Gudoomiye ku Xigeenka Koowaan ee Baarlamaanka Soomaaliya
Prof. Maxamed Cumar Dhalxa iyo Wafdi uu Hogaaminayo oo Kusii Jeeda Dalka Iiraan
Gudoomiye ku xigeenka Koobaan ee Baarlamaanka Soomaaliya Prof,Maxamed Cumar
Dhalxa iyo wafdi ka kooban 7 xubnood ayaa lagu wadaa iney safar ku tagaan dalka
Iiraan, halkaas oo ka dhicidoona Kulan ay isugu imaanayaan in ka badan 150
dowladladood oo Baarlamaanada owladaha Islaamka ka tirsan oo ka dhici doona
dabayaaqada bisha aynu ku jirno .
Gudoomiye ku xigeenka oo iiga waramayey safarka Iiraan ayaa wuxuu yiri “Iiraan
waa xarunta Baarlamaanada Islaamka, waxaana ka dhaca shirar caalami ah oo ay ka
soo qayb galaan dunida Muslimka iyo dowladaha kale ee la saaxiibka ah, waxaana
looga arinsadaa arimaha Islaamka, anagu waxaan xubin ka nahay Baarlamaanka
dowladaha Islaamka, waxaana ku biirney sanadkii tegey, ka horna wax xubin ah
kuma lahayn, kulankii labaad oo aan ka qayb galno ayuu noqonayaa, xiriirka
dunida Carabta kama yara awood ahaan dunida Islaamka iyo Dowladaha kale ee aan
saaxiibka nahay, maxaa yeeley 150 iyo dhowr dowladood oo muslim ah ayaa qayb ka
ah Ururkaan, halka Jaamacada Carabta ay ka tahay 22 Wadan, waxayna ka badan
yihiin kan Afrikaanka aan xubin ka nahay, kulankaasina waxaan ka rayenaynaa in
wax weyn naga taro dhinaa kasta xaga dalkeena” ayuu yiri Prof Dhalxa oo hadalka
sii wata ayaa intaa ku darey
“waxaa abaal mudan Madaxweyanah Dowlada Jabuuti Ismaaciil Cmar Geele, isaga ayaa
lahaa ka qayb galka iyo xiriirinta la kulanka Madaxweynaha dalka Iiraan Axmed
Najaad, kulankiina waxyaabihii ka soo baxay wuxuu ahaa wax yididiilo weyn
galiyey Ummada Soomaaliyeed, Madaxweynaha iyo wafdigiisa waxay si rasmi ah u
cadeeyeen iney is garab taagayaan Dowlada Soomaaliya dibu-dhiskeeda iyo sidii
nabad loogu soo dabaali lahaa, islamarkaasna loo adkeyn lahaa xiriirka Iiraan
iyo Soomaaliya, waxayna inoo tahay guul Ummada Soomaaliyeed ay u aayayaan” ayuu
yiri Prof, Maxamed Cumar Dhalxa.
“Baarlamaanku martiqaadyo kala du duwan ayaa loo fidiyey, baarlamaankuna wuxuu
ku hawlanaa arimaha dibu-heshiisiinta, doorashada madaxweynaha iyo dhamaan wixii
hawlo kale ee horyaaley, Baarlamaankuna wuxuu bilaabey inuu ka wada jawaabo
wixii hawlo u yiiley gudaha iyo dibadda, wuxuuna ka qaybgalayaa kulamo kala du
duwan oo Baarlamaanada caalamka ah oo qaarkood xubin aan ka nahay, xubnana aan
ku leenahay, Booqashadan waxay qayb ka tahay booqashooyinka uu Baarlamaanku ku
kala bixin jirey wadamada aan saaxiibka nahay” ayuu yiri ma uu ka jawaabayey
su’aal ahayd sababaha kusoo beegey safarkooda iyadoo wali uusan dalka si toos u
tegin Baarlamaanka dalka gudihiisa.
Maxamed Macallin Cismaan(All-man) Somalitalk Jabuuti.
fatxumaalik@hotmail.com
Faafin: SomaliTalk.com | Feb 26, 2009
Xildhibaan
Maxamed Keynaan "Dowlada la Dhisey Ma Ahan Dowlad Xaq Raadin ee Waa Dowlada Xal
Raadin ah" iyo Xildhibaanad Caasho Cabdalla "Madaxweynuhu Jihaadka uu
Iclaaminayey, Ma Ahayn Jihaad ee Waxay Ahayd Jihaad Kursi Doon ah"..
Akhri... Feb 25
Waraysi:
Wasiirka Hawlaha Guud & Guriyenta, Maxamed Cabdi Yuusuf, waraysigaas iyo..
Sh. Aaden Madoobe oo yiri "kulanka Xiga ee baarlamaanku wuxuu Ka Dhicidoonaa Muqdisho 15
Maalmood Kadib" iyo Ra'iisul wasaaraha oo lagu wado in uu wasaarad cusub
magacaabo.. Akhri
Wasiirka Arrimaha Dibadda DFKMG Md, Maxamed Cabdullaahi Oomaar oo Wareysi
Siiyey SomaliTalk ayaa ka Hadley Tilaabooyinka ugu Horeeya ee uu Qaadayo iyo
Arimaha Baasaboorka. Akhri... Feb 23
Daabaco
Boggan | Print
