GOLAHA XUQUUQUL-INSAANKA GEESKA AFRIKA
Uj: CANBAAREYN FALALKA KHILAAFSAN SHURUUCDA ADUUNKA EE MAAMULKA PUTLAND KULA
KACAYO SOOMAALIDA REER OGADENYA.
KU: Urudada caalamiga& kuwa dowliga ah ee UNta, EU, AU, Jaamicadda Carabta & OIC
KU: Amnesty International & A. Watch
KU: Dhammaan hay'adaha xuquuqul-insaanka dunida ee kale
KU: Qalabka warbaahinta gudaha & dibadda
Golaha xuquuqul-insaanka Geeska Afrika wuxuu la socodsiinayaa dhammaan
ururada caalamiga ah, hay'adaha xuquuqul-insaanka, dowladaha iyo qalabka
warbaahinta in Maamul gobaleedka waqooyi-bari ee Soomaaliya [ Puntland] uu
jabiyey qodobo ka mid ah sharciyada xuquuqul-insaanka dunida oo kala ah Art:
1,2,3,4-9 oo ku xusan Universal Declaration of Human Rights, kadib markuu u
gacangaliyey Ethiopia 23 ruux oo Soomali ah, isla markaana uu wali wado olalahan
kor ku xusan.
Dadkan kor ku xusan oo rayad & xoogsato isugu jira waxaa laga soo qabqabtay
magaalooyinka : Boosaaso, Garoowe & Gaalkacayo oo hoos yimaada maamulka
Puntland, isla markaana qaab qabiil ayaa loo soo soocay, looguna gacangaliyey
ciidamada Ethiopia.
Talaabadan dhanka ka ah xuquuqda aadamaha oo wali socota waxay xadgudub ku tahay
xushmadda aadanimo, tan Islaanka iyo tan Soomaaliyeed, isla markaana waxay u
horseedi kartaa dhibaatooyin horle oo ka dhexdhacda walaalaha Soomaaliyeed.
Haddaba Golaha Xuquuqul-Insaanka Geeska Afrika wuxuu si kulul u canbaareynayaa
falalkan foosha xun ee maamulka Waqoo-Yari ee Soomaaliya kula kacayo dadka
Soomaali galbeed, isla markaana wuxuu codsanayaa in si deg deg ah loo joojiyo.
Goluhu wuxuu ugu baaqayaa ururada caalamiga, hay'adaha xuquuqul-insaanka iyo
dhammaan dunida in falkan la canbaareeyo, waxna la qabto.
GOLAHA XUQUUQUL-INSAANKA GEESKA AFRIKA
LONDON-UK,07/05/08
Dr. Abdi, Chairman
Faafin: SomaliTalk.com | May 7, 2008
 Odayaasha Gobolka Nugaal oo Bayaan ka soo saaray
Dadkii Loo Gacan Geliyey Itoobiya.. Akhris/Dhegeysi 
|
Daabaco
Boggan | Print
