C/Shakuur Cali Mire oo Cambaareeyey Dilka Weriye Naxteex Daahir Faarax.
Innaa-lilaahi Waa Inaa ilayhi Raajucuun: Waxaa caaway oo ay taariikhdu tahay
7/6/08 lagu dilay magaalada Kismaayo Weriye Nasteex Daahir Faarax oo ahaa nin
dhalinyaro ah saaxiibkay ahaa, Nasteex wuxuu hiigsanayey mustqabal ifaya hase
ahatee waxaa hor-istaagay qadarta illaahay kasow dhagar-qabayaal haddaan aduunka
lagu cinqaabin ay sugeyso cadaaladda Rabi oo aan laga baxsan Karin.
Waxaan marka hore Tacsi u dirayaa qoyskii iyo eheladii uu ka tagay weriye
Natxeex Daahir Faarax iyo dhamaan ummddaa Soomaaliyeed iyo gaar ahaan
suxufiyiinta Soomaaliyeed iyo intii uu sida gaar ka ah ula shaqeynayey waxaanan
illaahay subxaanuhu-watacaalaa uga baryayaa inuu janatul-fardows geeyo.
Waxaan si aan kala harlaheyn aan u cambaareynayaa falkaas foosha xun ee lagu
dilay weriye Nasteex Daahir Faarax oo ahaa nin dhalinyaro oo ummada u hayey
adeeg xirfaddeed oo ka dhexeeyey dadka Soomaaliyeed gudanayeyna hawllihiisa ku
dhisnaa mihnnada suxufinimo. Sidaas-darteed waxaan ugu baaqayaa dhinacyada ay
sida tooska ah arrintaani u quseyso oo ay ugu horeeyaan wax garadka iyo
masuuliyiinta ku sugan magaalada Kismaayo in la iska kaashado sidii loo horkeeni
lahaa sharciga iyo cadaaladda cidii geysatay fal dambiyeedkaas tiiraanyada leh
ee lagu afjaray nolasha ruux muslim ah umaddiisana u hayey adeeg guud.
Nasteex waxaa uu ahaa nin dhalinyaro ah oo dadaal badan, muddo yar gudeheedna ku
taagsadey hawlo suxufino oo ay gaari waayeen kuwo muddo sanado ah ku jirey
saxaafadda, mudo kooban oo aan wada shaqeynayney-na waxaan ku bartay hal abuur
badan iyo baadi goobka wararka muhiimka ah ee bulshada ka dhex jira waxaan muddo
badan ku dhiiri galin jirey ka mira dhalinta mihnadiisa suxufinimo taas oo uu ka
dhabeeyey.
Waxaan aad ugu kalsoonaa inuu ka mid ahaa weriyeyaal fara ku tiris ah oo si
dheeli tiran u soo gudbin jirey wararka iyo akhbarta ka jirta deegaanada ay ka
shaqeeyaan.
Waxaana markale si qoto dheer u cambaareynayaa falkaas foosha xun, annigoo ku
celcelinaya in ay lagama maarmaan tahay in xoogga lasooro sidii loo heli lahaa
gacan ku dhiiglihii geystay dambigaas si loo mariye wixii uu mutaystay.
Dilka Nasteex waxa uu qeybka yahay silsilad dilal ah oo loo geystay
suxufiyiinta Soomaaliyeed bilowgii sanadkan iyo sanadkii tagay ayadoo ay
hay`adda Amnesty International ku tilmaantay Soomaaliya dalka ugu khatarta badan
marka ay timaado ku shaqeynta hawlaha suxufinimo, haddaba suxifiiyiinta oo ka
mid ah qeybaha ugu muhiimsan ee bulshada waxaa ay difaac ka sugaan illaahay
kasokow waa bulshada deegaanada ay ku dhex noolyihin sidiaas darted waxaan
markale carabkayga ku adkaynayaa sida aan uga xumahay dilkaas loo geystay
Nasteex Daahir annigoo u arka helida gacantii ka dambaysay dilka Nateex inay
yareynayso dil noocaan oo kale ah oo mustabalka dhaca.
C/shakuur Cali Mire,
Raadtv International
London,uk
shakuur111@hotmail.com
Faafin: SomaliTalk.com | June 8, 2008
Daabaco
Boggan | Print
Gen. Cadde Muuse
oo Amar ku bixiyey in Qof Qaadka Cuna aan Shaqo Laga Siin Shirkadaha
Sahaminta Batroolka....
Soomaalida
Iswiidhen oo si