QIRASHOOYIN SOO HOR DHACAY
Oday beeldaaja baa degmadii uu joogay waxaa gudoomiye looga soo
dhigay nin habeenkiina qayila maalintiina jiifa xilli abaar ahna
waa lagu jiray maalintii danbe ayaa Xuseen Kulmiye madaxwayne ku
xigeenkii xilligi kacaanku dagmadii yimid markaasu ku yiri
duqowdii baladka warama , oday ka mid ayaa yiri’ Anagoo iska
liidana ayaa kuwa iska sii liita madax nooga soo dhigeen markaas
baan isla wada liidana’hadda go,aamadda ka soo baxay shirka
Jabuuti iyagoo awalba nuxur ahaan liitay ayaa hadana Mareykan
iyo Itoobiya madaxda hirgalintooda laga sugayo ahaayeen, bal eeg
siday u hadleen.
Afhayeenka aqalka cad ee Mareykanka Sean Mccook waxuu yiri waan
soo dhawaynaya shirka Jabuuti waxuuse ka gaabsadey inuu cayimo
xilliga Itoobiya ay baxeyso ama uu ka hadlo bixitaankooda, ka
rog oo laba saare T.Vga ku hadla codka dowladda Itoobiya waxuu
yiri shirka saddex qodob ayaa ka soo baxday tan koowaad oo ah in
ciidamadda Itoobiya aysan waligood ka bixin Soomaaliya, tan
labaad in argagixisadda lala wada dagaalamo iyo tan saddexaad oo
ah in la taageero dowladda ku meel gaarka.
Ogaabey U.N ma ahan hay,ad dhaqaalo ahaan iyo siyaaso ahaan
qaadan karta go,aan Mareykan la,aantiis tiiyoo aysanba kuba
jirin Soomaliya oo ah dalka uu Mareykan Itoobiya ku soo fasaxay
markuu rabana kor u ka duqeeyo, xanta laga helayo dadka u dhaga
daloola qorshayaasha Mareykan ee Soomaliya ku wajahani waxay
sheegayan in Mareykan heshiiskan laba qodob kali ah ka danaynayo
tan koowaad oo ah ciidanka UN iyo tan labaad oo ah kala jabka
Asmara, xogtani waxay intaas ku dareysaa in uu haatan Mareykan
bilaabay inuu uruuriyo ilaa 220 qof oo uu doonayo inuu shir u
qabto marka xilliga xerta C/laahi gaban gabo yahay waxuuna
doonaaya ciidankkaas UN inuu u isticmaalo xukuumadas inta ka
horaysana katarabiil ay u sii ahaadan ciidanka Itoobiya iyo
magac u yaalka maato layska ee magaca dowlo sheegta, tan
Itoobiyana faalo iyo faaqido ka bixin ma leh oo waa meelaan
rabay roob igu cayri ansixintii xaaranta ahayd ee C/laahi ayaa
mid qudba siraa rag loo xil hayey ugu dareen Hadraawi baa
siinlay uu tiriyey waxaa ku jiray’ Rag siyaasi wada noqay wada
furay silsiladaha ‘ shanta nin ee wax saxiixday iyo shanta geed
fadhiga u ah qaanadii muqaawamo ku hadalkeeda ku fiicnaayen
markii mowjaddaha siyaaso qaaraji la galay daadka qaadey
halgankii umadana waa dhabar jabiyeen iyana waa iska karaamo
tireen towbaduse waa furan tahay.
Sheekh Shariif oo wareysi siiyey Aljazeera waxuu ku baaqay in
shirka la taageero, isagoo xusay in shirka gudaha laga
taageersan yahay , waxaase aan la yaabay wareysiga waxaa ku
jirtay sheekha oo leh waa in la sii wada muqaawamadda hubaysan
ee looga saarayo ciidanka Itoobiya dalka sow taasi jabin mayso
qodobkii xabad joojinta ee uu saxiixay , Cumar Idris oo ergada
Asmara uga qayb gashay shirka ka mid ah runtiina ah nin aan si
wayn ugu xilhayo oo isna wareysi siiyey websaydka Goob Joog
waxuu yiri’ xabad joojinta macnaceedu ma ahan hubka ha la dhigo
laakiin waa ha la sugo mudada xabad joojinta haddii waqtiga
ciidanka loo qabtay ay ku bixi waayana dagaalka ha la wado’
inkastoo ku taagnaanshaha heshiiska uu Idiris uga saxsan yahay
sheekha hadana saddex meeloodba waa ka hor imaanaysa rayigiisa
tan hore cadowgu dhulka waa isku faafinaya hadaan xabadda lala
hor taagnayn, tan labaad ciidanka muqaawamo mid dowli ah maahan
oo xerooyin ku xaroonaya ee ninba cidiisi meeshay jirtuu aadi
haddii la yiraa dagaal dhamaa, tan saddexaad isaga wax saxiixay
laf ahaantiisa shaki ku jiraa waayo war nin wayni ma noqdo
haddii iyo haddii, ee waxaa u qumanyad inuu yiraa anaa hubee ha
la joojiyo xabadda, si kastaba ha ahaatee beel ka mid ah beelaha
waqooyiga dagaa hadda ka hor qabaal ku diriray, markaas loo
tiriyey gabay ay ku jirtay ‘ kasi waaye waxuu waa qabaal waadna
kabataane’hadda ragga Jabuuti talada isbahaysiga ula cararay
qabaalkii oo kale ku tageen, waxaanse sugayna ragga Sheekhu u
horeeya waxa ay ka yeeli doonaan marka cullimadda islaamku ay
iftooto waxa islaamku ka qabo go,aanka ay qaateen.
Gabagabadii ma is tiri C/laahi Yuusuf baa run ka sheegay shirka
mar uu joogay shirkii qaramadda midoobay oo la yiri shirka
Jabuuti ka waran waxuu yiri’ horta Itoobiya biximayso, ra,isul
wasaaraha iyo ra,isul barlamanka lagama hadli karo’ waxaa intaas
wehliya weli C/laahi natiijadda shirka kama hadal tiiyoo ay u
wehliso inuu u gurya noqday xarunta laga xukumo ee Addis oo uu
manta u kicitimay, shirku waxuu ahaa shumac ay la ordayeen Nuur
Cadde iyo Axmed Cabdisalaan waxaana si aan mug siyaaso ku fadhin
ula qaatey raggi xertooda talada kala soo dhuuntay ee laba
Shariif u horeeyen, dib u xasuuso markii C/laahi iyo Geedi xilka
qaadistii ay codad barlaman isku mari waayeen amarka Geedi lagu
riday waxaa siiyey Mareykan iyo Itoobiya, kulli tabcane waxaa
ugu xog fog kaabo tabcanyaasha oo ah C/laahi, wararka Itoobiya
iyo Mareykan ka soo baxay marka lagu daro arrintu waa halkii
Soomaali uga mahmaahdey sader muuqda su,aal ka dhan ee fadlan
ragga Jabuuti saxiixayoow qaladkiii aad halganka ka gasheen ha
ku darinina iibgaynta waxaan gadmayn.
WQ CAANAGEEL
caanageel@hotmail.com
Afeef: Aragtida qoraalkan waxaa leh qoraaga ku saxiixan