Suldaan Xuseen Xirsi Faarax Suldaanka Beesha Duduble ayaa ka Codsaday
Kooxaha ka shaqeynaya Nabada Soomaliya in Hogaanka Dhaqanka lagu Casumo Shirka
lagu saxiixayo Sucuudiga.
 Suldaan Xuseen Xirsi Faarax oo
ah Suldaanka Beesha Maxamuud Hiraab(Duduble) oo hada ku sugan Magaalada Boosaso
ee Gobolada Puntland ayaa saxaafada la hadlayay isaga oo ka hadlaya xaalada
soomaliya.
Suldaan Xuseen ayaa talo iyo Codsi ahaan ugu soo jeediyay cid walba oo ku gacan
leh ama ka shaqeynaysa Nabada Soomaliya gaar ahaan Wakiilka Qaramada Midoobey ee
Somaliya in shirka ugu danbeeya ee lagu saxiixayo Hishiishkii Nabada in lagu
casumo Isimada ama Hogaanka dhaqanka soomaliyeed.
Suldaan Xuseen Xirsi Faarax oo arrintaasi ka hadlaya ayaa yiri” waxaan soo
jeedin lahaa in Isimada lagu casumo shirka Sacuudiga si ay markhaati uga noqdaan
hishiishka la saxiixayo”
Suldaanka ayaa Tilmaamay in Isimada soomaliyeed ay yihiin kuwa sida tooska ah ay
ugu dhaceyso wax walba oo soo wajaha Umada soomalieed maadama ay Masuul ka
yihiin Dadweynaha.
Suldaanka oo iminka socdaal ku jooga Puntland gaar ahaan Magaalada Boosaso ayaa
ka codsaday shacabka soomaliyeed inay tageraan Nabadgelyada hada soo muuqaneysa
gaar ahaan talaaboyinkii u danbeeyay ee dhinaca Nabada loo qaaday.
Ugu Danbeyntii Suldaanka Beesha Duduble Xuseen Xirsi Faarax waxa uu ku baaqay in
qof walba oo soomaliyeed uu ka shaqeeyo sidii Dalka Nabad looga dhalin lahaa.
Faafin: SomaliTalk.com | July 30, 2008
| 
Daabaco
Boggan | Print
Australia:
Gurigii Xafiiska u ahaa Shirkadda Range Resources oo La Xaraashayo
Safiirka
Soomaaliya ee Moscow oo wada-xaajood kula jira Shirkadda Ruushka ee Gazprom
Kalfadhigii 20aad ee Golaha Wakiillada Puntland oo Ka
Furmay Garoowe...