Warsaxaafadeed, Tacsi iyo Cambaareen dilkii Wariye Nasteex Daahir Faarax
Dhammaan Xubnaha Ururka Waddaniga Soomaaliyeed (UWS) iyo taageerayaashiisa,
iyagoo ka xun kana tiiraanyeysan, waxay halkaan tacsi uga dirayaan Qoyskii,
Eheladdii iyo Asxaabtii uu ka geeriyooday Marxuum Wariye Nasteex Daahir Faarax,
oo si xaqdarro ah loogu dilay Magaalada Kismaayo, Soomaaliya.
Waxaan kaloo halkaan tacsi uga diraynaa Dhammaan bahda Saxaafadda, gaar ahaan
Laanta AF Soomaaliga ee BBC-da ee uu ka tirsanaa. Waxaan isagana Allah (SWT) uga
baryeynaa inuu Naxariistiisa Janno ka Waraabiyo. Ehelladiisana samir iyo Iimaan
ka siiyo. “Aamiin”.
UWS waxay kaloo tacsi taa la mid ah u dirayaan Dhammaan dadka rayid ahaa ee
ku geeriyooda maalin walba gudaha Somalia. Waxayna ALLAH (SWT) ugu baryayaan
intii dhimatay inuu naxariistiisa Janno ka waraabiyo. Ehelladoodana samir iyo
Iimaan ka siiyo. “Aamiin”.
Dhammaan xubnaha UWS waxay Cambaareynayaan dilka xaqdarada ah ee loo geysto
bulshada rayidka ah gaar ahaan wariyeyaasha, Odayaasha dhaqanka, Culimada,
Haweenka, Ganacsatada iyo Ardayda.
Xubnaha UWS waxay codsi u jeedinayaan Dhammaan Hayadaha nabadgelyada ee ka
jira Soomaaliya inay sugaan Ammaanka dadka wax ku oolka ah ee shacabka u
shaqaynaaya, iyo inay bulshada ka dhex qabtaan gacan ku dhiiglayaasha falalka
noocaan ah geysta maalin walba.
UWS waxay kaloo codsi u jeedinayaan Hayadaha u dooda Xuquuqda Aadanaha inay
diiwaan gelin iyo baaritaan ku sameeyaan falalka dilka ah oo lagula beegsanayo
bulshada rayid ah oo aan waxba galabsan.
Xusuusnow Halku dhigga UWS.
- Sanadood Jug Jug Meesheeda Joog
Waddanigii Dhiig Lahow Kac
Abdullahi Jama Mohammed
AFhayeenka Ururka Waddaniga Soomaaliyeed (UWS).
Toronto, Canada
soomaalibaanahay@hotmail.com
Faafin: SomaliTalk.com | June 8, 2008