Wararka
Toddobaadka ugu Doorka
wayn Leh. - Soomaaliya
iyo Caalamka kale...
Ergadii Isbahaysiga
oo ka baxay shirkii
Jabuuti, oo haddana ku
so noqotay.
Ergadii ka socotay
Isbahaysiga dib u
xoraynta Soomaaliya si
ay kulamo ula yeeshaan
QM iyo DFKMG ayaa
ayaamahan shir u joogay
magaaladaasi Jabuuti ee
wadanka Jabuuti.
Iyagoo ilaa 3 shir ku
qabtay balse
natiijadoodi la gaadhi
waayay, ayaa shir maanta
lagu balansanaa oo la is
lahaa labada dhinac
iskaga hor keena, ayaa
isagu fashilmay maanta
ka dib markii uu soo
fadhiistay Safiirka
Ethiopia u jooga dalka
Jabuuti.
Cabdiraxmaan
Cabdishakuur oo isagu ah
madaxa kooxda
Isbahaysiga ee joogta
Jabuuti ayaa isagu ku
andacooday in Safiirka
laga saaro Shirka si
wada hadaladu usii
socdaan, balse
arrintaasi way suurtoobi
wayday maadama ay QM
hoosta ku wadato
Ethiopia. Cabdiraxmaan
wuxuu kaloo intaa ku
daray in uu shirkani
fashilmay.
Golaha Midnimada iyo
dhaqanka Beelaha Hawiye
way ku taagreen ka
bixitaanka shirka ee
Isbahaysigu ka kaceen.
Safiirkaas
Itoobiyaanka ah ayaa
waxaa lagu tilmaami
karaa in uu isagu ka
masuulka yahay qaska iyo
jahwareerka meesha ka
dhacay, maadama ay
Isbahaysigu sheegeen in
aysan meesha u iman in
ay isa soo hor
fadhiistaan Saraakiil
Itoobiyaan ah, oo aanay
u dulqaadan karin in uu
goobta shirka soo
fadhiisto. Nuur caddena
uu ka cadhooday
Safiirkaas
imaantinkiisa.
Ahmadou Ould-Abdalla
ayaa ugu baaqay
Isbahaysiga in ay
xaalada dajiyaan oo ay
kusoo noqdaan madasha
shirka, balse
Isbahaysigu arrintaas ma
suurto galin in laga
dhaadhiciyo, waxay si
xun u canbaareeyeen
Safiirkaas Itoobiyaanka
ah waxaanay sheegeen in
aysan waligood wada
fadhiisan doonin Safiir
Itoobiyaan ah, maadama
ay Itoobiya ka wado
xasuuq iyo barakicin
dalka Somaliya.
Cabdilaahi Sheekh
Ismaaciil oo isagu ka
mid ah kooxda ka socota
DFKMG ayaa ku tilmaamay
in Isbahaysigu aanu
nabad iyo xasilooni
dalka ka dhacda u diyaar
ahayn, sidaas darteedna
aysan u diyaar ahayn
shir iyo wada hadal ay
nala sameeyaan, hadaanu
nahay DFKMG. Cabdilaahi
Sheekh Ismaaciil wuxuu
kaloo taageeray Safiirka
Itoobiyaanka ah ka dib
markii uu soo fadhiistay
madasha shirka.
Wafdi tiro yar ka kooban
oo uu hogaaminayo
Ahmadou Ould-Abdalla
ayaa kusii jeeda Hotelka
ay Isbahaysigu degen
yihiin, si ay ula soo
hadlaan wixii dhibaato
ahna laga xaal mariyo.
Hotelkan oo ay kuwada
jiraan dhamaan Ergada
Isbahasyiga iyo DFKMG,
ayaa waxaa lasoo
xaqiijiyay in uu
Cabdilaahi Yuusuf lasoo
dajiyay qolal (rooms) u
dhaw qolalka ay ku
jiraan Isbahaysigu, ka
dib markii ay ogaadeen
in qolalka ku xigaa uu
degen yahay Cabdilaahi
Yuusuf, ay goosteen in
ay Hotelka iska guuraan,
balse qolal kale oo ku
yaalay Hotelka meel kale
looga raadiyay, halkasna
ay imika ku nool yihiin.
Halkaa waxaa ka cad in
aysan haba yaraate wax
saaxiibtinimo ahi aysan
ka dhaxayn Dawlada iyo
Isbahaysiga.
Ahmedou Ould-Abdalla
ayaa isagu beeniyay in
ay casuumeen Safiirka
Itoobiyaanka ah, laakin
wuxuu sheegay in ay
casuumeen Safiiro badan
oo kakala socday
wadamada Yurub. Safiirka
Itoobiyaanka ah ayaa
waxaa la xaqiijiyay in
ay DFKMG dabada ku
wadato, maadama ay
Dawlada Cabdullahi
Yuusuf laf dhabar
Dawlada Itoobiya.
Safiirkan xalkiisu wuxuu
noqday in uu galaafto
Safiiradii kale ee ka
socday caalamka, maadama
go,aan lagu gaadhay in
dhamaan Safiirada
caalamka ka socda ee
jooga madasha shirka
dabada laga wada dhigo,
uuna ku jiro Safiirka
Itoobiyaanku, arrintaas
ayaan la ogayn in ay hir
gali doonto.
Isla maalintii ku xigtay
ayaa Isbahaysigu
ogalaaday in uu shirka
kusoo noqdo ka dib
markii lala yeeshay wada
hadalo dheer. Wali ma
cadda qodobada ay isla
meel dhigeen Isbahasyigu
iyo DFKMG.
Sheekh Xasan Daahir
Aways ayaa la sheegaya
in uu ku soo jeedo
wadanka Jabuuti isaga
iyo xulufo uu wato,
waxaana la xaqiijiyay in
ay QM u yeedhay si ay
aragti buuxda uga qaatan
fikradooda ku aadan
shirkan ka socda
Jabuuti. Daahir Aways
iyo xulafadiisu lama
sheegin in ay shirka ka
mid noqon doonaan ama ay
ka qayb gali doonan.
Isku soo wada duubo,
DFKMG oo iyadu xidhan
shaadh Itoobiyaan ah,
iyo Itoobiyaan xidhan
shaadh QM ayaa ah meesha
kaliyah ee wali la isku
maandhaafsan yahay
maadama uu Cabdillahi
Yuusuf sheegay in hadii
ay ciidamada
Itoobiyaanka ahi baxaan,
ay Dawladiisu dhacayso.
Brack Obama oo noqday
musharaxa Xisbiga
Dimuqraadiga.
Sen. Brack Obama oo
ah nin u dhashay
qawmiyada Madawga ayaa
noqday ninkii ugu
horeeyay ee Madaw ah ee
kusoo baxa doorashada
Madaxwaynaha dalka
Maraykanka, xisbigiisuna
uu yahay Xisbiga
Dimuqraadiga.
Hillery Clinton oo iyadu
la tartamaysay Sen.Obama
in ku dhaw 16 bilood,
ayaa ka dib markii uu
Obama ku guulaystay ugu
hanbaliyeeysay guusha
usoo hooyatay Obama.
Hillery Clinton ayaa
iyadu ku adkeesatay in
aanay wali ka tanaasulin
xilkeedi musharxnimo,
halka la filayo in ay
bari oo sabti ah caadi u
cadaysato in ay ka
tanaasushay.
Brack Obama ayaa ku
ceceliyay in uu ku
guulaystay
masharaxnimada Xisbiga
Dimuqraadiga, balse
Hilley Clinton arrintaas
way kasoo hor jeesatay
maada ay sheegtay in ay
wali hadhsanyihiin
gobolo kale, dadka qaar
ayaa sheegay in xitaa
hadii goboladaas lagu
soo darro aanay gaadhayn
Sen.Obama, maada uu aad
codadkiisu u bateen.
Xcel Energy Center oo ah
meeshii uu Brack Obama
ka jeediyay qudbad ayaa
halkaas wuxuu ka
jeediyay hadalo dad
badan soo jiitay maadama
uu u xaqiijiyay
shacabkiisa in uu isagu
ku guulaystay musharaxa
madaxweynaha dalka USA.
Isla xarunta Xcel Energy
Center ayaa waxaa kasoo
qayb galay ku dhawaad
(18,000) oo qof, halka
dadka dabada taagnaa ee
ay meshu ka buuxsan tay
lagu qiyaasay 15,000 oo
aad xiiso ugu hayay in
ay u sacabo tumaan Sen.
Obama.
John McCain oo isaguna
ah nin la tartami doona
Sen.Obama ayaa lagu
caleemo saari doona isla
xaruntan Xcel Energy
Center bisha September
ee soo socota, ninkan
ayaa isaguna carqalad
aad u wayn ku ah Obama
maadama ay isaguna
taageeradiisu badan
tahay. Brack Obama ayaa
isagu sheegay in uu ka
soo gudbay loolaan aad u
waynaa ee uu kula jira
xaaska Bill Clinton ee
magaceeda la yidhaah
Hillery Clinton.
Sen.Obama ayaa wuxuu
taageerayashiisa kasoo
jeeda wadanka Isreal ku
war galiyay in ay dalka
Falastiin nabad kuwada
noolaan doonaan, halka
Qudus uu ku tilmaamay in
ay caasimad u noqon
doonto wadanka Isreal.
Arrintaas waxaa
canbaareeyay
Madaxweynaha dalka
Falastiin Maxamuud
Cabaas, maadama uu ku
tilmaamay dal dadkii
lahaayeen nool yihiin in
aan marnaba laga
xayuubin karin, aanay
sharci darro tahay.
Waxaa kaloo ku farxay
arrintaas Raisul Wazare
Ehud Olmert ugana mahad
naqay Sen.Obama.
Obama ayaa aad looga
taageray Qaarada Afrika,
iyo madawga deggen dalka
Maraykankaba.
Cabdullahi Yuusuf oo
ka badbaaday shirqoolo
Dil ahaa.
Madaxweynaha DFKMG
Cabdullahi Yuusuf ayaa
mar uu u socday shirka
Jabuuti ka furmi doona
ee ay kuwada hadli
doonana Dawladiisa iyo
Mucaaradka la magac baxa
Isbahaysiga dib u
xoraynta Soomaaliya,
isagoo jooga garoonka
diyaaradaha ee Muqdisho,
waxaa la shegay in
weeraro ay muqaawamadu
kusoo qaadeen, balse
ciidankii ilaalinayay ay
ka badbaadiyeen dilkaas
loogu talo galay
Cabdullahi Yuusuf.
Wadada Maka Al Mukara
mar uu Madaxweynuhu
marayay ayaa waxaa
lagusoo weeraray
gantaalo iyo rasaas aad
u badnayd, balse markii
uu gaadhay garoonka
diyaaradaha ee Aadan
Cade halkaasna looga
daba keenay Madaafiic
kale iyo Hoobiyayaal ku
dhacay garoonka qaybo ka
mid ah.
Xuseen Maxamed
Xuubsireed oo ah
Afhayeenka khaaska ah ee
Madaxweynaha ayaa isagu
sheegay in ay ahayd isku
day dil ahaa oo la
doonayay in Madaxweyne
Cabdullahi Yuusuf lagu
khaarajiyo, balse aanu
Ilaahay ugu talo galin
in uu maalinkaas dhinto.
Ilaa iyo hadda lama hayo
khasaaraha rasmiga ah ee
ka dhashay goobtaas
dagaalku ka dhacay,
wadada Maka Al
Mukaramana ay furan
tahay imika ka dib
markii ay ka tageen
ciidamo lasoo istaajiyay
si ay amaanka wadada iyo
Madaxweynaha u sugaan.
Waxaa kaloo la sheegay
in ay ciidamo ka soo
goosteen DFKMG kuna
biireen Maxkamadaha
Islaamiga ee ku sugan
magaalada Jawhar.
Imantinka ciidamadaas ka
dib waxaa gacmo furan ku
soo dhaweeyay Saraakiil
ka tirsan Maxkamadaha
kuna sugnaa Jawhar oo
aad iyo aad ugu
hanbaliyeeyay.
Ciidamadaas oo watay
gaadiid aad u fara badan
iyo hub ayaa waxaa la
dajiyay Saldhiga
Booliska Jowhar ay ku
leeyihiin magaaladaas.
Balse lama soo cadayn
inta ay tirada ciidamadu
tahay.
Afhayeenkii ganacsatada
G. Banaadir ayaa isagana
lagu dilay Muqdisho ka
dib markii ay weerar ku
soo qaadeen koox
hubaysan oo lagaran
waayay meel ay kasoo
baxeen iyo meel ay ka
socdaan ba. Arrintani
waxay warwar wayn ku
abuurtay ganacsatada
G.Banaadir gaar ahaan
ragga ka ganacsada Suuqa
Bakaaraha.
Somaliland iyo
Mucaaradka oon wali is
waafaqsanayn.
Jamhuuriyada Somaliland
iyo Mucaaradka dalkaas
ayaa shirar badan ku
yeeshay caasimada
dalkaas ee Hargeisa,
shirarkaas oo lagu soo
af jarayay khilaafyo ka
dhashay muddo kordhinta
loogu daray Madaxweynaha
iyo ku xigeenkiisa.
Kulmiye iyo Ucid oo
iyagu ah labada xisbi ee
ka jira Somaliland ayaa
aad u canbaareeyay muddo
kordhintaas, halka
Riyaale ku tilmaamay
eedaymo uga soo jeediyay
kabadaas xisbi.
Cabdiraxmaan Cabdiqaadir
oo ah ku xigeenka labaad
ee xisbiga Kulmiye ayaa
mar la waydiiyay in uu
Madaxweyne Rayaale yahay
Madaxweynaha sharciga
ahee Somaliland, in ay
ku raacsan yihiin iyo in
kale, wuxuu ku jawaabay
Cabdiraxmaan (Horta
heshiisku wuxuu
dhammaanayaa sida
caadiga ah ee dunida oo
dhan lagaga dhaqmo marka
wax la kala saxeexdo,
iminka waaniga idiin
sheegay oo arrimo ayaanu
isku afgaranay, kuwaas
oo heshiiska qayb muhiim
ah ka ah, laakiin
heshiis dhammaaday oo
weli la saxeexay ma
jiro, marka taasi
timaado ee la saxeexdo
ayey su’aashaa
jawaabteeduna joogtaa,
laakiin inta weli
heshiisku qabyo yihiin
arrintaasi way laaban
tahay, isagu [Rayaale]
hadduu sidaa u haysto
xor buu u yahay).
Mar la waydiiyay
arrimaha soo socda ee ay
ka wada hadli doonaan
wuxuu yidhi (Annagu sida
xaqiiqdii muuqata
heshiiskan 90%
(boqolkiiba sagaashan)
annagaa sii daynay,
sababta aannu u
ogolaanayna waa danta
ummadda, laakiin waxa
weeye xukuumadduna siday
rabtay may wada helin,
annaguna sidaanu rabnay
maanu wada helin).
Isku soo wada duubo,
waxaa cad in aanay
Somaliland iyo
Mucaaradkeedu wali
go,aamo aanay isla meel
dhigin. Carqalada ugu
wayn ee soo food saaray
Rayaale waxay tahay in
ay shacabka reer
Somaliland badankoodu
aanay wada raacsaneen
isaga, maadaama uu
Faysal Cali Waraabe oo
ah Gudoomiyaha xisbiga
Ucid, uu ku tilmaamay in
aanu Mr. Rayaale u
dhalan Somaliland,balse
nasiibku keenay ama ka
dhigay Madaxweyne.
Abdikarim Ahmed Huseen
skyword268@hotmail.com
Sweden, Stockhlom