Nin Caynkee ah Weeye Maxamed Dheere?
Muqdisho:- Wararka ka imanaya xarunta Mataxtooyada Dawlada Somaliya ee Villa
Somaliya ayaa sheegaya in saaka ay halkaasi ka furmeen wada hadalo in tabadan
saxaafada daaha laga saaray kuwaasi oo lagaga wada hadlay xaalada Gobolka
Banaadir ka dib xilka qaadi shalay Galinkii hore lagu sameeyay Gudoomiyihii
Gobolkaasi Maxamed Cumar Xabeeb Maxamed Dheere.
Warka aanu ka helayno Viilla Somaliya ayaa inataasi ku daraya inay kulamo joogta
ah leeyihiin Madaxwayne C/laahi Yusuuf iyo Rai"salwasaarihiisa Nuur Xasan Xuseen
kuwaasi oo la sheegay in aad loo lafa gurayo xilka qaadista Maxamed Dheere.
Gudoomiyaha Gobolka Banaadir Maxamed Dheere ayaa shalay waxa xilkii si toos ah
uga qaaday Rai"sawasaaraha Somaliya isaga oo qoraal xilka looga qaadayo soo
hordhigay Golaha Baarlamaanka Somaliya kuwaasi oo qaar ka mid ah ay ku
adkaysteen in xilka laga xayuubiyo Maxamed Dheere halka kuwa kalena ka Amuuseen.
Warar hoose oo aanu helay ayaa sheegaya in xilka qaadista Maxamed Dheere aan loo
dhamayn iyada oo qaar ka mid ah Madaxda Dawlada Somaliya ay aad uga biyo diideen
xilka qaadista lagu sameeyay Maxamed Dheere, warka ayaa sidoo kale sheegaya in
qaar ka mid ah Dawlada Somaliya ay leeyihiin in xilka lagu celiyo Maxamed
Dheere.
Walaw aan si toos ah loo sheegin Madaxda ka biyo diidsan xilka qaadista Maxamed
Dheere hadan waxa jira hadal ahayn ah uu ka mid yahay Madaxwayne C/laahi Yuusuf
Axmed oo ay Gacan saar dhaw ay leeyihiin Maxamed Dheere.
Waa Kuma Maxamed Dheere?
Maxamed Cumar Xabeeb, wuxuu ka mid ahaa Hoggaamiya Kooxeedyadii dagaaladda
Soomaaliya ee inta badan lagu eedeeyo inuu yahay dagaalyahan.
Waxaa magaciisu aad saxaafadda u soo galay markii uu qabsaday Magaalada Jowhar
iskuna magacaabay Guddoomiyaha Gobolka Shabeellada Dhexe.
Inkasta oo lagu eedeeyay in uu canshuur tiro badan ku soo rogay dadweynaha
Jowhar, isla markaana xad gudubyo xagga xoriyadda shaqsiga ah, haddana magaalada
Jowhar waxaa uu ka dhaliyay kala dambeyn iyo ammaan markaasi aad loo soo
dhaweeyay.
Nabadgelyadaas ayaa ka mid ah, sababta keentay in Madaxweynaha Soomaaliya,
Cabdullaahi Yusuf Axmed, uu xarun ka dhigto Jowhar, ka dib markii uu ku
kalsoonaan waayay ammaanka Muqdisho oo noqday mid aan laysku halayn karin.
Dadka ka Faalooda arimaha siyaasada Somaliya ayaa iyana sheegaya in gacans saar
kale uu Maxamed Dheere la lahaa Madaxwayne Yuusuf iyo Rai"Salwasaarihii hore ee
Somaliya ee is casilay Cali Maxamed Geedi oo ahaa Mudane uu korsiga Baarlamaanka
u baneeyay Maxamed Dheere.
Doorka uu ku lahaa Hogaami Kooxeedka
Maxamed Dheere waxa lagu tiriyaa inuu safka hore kaga jiray dagaalyahamadii
dagaalka iyo foodada ka wada Somaliya kuwaasi oo dagaal kulul la galay Kooxidii
Maxaakiimta ee inta badan Koonfurta Somaliya hantiyay.
Waxay malliishiyadiisu ka qeyb gashay dagaallo ka dhacay gobolka Shabeellada
Hoose iyo magaalada Muqdisho kaasi oo ahaa dagaal faraha lagaga gubtay.
Dagaalkii ugu weynaa ee ay malliishiyadiisu ka qeyb gasho waxaa uu ahaa
dagaalkii uu Muqdisho kula galay Maxkamadaha Shareecada sannadkii [2006]
horraantiisii isaga oo markaa ka tirsanaa kooxi loo yaqaanay Isbahaysiga ka
dhanka ah Argagixisada ee fadhigoodu ahaa Magaalada Caasimada ah ee Muqdisho.
Maxamed Cumar Xabeeb, waxaa uu ka mid ahaa Hoggaamiye kooxeedyadii dagaalkaas
looga adkaaday ee dalka ku soo laabtay iyaga oo ay gelbinayaan ciidammada
Ethiopia markii Madaxwayne C/laahi Yuusuf Dawlada Ethiopia ka dalbaday inay
ciidamo ugu yaboohdo ka dib dagaal fara kulul oo ay Kooxaha Kacdoonka wadaa ku
hayeen DFS.
W/Q. Wariye Madax-Banaan
Jaamac Ayaanle Feyte
feyte37@hotmail.com
Faafin: SomaliTalk.com | July 31, 2008
|
Daabaco
Boggan | Print
Australia:
Gurigii Xafiiska u ahaa Shirkadda Range Resources oo La Xaraashayo
Safiirka
Soomaaliya ee Moscow oo wada-xaajood kula jira Shirkadda Ruushka ee Gazprom
Kalfadhigii 20aad ee Golaha Wakiillada Puntland oo Ka
Furmay Garoowe...