Isbitaalada Caasimada Muqdisho Oo La Ciir Ciiraya Dhaawacyada Dadkii
Duqayntii Bakaaruhu Waxyeelaysay.
Waxaa si weyn Looga dareemayaa Qaar ka Tirsan Isbitaalada caasimada muqdisho
dhaawacyada dadkii ay waxyeelaysay duqayntii ay Ciidamada Ethiopia ay ku
duqeeyeen Madaafiicda Suuqa weyn ee bakaaraha taasoo ay si weyn U buux dhaafisay
Isbitaalada waaweyn ee magaalada MUqdisho .
Dhaawacyada kasoo gaaray Duqayntii Dhowaan ay Ciidamada ethiopia Ku duqeeyeen
Suuqa ganacsiga ,shirkadaha iyo Meelo kale ayaa la sheegay inuu gaarayo mid sii
cagagaynaya ilaa (5-qofood taasoo ay ku kala Jiraan isbitaalada Madiino
.,Dayniile ,Isbitaalka Xaawo cabdi iyo Kuwo kale .
Sidoo kale Duqayntan ba,an ee ay Ciidamada Ethiopia U gaysteen Xarumaha waaweyn
ee shirkadaha ku dhexyaala suuqa bakaaraha ayaa waxyeelo ba,an kasoo gaartay
Guryo badan oo gubtay islamrkaana ay La eegteen madaafiicda islamrkaana Qaarkood
Dusha ka Gubtay iyadoo ay ka damiyeen dabkii Qaar Ku dhaqan dadweynaha magaalada
Muqdisho .
Dhinaca kale Agaasimaha isbitaalka madiino Ibraahin dheere ayaa somalitalk u
sheegay in dhaawaca soo gaaray labadii maalmood ee nasoo dhaafay isbitaalka ay
Caga cagaynayaan ilaa 65-qofood islamrkaana ay iminka La tacaalayaan sidii ay U
dabiibi lahaayeen taasoo uu sheegay inay ku guda Jiraan daaweynta dadkaasi .
Si kastaba ha ahaatee dadka shacabka ah Ee Dhaawacyadu kasoo gaareen Duqayntii
maalintii Axadii Ee Iminka Ku Jira Qaar ka tirsan isbitaalada Magaalada Muqdisho
ayaa La il daran Dhibaato baahsan Oo kaga Timid xaalada Duruufeed ee ka jirta
Muqdisho oo ay usii Dheer tahay Daawo Xumo ka Jirta isbitaalada Magaalada
Muqdisho oo Iyagu dadaalo dheeraad ah ugu Jira sidii ay Ula tacaali Lahaayeen
dadkooda la Il daran dhibaatada dagaal ee dhaawacyadu kasoo gaareen.
Yaasiin Maxamed Cali (faytin)
Yaasiinfaytin@hotmail.com
Somalitalk Muqdisho
+2521-5580916