Bukaanada jiifa isbitaalada ugu waaweeyn Magaalada Muqdisho oo la
gaarsiiyey Deeq Lacageed
Sawirada Halkan ka daawo...
lacag gaareysa 2,571$ oo ay soo direen jaaliyadaha soomaalida ee ku nool dalka
Swezerland gaar ahaan magaaladda Zurich ayaa la gaarsiiyey isbitaaladda kala ah
Dayniile,keysaneey, iyo waliba isbitaalka madiina..
Isbitaaladaan oo ay jiifaan dad waxyeelo calculus ay ka soo gaareen dagaaladda
dalka ka jira, oo qaba dhaawacyo kala duwan ayaa isbitaal kasta waxaa la
gaarsiiyey illaa 800$ ah
Deeqdaan loo qeybiyey isbitaalada ayaa waxaa loo soo wakiishay qeybinteeda
Ismaaciil Cabdi Nuur waxaana soo gaarsiiyey wakiilka Mustaqbal ee dalka
Switzerland Md Cashara Xasan.
Mr Cashara Xasan ayaa waxaa uu sheegay in lacagtan loo soo direy dadka dhaawaca
ah ee ku wax yeeloobay dagaalada waxaana uu ka codsaday in halkooda ay ka wadaan
dadaaladda hagar la’aanta ah ee ay ku saacidayaan walaahooda dhibaateysan.
Isbitaaladaan ayaa markii aad gaarto waxaad ku arkeysaa bukaano qaba ama la il
daran Dhawacyo ka soo gaaray dagaaladii dalka ka dhacay, dadkaas qaar ka mid ah
ayaa deganaa magaalada muqdisho oo ay sanadihii ugu danbeeyey aafeeyeen
dagaalada dhiiga badani ku daatay kuwaas oo kuwaayey qaarkood lixaadkoodii halka
kuwo kalana ay ku waayeen xubno ay si aad ah u jecelaayeen,hadana aysan jirin
cid u maciimta waxaana jira kuwa ay hayaan isbitaalada dayniile ,madiina, iyo
keysanay oo aananay cidina daba socon sida aan ku arkay mar aan tagay qaar ka
mid ah isbitaalada ugu waaweyn Magaalada Muqdisho oo ay buux dhafiyeen
dhibanayaal ku waxyeeloobay madaafiic sida roobka oo kale ku hoortay guryahoodii
kuna burburisay dad iyo deeq wixii dhex ceegaagay ,
Isbitaalka keysanay ayaa waxaa jiifay illaa 92 bukaan , Isbitaalka Madiina ayaa
isna waxaa jiifay 87 bukaan, halka Isbitaalka Dayniile ay jiifeen bukaaro
gaaraya illaa 65 bukaan kuwaas oo dhamaantood la ildaranaa intooda badan
dhaawacyo ay sababeen xabado,
Isbitaalka Dayniile, bukaanadii jiifay ayaa waxaa ka mid ahaa laba gabdhood oo
wada dhashay oo labadoodaba mid kastaa ay hal lug ka go’neyd, kuwaasoo da’doodu
ay kala ahayd 13 jir iyo 15 jir, gabdhahaas ayaa sida ay noo sheegtey hooyadeed
Faadumo Sheikh Cumar Sheikh C/laahi , gabdhahan wada dhashay ayaa lugahooda ay
ku waayeen madfac ku soo dhacay gurigooda oo ku yaalay xaafadda Labadhagax,
bishii juun 8dii sanadka 2008-ka, waxaana hooyo faadumo qudheeda halkaas ka soo
gaarey dhaawac.
Hooyo Faadumo oo dhinac jiifta labadeeda gabdhoow ayadoo firir wali uu ku jiro
ayaa saxaafadda u sheegtey in isbitaalka jiifkiisa, qaliinkiisa, daawadiida iyo
cuntadiisa aan xilligaan waxba looga qaadan.
Qaar ka mid ah maamulada isbitalada ayaa saxaafada u sheegay in dhibaatada ugu
weyn ee hadda taagan ay tahay xagga shiidaalka si daawada tayadeedu u hagaagto
ooay u helaan goob qabow oo la dhigo ama lagu xafido, mana jirto cid ka
gacansiisa gudashada howshaas culus oo ay u hayaan shacabka soomaaliyeed.
Maamuladda Isbitaaladda Madiina, keysaneey iyo waliba isbitaalka dayniile ayaa
waxaa ay dhamaantood ay ka mahad celiyeen deeqdaas soo gaartey, waxaana ay ku
wada tilmaameen mid loo baahna xilligan, waxeeyna ilaah ay uga wada baryeen in
lacagtaas ay soo dhiibeen walaahooda soomaaliyeed uu mid ka badan ilaah ku
maneysto, hana siiyo ajir iyo xasanaad aan la soo koobi Karin,
Ma aha markii ugu horreysay oo jaaliyadaha soomaaliyeed ay soo gaarsiiyaan
walaahooda soomaaliyeed ee ku dhibaateysan dalka gudahiisa. Wana kuwo
markastabaa la garabtaagan ineey taakuleeyaan walahooda dalka ku barakacay dalka
gudahiisa.
Muuse Maxamuud Jiisow
musejisow@hotmail.com
Muqdisho Bakaaro Somalia
0025215576666
002525907666
Faafin: SomaliTalk.com | July 24, 2008
|