Maraykanka oo Nigeria ugu Baaqay in ay Ciidamo Nabad ilaalin ah u Dirto Soomaaliya

• Tarjumadii: SomaliTalk.com | Feb 15, 2009

  ---

Wakiilka Maraykanka u fadhiya Qaramada Midoobey Susan Rice ayaa ugu baaqday Nigeria in ay dedejiso isku daygeeda in ay ciidamo nabad ilaaliyaal ah u dirto wadanka Soomaaliya, sidaas waxaa werisey warbaahinta Nigeria ee loo soo gaabiyo NAN.

Nigeria ayaa dhawaan ballan qaaday in ay Soomaaliya u direyso hal battalion oo ciidan ah oo ka mid noqda ciidamada Midowga Africa ee nabad ilaalinta u jooga Soomaaliya.

Wakiilka Maraykanka ee Qaramada Midoobey (QM) waxay hadalkaas Nigeria gaarsiisey kaddib markii ay guriga Nigeria ee New York ku booqatay Joy Ogwu oo ah wakiilka Nigeria ee Qaramada Midoobey.

"Waxaan dooneynaa inaan ogaano wax dib u dhigaya ballan qaadkii Nigeria in ay ciidama QM ee nabad ilaalinta Soomaaliya", ayey tiri wakiilka Maraykaanku.

"Jawaab sugan oo laga helo Nigeria oo ku saabsan diritaanka ciidamadeeda waxay Golaha Ammaanka ee Qaramada Midoobey u fududayneysaa qorshaynta iyo go'aanka marka la gaaro June 1," ayey tiri safiirka Maraykanka ee QM.

Ogwu waxay ku celisey sida ay Nigeria uga go'an tahay ammaanka iyo nabad galyada caalamiga ah, gaar ahaan ayadoo loo marayo hawlagallada nabad ilaalinta. Sida warku sheegay.

Zenawi muxuu ka yiri Shariifka iyo Shareecada Islaamka.. 
Dhegeyso  ama Soo Rogo (MP3)  ama Akhri... (English)

Khariidadda Dhulka Soomaalida ee Geeska Afrika

Isha sawirka:  http://sthweb.bu.edu