Congress Donald Payne oo Muqdisho Tagay Diyaaradiisiina la duqeeyey.
Wafdi ka socday dowlada Maraykanka oo maanta soo gaaray magaalada Muqdisho ayaa waxaa hogaaminayey Senetor
Donald Payne kana tirsan barlamanka dalka Maraykanka ayaa wadahadal la yeeshay Madaxweynaha
DFK iyo Raysul wasaaraha Cumar Cabdirashiid Cali shar,marke iyaga oo ka wada hadlay xaalada guud ee dalka somaliya iyo arimaha burcad badeeda .
Wafdigaan oo uu hogaaminayey Senetor Donald Payne oo ah mudane ka tirsan golaha Congress-ka
Maraykanka iyada oo uu wehliyey lataliyaha Madaweynaha dalka Djabuti Mr Ismaaciil
Taani.
Raysul Wasaare Cumar oo kulanka ka dib saxaafada la hadlay ayaa sheegay in ay ka wada hadleen
Donald xaalada guud ee dalku marayo iyo caqabadaha hortaagan dowlada KMG ah iyo arimihii ugu danbeeyey ee kooxaha burcad badeeda somalida .
Donald Payne & Cumar A.| Isniin Muqdisho Apr
13, 09 AP
Congress Donald Payne oo isna goobta kulanka ka hadlay ayaa waxaa uushegay in ahmiyada ugu weyn ee dalka
Maraykanku ka leeyahay dalka Soomaliya ay tahay in uu taageero dowlada cusub ee
Soomaaliya iyo in ay labada dowladood sameystaan xiriir wanaagsan oo dhinac kasta leh.
Mr. Donald Payne ayaa ugu baaqay dowlada Soomaaliya in ay sameysato ciidamo qaran oo la dagaalamo
kooxaha burcad badeeda oo uu shegay in ay caqabad kuyihiin maraakiibta isaga gooshta biyaha caalamiga ah wuxuuna tilmaamay in
Soomaaliya uu sawir xun ka yaalo aduunka intiisa kale taasi oo uu ku macneeyey arimaha burcad
badeedka oo gartay halkii ugu sareysay abid.
Sidoo kale lataliha madaxweynaha dalka Djabuti Ismaciil Taani oo goobta isna hadal qiimo badan ka soo
jeediyey ayaa tibaaxay in dowlada Djabuti ay ku faraxsan tahay sida ay dowlada FKMG
uga howlgasho Magaalada Muqdisho isagoona tilmaamay in ay ku faraxsan yihiin tagerada ay dowlada Mareykanku siiso dowlada
cusub ee Soomaaliya
Kulankaan ay maata yeesheen madaxda dowlada FKMG iyo wafdigaan ka socday aqalka
Congress-ka Maraykanka ayaa wuxuu ku so beegmayaa xili dhawaan kooxaha burcad badeeda
Soomlida ay afduubteen markab laga lahaa dalka Maraykanka iyo kabtankii waday kuwasoo si qasab
ah farahooda looga bixiyey
Muuse Maxamuud Jiisow
musejisow@hotmail.com
Muqdisho Bakaaro Somalia
00252-1-5576666
00252-50-907666
Donald Payne oo Hoobiye lagu weeray
diyaaradiisii.
Muqdisho, Soomaaliya. Hoobiyaal ayaa lagu weeraray Goroonka Muqdisho, Diyaarad siday
Mudane Baarlamaan oo Maraykan ah waxay ka duushay Caasimada Soomaaliya maanta oo
Isniin ah iyadoo badqabta, sidaa waxaa sheegay askari Booliis ah.
Madaxda Isbitaalka waxay sheegeen 19 qof oo rayid ah inay
ku dhaawac meen xaafadaha ladaganyahay.
Midkoodna Lixda Hoobiye ee lagu riday mahaleelin Garoonka
iyo Diyaarada siday Mudanaha Gobolka New Jersey ee Xisbiga Dimoqoraaddiga Donald
Payne, waxay kacday iyadoo nabad qabta. Sida uu sheegay Col. Maxamed Idi
oo ah Madaxa Booliiska Garoonka. Wuxuu kaloo sheegay inaan cidna wax ku noqon
Goroonka dhexdiisa.
Idi sida uu u sheegay AP qaar kamida Hoobiyaallka waxay
kusoo dhaceen Xaafadaha u dhow.
Maamulka Isbitaalka Madiina Ali Adde wuxuu sheegay 19 qof oo
shacab ah una badan Dumar iyo Caruur inay ku dhaawacmeen, marka Hoobiyaalku ku
dhaceen xaafadaha la dagan yahay , Sagaal ayaa Isbitaalka la
keenay, sagaal kalena waxay ahaayeen dhaawac fudud.
Mudane Payne waa gudoomiyaha Aqalka Matalayaasha arrimaha
diba ee gudi hoosaadka Afrika. Wuxuu u sheegay wariyaasha inuu lakulmay
Madaxwaynaha Soomaliya iyo Raysulwasaaraha booqashadiisii ku sinayd halka maalin
ee muqdisho si ay uga wada hadlaan Burcad baddeedka, Nabadgalyada iyo Xiriirka
Soomaaliya iyo Maraykanka.
Tarjumaadii Somalitalk.com | Xigasho AP
Faafin: SomaliTalk.com | April 13, 2009
| 
Daabaco
Boggan | Print
