XABAAL IYO NINKEED LOO KALA TAG
Iyadoo ay iga guuxayso qormo loogu wanqalay la
tasaaxibul ashraar oo aan tooshka hal abuurkay guray ku
saari rabay in fitnadda is haysadka cullimaddu uu ka
yimid wax ku darsigii isbahaysiga barlamanka xorta iyo
qurba joogta ayaa rag hortay garteen meesha la iska
hayo, markaas baan daah furay qormadan xabaal iyo
ninkeed loo kala tag.
Inta aanan guda galin ujeedka qormadan waxaan rabaa dad
badan oo ila soo xiriiray soona ban dhigay aragtiyo
qormooyinkaygii hore ku saabsana inaan laba arrimood u
bayaaniyo tan hore anigu shaqsiyadda Sheekh Shariif
marna ma weerarin balse mabaadiida cusub oo uu la yimid
ayaan ka hadlay sidda ay ila tahay iyo waxa laga dhaxli
doono, aragti ka dhiibashadda masiirka umadda ka
dhaxeeyana waa mid qof kasta u furan balse ma jiro
qilaaf shaqsi ah oo aniga iyo isaga inoo dhaxeeya,
hogaamiye iyo shacab dhaga furan baanu isu nahay. Si
kale hadaan u iraahdo sidda dadka qaar oo gar iyo
gardaro waxuu sheekhu la yimaad isaga sacbinayana ma
dhihin ‘diidaya iyo doorataa Dinaxow Jumcaale duqaaaga
waaye’, kuwa qaar oo hal mar dhinac kasta ka dilayna ma
dhihin ‘Habar Jeclaaye Muuse waa kaas’, waxaanse ku iri
‘waxa jira mowduuc aan la galin lagana maansoone dibnaha
marooqsama ninkii mowjadaas gale’, oo ula jeedkaygu
yahay wadahadal lama diidanyane habka aad u agaasintay
iyo qodobadda aad soo qaday baan ahayn kuwa gadmaya.
Dadka qaar waxay igula dirireen shirka Jabuuti waa nabad
noo soo iftiintaye maxaad ka rabtaa, Hadraawi baa
dhalshadii kacaanka hal abuur yar oo uu sameeyay waxuu
ahaa’ tira sugan sagaal tuur, soddon goo sideed hoo ,
suure wixii haray waana sanad abaarad’, marka la jilciyo
noqonaysa 2000-9-30+8=1969 kii , waagas dadkii joogay in
warkaasi dhagahooda galo iska daaye kacaanku samadiidoow
buu ku qaadi lahaa, rayidku barwaaquu naga hor taagan
yahay bay dhihi lahaayeen, markiise la arkay meesha
arrini ku danbaysay bilad qaran baa loo xiray, waagii
shirkii Nayroobi Ceel Dooreed la isagu tagay ayaan
waxaan qoray maqaaladda nuxurkeedu ahaa ragga meesha
isagu tagay waa labo Idooro aan ku dille oo aan ula
jeeday C/laahi iyo idooro aan ku dayacee oo raggii la
tartamayey ula jeeday,rag baa waxay yiraahdeen duqu dhib
badan buu u soo joogay, qabqable isaga yaqaan , nabadna
waa u sal dhigin, waxaan ku iri waxaa jira dadka xeebaha
degga ayaa waqtiyadda qaar waxaa ku dhaca abaar xooluhu
doon noqdaan, sidday roob ay u sugayaan ayaa waxaa u da
roob intii hartay xoolahana ka laaya, markaas bay waxay
ku mahmaahan’ yaare soo onkodoow yaab kaa horay yaabna
kaa danbey’ hadda C/laahi iska daa nabade dad iyo
duunyaba waa dabargoyn, diin iyo wadaniyadna iska daa,
hadda shirka Jabuuti anigu nuxur wayn kuma arko intaanan
hal abuur dul dhigin aan waqtiga u daayo.
Horudhacaas ka sakow aan abaaro dulucda maqaalkan xanta
iyo xogtii ugu danbays waxay leedahay dhaawicii gaaray
hankii shacabka, cullimaddii isu dhabar jeedisay iyo
arrinkii nin kastoo maslaxda umadda jeclaa ka nixiyay
rag diin iyo daacadnimo isku darsadaa u soo baxay
waxayna talo ka bilaabeen in marka hore isbahaysi meel
la iska dhigo, marka xigana maxkamadihii arrin lagu
galo, howshaasina Ilaah baanu ka baryeeyna inuu la garab
galo oo mar dhow wax bulshaddu ku faraxdo loo sheego,
tan xigtaa waa Boqortooyadii Sacuudigu waxay ka meer
meertay inay casuumad u soo dirto dhinacyadii heshiiska
saxiixay, waxayna tiri shalay baa heshiiskii Cali Mahdi
horkacayey la igu qalday muslina laba jeer god lagama
wada qaniino, ee wax loo dhan yahay la imaaad ma
garanayo kaaboyga Mareykan meesha kale ee uu arrinta ku
Karin doono, xan kale waxay leedahay ciidanka Q.M lama
hayo balse kuwii Afrikaa lagu soo kordhin Nayjeeriya
sided boqol ah iyo Burundi oo afar boqol ah, Sayid
Maxamed baa laga hayaa in la ii yaabo waxaan ku
garanayaa yamyam iyo qadaad wayn baa la iga kari la
yahay, mana muuqato wax wayn oo ay saxadda ka badali
karan.
Guuxa indheergardku waxuu leeyahay ragga howsha galay
iyo kuwa la dhex dhexaadinayo labaduba Alle ka cabsi
saldhig ha ka dhigteen, wax kasta oo mabaadiida asalka
ee halganka ku saabsan ee heshiisku ka hor imaanayo ha
iska bari yeelen, amxaaro iyo yeeydii keentay waa jabeen
laakin xisaabta ha ku darsadeen inta dagaalku qodon
yahay oo aan ula jeedo dowladaha iyaga ka danbeeya,
saddex arrinka aan anigu xalka u arko waxaa weeye guusha
manta la hayo ha la igu iibsado cadowga Itoobiyoo dalka
laga saaro iyo in la dhiso dowlad aan tan ahayn oo intii
Soomaali talo ka godo laga soo qayb galiyo taasoon u
arko in ay tahay rayi cadowga xooga wayn laga gadi karo,
maatadana lagu badbaadin karo.
Dhinaca isbahaysiga Asmara waxaan qabaa in lagu badalo
laba urur oo iska garab dhisan, golihii maxkamadaha iyo
golaha wadaniga oo xertii barlamanka xorta , qurba joog
iyo indheergardkii kaloo danaynaya wax loogu dhiso
markaa kadib dalad kulmisa ha lo dhiso wallow aan qabo
iskaashi mooye yaan wax la isagu darin, sababtoo ah rag
damac iyo shahaado aduun raba iyo rag shahaado aaqiro
doon ah islama jaan qaadi karan
.
Gabagadii sanadihii sideetameeyadii baa magaaladda Burco
40 nin maalin lagu dilay, abwaan reer koonfureed ah oo
jabhad ahaa baa gabay u tiriyey waxaa ku jiray’sahankii
macnaha wayn lahaa lama marsheen baas e waad maqfira
baxdeen jeer hadaad magac lahaydeene’ shucuubta waqooyi
oo sugaanta hodonka ka ihi gabaygii ninka kama jawaabin
ee guubaabay ka dhigteen, maalintii danbaa Snm weerartay
Hargaysa waxuu tiriyey ‘ Galaas dahab ah baad mudan
tihiin garashaydeysiiye, gabdho ugub ayaad mudan tihiin
garashaydiye’ hadda dadkuna waa idin ducayn hadaad xaq
isku raacdan, sharafkiinuna waa badbaadi, hadaadse
adinku nala gaabisaaan waaba kala guure.
WQ CAANAGEEL
caanageel@hotmail.com
:::GAR NAQSI | Caanageel