Meydadka dad rayid ah ayaa saaka daadsan xaafadaha lagu dagaalamayo sida
ay indhahooda ku soo arkeen dad joobgoogayaal ahaa deegaanada lagu dagaalamayey
ee Magaalada Muqdisho.
Sawiro halkan ka daawo....
Jun 8, 2008: Wararka ugu danbeeyey ee ka imaanaya magaalada Muqdisho xarunta
dalka Soomaaliya ayaa sheegaya in aroornimadii hore ee saaka dagaal culus uu ka
bilowday qeybo cusub oo degmada Wardhiigleey dagalkaan ayaa u dhexeeya ciidamada
Ethiopia oo garabsiinaya kuwa dowlada KMG somaliya xoogagahubeysan ee kasoo
horjeeda Siyaasada DF iyo joogitaanka ciidamada shisheeyey ee gudaha somaliya
Iska horimaadkaan ayaa bilowday kadib markii ciidamada DF iyo kuwa Ethiopian-ka
isku fidiyeen xaafadaha Xararyaale, Geed Jaceyl iyo Laba Dhagax oo ka tirsan
degmada Wardhiigleey halkaasoo dagaal ay kala horyimaadeen kooxaha hubeysan ee
Muqdisho ku sugan.
Dagaalka ayaa intii uu socday waxaa barbar socday duqeyn aan loo aabo yeeleyn
dadka iyo guryahay xaafadaha wardhiigley iyo howlwadaag ee magaalada muqdisho
gobolka banadir waxaana ku nafwaayey dad badan oo rayid ah oo aan ku jirin
dagaalka kuwaasoo guryahooda lagu dumiyey madaafiicda
Meydadka dada rayid ah ayaa saaka daadsan xaafadaha lagu dagaalamayo sida ay
indhahooda ku soo arkeen dad joobgoogayaal ahaa deegaanada lagu dagaalamayey ee
Magaalada Muqdisho.
Ciidamada Ethiopian-ka iyo kuwa Soomaalida ee fariisimaha ku leh xarunta
Madaxtooyada Villa Soomaaliya iyo isbitaalka Digfeer ayaa madaafiic aan loo meel
dayin ku garaacaya maanta suuqa weyne ee Bakaaraha, halkaasoo khasaaro xoogan ay
kasoo gaartay shacabka ku sugnaa suuqaasi.
Inta la ogyahay 27 ruux ayaa madaafiicdaan ku geeriyootay halka ay ku
dhaawacmeen in ka badan 85-ruux sida ay xaqiijinayaan wararka aan ka helayno
suuqa Bakaaraha ee magaalada Muqdisho.
Qaar ka mid ahaa Madaafiicda ayaa waxay ku habsadeen dhismaha shirkada
Isgaarsiinta Hormuud Telcom dukaanka muraayadaha araga ee tokiyo wach and optiko
shirkada isgarsiinta ee wacaale internet caffe guryo dadrayid ah ay daganaayeen
baqaaro ku yaal gudaha suuqa Bakaaraha, iyadoo aan la ogeyn khasaaraha dadka
rayid ah iyo shirkadaha ay manta ku dhaceen madaficda kasoo gaartay, sidoo kale
qeybaha kala duwan ee suuqa Bakaaraha ayaa madaafiicdaan arxan darada ah saaka
lagu garaacayaa.
Waxaana Waddooyinka kasoo baxa suuqa Bakaaraha ee Isgoosyada Howl-wadaag iyo
Bakaaraha lagu arkayaa meydad iyo dhaawacyo gaarigacano looga soo daabulayo
suuqa Bakaaraha, iyadoo wararka ka imanaya Muqdisho ay sheegayaan in ilaa 70
madfac lagu ganay suuqa bakaaraha
Waxaana la ogeyn sababta ka danbeysa in Ethiopian-ka iyo kuwa DF ay madaafiicda
ugu garaacayaan suuqa Bakaaraha oo aan wax dagaal ah saaka ka dhicin, balse
dadku isu diyarinayeen in ay bilaabeen oo ay furtaan goobahooda ganacsiga
Shirkada isgarsiinta ee hormuud ayaa hada ka baxday ka dib markii ay madafiic ku
dhaceen system-ka shirkada Hormuud ee Mobilada taasoo dadweynaha ku wareersan
yihiin, waloow ay jiraan madaafiic ku dhacday xarumaha shirklado kale sida kuwa
xawaaladaha qaarkood
Muuse Maxamuud Jiisow
musejisow@hotmail.com
Muqdisho Bakaaro Somalia
0025215576666
002525907666
Warar
is Khilaafsan oo ka soo baxay Somaliland iyo Puntland oo ku Saabsan Ajaanib
Laga Qabtay Aagga Laasqoray...
Somaliland: Labada Ajnebiga ah waa
Shiine iyo Carab..
Puntland: Ajaanibtaasi macdan kama baareyn Puntland..
Somaliland: Ajaanibtu jeebabka waxaa ugu jirey dhagxaan
Puntland: Waa kalluumaysato fasax haysta Puntland..
Somaliland: Ciidamo Puntland ayaa bililiqaystay Laasoqray
Puntland: Ciidamo Puntland ayaa Cayrsanayey Ajaanibta..
Somaliland: Ciidamada Puntland dad ayey laayeen...
Puntland: Ajaanibtu hub ayey Soo geliyeen Puntland...
Dadka Degaanka: Somaliland dadka waa lagu wareejiyey
Wararkaas iska-hor imanaya ka akhri halkan....
Faafin: SomaliTalk.com | June 8, 2008