomiyaha Xisbul Islaam Sheekh Cumar Imaan Abuu-Bakar
ayaa waxa uu ku celiyey mar kale in aysan wax heshiis ah la geli doonin Dowladda
uu madaxda ka yahay Sheekh Shariif, isagoo ku tilmaamay in aysan waxba dhaamin
Dowladdii uu madaxda ka ahaa C/llaahi Yuusuf, waxa uuna sheegay in ciidamada
Burundi iyo Uganda ay wakiil ka yihiin Dowladda Mareykanka isla markaana dalka
loo keenay in ay la dagaalamaan Mujaahidiinta, isagoo sheegay in ilaa inta ay
dalka ka baxayaan ay wadi doonaan dagaalka. Waxa uuna hadalka Sheikh Cumar
Iimaan ku soo beegmay xili ay Hay’adda Culimadda Soomaaliyeed soo saareen
go’aano dhowr ah oo ay ka mid ahayd in mudo 4 bilood ah ay Dowladda Soomaaliyeed
dalka uga saarto ciidamada AMISOM .
Dowladda Qadar oo dhex –dhexaadineysa Dowladda Midnimadda Qaran iyo Kooxaha
Mucaaradka
Dowladda Qadar oo iyadu horey ugu guuleysatay in ay heshiid dhex dhigto qayb ka
mid ah mucaaradka Dahfur iyo Dowladda Suudaan ayaa haatan waxay bilowday in ay u
tafaxaydato in ay heshiis dhex dhigto Dowladda Midnimada Qaran iyo Kooxaha
mucaaradka ku ah ee aan ku qanacsanayn dowladda uu madaxda ka yahay Sheekh
Shariif.
Waxaa Magaalada Doxa ee dalka Qadar gaaray Wafdi isugu jiray Hay’adda Culimadda
Soomaaliyeed iyo Odoyaasha Dhaqanka Beelaha Hawiye, waxaana hogaaminayay
Guddoomiyaha Beelahaasi Max’ed Xasan Xaad iyo Xubno, waxaana la filayaa in
Magaalada Doxa ay iyana soo gaaraan wakiilko ka socda Mucaaradka iyo Dowladda
gaar ahaan Xisbul Islaam, halka warar kale ay sheegayaan in laga yaabo in uu soo
gaaro Sheekh Xasan Daahir Aways oo saldhigiisu yahay Magaalada Asmara ee dalka
Ereteriya.
Dowladda uu madaxda ka yahay Sheekh Shariif ayaa ka codsay dowladda Qadar in ay
dhex-dhexaadiso iyaga iyo kooxaha ka soo horjeeda Dowladda si nabad loogu soo
dabaalo Soomaaliya oo loo hirgeliyo barnaamijka dib u heshiisiinta ee dalka ka
socda, waxaana sidoo kale la filayaa in Sheekh Shariif oo ah Madaxweynaha
Dowladda Midnimadda Qaran uu gaaro dalka Qadar .
Haddii heshiis dhab ah uu dhex maro Dowladda iyo Xisbul Islaam, mucaaradka ka
soo horjeeda Dowladda waxa uu noqonayaa oo keliya ururka Al-Shabaab, hase
yeeshee mas’uuliyiinta Dowladda ayaa aad u danaynaya in heshiiska ay qayb ka
noqdaan ururka Al-Shabaab si loo soo afjaro dhibaatada Soomaaliya.
W/D Amiin Yuusuf Khasaaro
E-Mail amiinkhasaaro@hotmail.com
Faafin: SomaliTalk.com | March 9, 2009
March 8, 2009:
DIL LOO GEESTAY WIIL
SOMALIYED OO TAX-KA WADAY GOBALKA WASHINGTON
Feb 27, 2009:
Dhallinyaro ku dhimatay
saxaraha u dhaxeeya Suudaan iyo Liibiya....
Feb 20, 2009:
Wiil Soomaaliyeed oo Lagu Diley London, UK
Feb 8, 2009:
Koonfur-Africa Oo lagu
dilay Ganacsadihii 7-aad ee Soomaaliya Sannadkan 2009-ka
Feb 5, 2009:
Wiil Soomaaliyeed oo
Askar Booliska Minneapolis ka Tirsan ay Toogasho Ku dileen....
Jan 2009:
Wiil
Soomaaliyeed oo lagu diley dalka maleysiya....
Dec 12, 2008:
Wiil Soomaaliyeed oo Lagu Diley
Koonfur Afrika
Oct 7, 2008:
Labo Ganacsato Soomaali ah oo
Lagu Diley K/Afrika iyo 30 Dukaan oo Soomaaliyeed oo la burburiyey
Daabaco
Boggan | Print
