Heshiis ay galeen East Africa University Bosaso – Galkacyo iyo FTMS
(Malaysia)
Sawirada Heshiiska Halkan ka daawo.....
Xaflad lagu Maamusay heshiis ay kala saxiixdeen Jaamacadda Bariga Africa iyo
machad lagu magacaabo FTMS global oo fadhigiisu yahay Magaalada Kuala Lumpur ee
dalka Malaysia.
Xafladan oo si wada jir ah looga qeyb qaatey ayaa xalay waxay ka dhacday Xarunta
Jamacadda Bariga Africa oo ay goob joog ka ahaayeen wafdi kasocda machadka FTMS
iyo E.A.U iyo waliba Masuuliyiin sar sare oo ka socotay Maamul Gobaleedka
Puntland , Shirkadaha, Ganacsatada, Culuma awdiinka, Aqoonyahanada, Dhalinyarada
iyo dhamaan qeybaha bulshada oo dhan.
Masuuliyiin badan oo halkaas kahadashey ayaa u mahad celisay islamarkaana soo
dhaweysay heshiiskan cusub ee ay kala sixiixdeen Machadka FTMS iyo E.A.U. ayaa
aad loogurajawaynyahay in uu isbadal xaga aqoonta ah kusameeyo guud ahaan umada
Somaaliyeed gaar ahaan mushtamaca reer Puntland.
Eng: Sayid Maxamed C/le Xasan oo ah isku xiraha E.A.U and FTMS islamarkaasna
horkacayay waftigaas, in badana ku hawlanaa kor uqaadida iyo tayaynta
waxbarashada mandaqada ayaa faah faahin dheeraad ah ka bixiyay ujeedada
Heshiiskaan iyo ardayda Malaysia waxkabarata faa’iidooyinka iyo khasaaraha ay
dalkaas kala kulmeen.
Waxaa xafladaas lagasheegay in waxbarashadaan cusub ee kusoo siyaaday mandaqada
ee udhaxaysa FTMS iyo E.A.U ay si buuxda uga hirgalayso guud ahaan mandaqada
Puntland, laakiin hadda si rasmi ah ugabilaabanayso meelaha Jamacadu xarumaha
kuleedahay sida: Boosaso, iyo Galkacyaba.
Mr. Trevor Ward iyo Abdul Aziz Tanko oo ahaa waftigii ka socday Machadka FTMS ee
fadhigiisu yahay Wadanka Malaysia ayaa waxay si wada jir ah ugu mahad celiyeen
dhamaan Madaxda Jaamacadda Bariga Africa iyo Madaxda sare ee Dawlad G/leedka
Puntland oo qeyb weyn ka qaadatay Soo dhaweyntooda.
Mr. Trevor oo ah nin u dhashay wadanka Britain ahna Madaxa sare ee Machadka FTMS
ayaa wuxuu beeniyey in Gobolada Puntland ay kajirto Amaandarada idaacaduhu buun
buuniyaan. Hadase waxan ogaaday Xaqiiqda ayuu yiri Mr. Trevor, wuxuu kaloo balan
qaaday Mr.Trevor inuu si aan kala go’laheyn ula shaqeyn doono Jaamacadda Bariga
Afria.
Iskusoo wada duuboo waxay xafladii ku dhamaatey jawi wanaagsan farxadnagalisay
labadii dhinic ee heshiisku dhexmarey iyo dhamaan dadwaynihii kasooqaybgalay.
Mahadaasna waxay usugnaatay allah subxaanahu watacaalaa iyo ragii hawshaas soo
dhameeyay oo uu ka’mid ahaa Eng. Sayid.
Suxufi: Farxan Yasin Mire (isqootax)
isqootax@hotmail.com
Faafin: SomaliTalk.com | July 28, 2008
| 
Daabaco
Boggan | Print
Australia:
Gurigii Xafiiska u ahaa Shirkadda Range Resources oo La Xaraashayo
Safiirka
Soomaaliya ee Moscow oo wada-xaajood kula jira Shirkadda Ruushka ee Gazprom
Kalfadhigii 20aad ee Golaha Wakiillada Puntland oo Ka
Furmay Garoowe...