Xaflad taageero C.C.C. Sharmaarke oo oo ka dhacday JeddahQaar
ka mid ah aqoonyahanada soomaaliyeed ee jaaliyada magaalada Jeddah ee
wadanka boqortooyada Saudi Arabia ayaa hambalyo iyo taageero u diray
raisal wasaaraha cusub ee soomaliya Mudane Cumar C/Rashid C. Sharmaarke
iyo guud ahaan dowlada cusub iyo madaxweyne Sh. Shariif iyagoo u arkay
in ay xiligan jirto fursad qaali ah oo lagu gaari karo nabad iyo
xasilooni ka dhacda Soomaaliya.
Xubanaha Jaaliyada ayaa ugu baaqay dowlada cusub inay ka shaqayso soo
celinta amniga iyo kala danbaynta wadanka, horayna u sii wada
wada-hadalada iyo dib u heshiisiinta guud ahaan, si loogaaro in
soomaaliya ay mar labaad cagageeda isku taagto.
Waxay sidoo kale cadeeyeen in loo baahan yahay in ciidan qaran oo xoog
leh la dhiso si looga baxo nidaamka maleeshiyooyinka ee wadanka soo
daashadey muddada dheer.
C/raxman Xariri - Saudi Arabia
xariri@hotmail.com
TAAGEERO IYO HAMBALYO AY BEESHA AURTABLE U DIRAYAAN PM, MUDANE
CUMAR C. SHARMAARKE
Maanta oo ah February 13
2009, ka dib markaan odoyaash iyo wax garadka Beesha aan ku kulanay
xiriir isgaarsiin waxaan isla garanay inaan u gudbino Taageero iyo
Hambalyoba Wasiirka kowaad ee DFM Somaaliyeed Mudane: Cumar Cabdirashiid
Cali Sharmaarke.
Waxaan aamin sanahay inuu Mudanahu uu ehel u yahay xilkaas uuna si
habsami wacan oo ku salaysan aqoon iyo xirfad qaranimo uu u gudan doono
xilkaas. Waxaan kaloo qiraynaa inuu yahay aqoon yahan dhisi kara Dowlad
midnimo qaran uun yahay nin u bisil wadciga xaadirka ah uu dalka uu ku
sugan yahay. Waxaan ku kalsoon nahay inay Madaxweyne Sheikh Shariif iyo
Wasiirkaba si wada jir ah ay abuuri karaan nabad, midnimo iyo qaranimo
Somaliyeed.
Ugu dambaystii waxaan hambalyadayna ku soo gunaanadaynaa inaan ku
faraxsanahay magaacaabistiisa aana u rajaynayno inuu Ilaahay la garab
galo ambi qaadista iyo taaba galinta wax qabad natiija wacan leh.
Somaliu waa Hal Geed oo Laama Badan Ilahayna muwaafaqo waarta ha dhex
dhigo.
Mahadsanidin,
Wabilahi altowfiiq
Mohamoud Sheikh <somalicommunity96@yahoo.com>