Nabadbaa naas la nuugo leh
W.Q: C/salaan Maxamed Cali (najax) Wadanka Soomaaliya waxa uu kamid yahay wadamada ku yaalo Bariga Qaarada Africa,
gaar ahaan kuwa Saxaraha kahooseeyo ee loo yaqaano (sub Sahara Countries). Sidoo kale Xornimadiisana waxa uu qaatay sanadii 1960 kadib 17 sano oo ay
xorimada Soomaaliya udagaalamayeen Ururka SYL oo markii hore ay aas aaseen
13-Dhalinyaro Soomaaliyeed, kuwaasoo kumidobay sidii ay Soomaaliya oga xoreyn
lahaayeen Ciidamadii Taliyaaniga ee wagaas Soomaaliya xoga ku haystay. Nabadii soomaaliya Xiliyadii uu kacaankii Maxamed Siyaad Bare katalinayay Soomaaliya ayaa mar waxaa
lagu tilmaamay Wadanka Soomaaliya in uu kamid ahaa wadamada ugu nabada iyo
bilicda qurxoon Qaarada Africa. Waxaana dhici jirtay in Dadka aanan udhalanin Wadanka Soomaaliya ay si nabad ah
ugu so tamashlo tagi jireen Xeebaha dagan ee Soomaaliya. Sidoo kale nabada Wadanka ayaa waxa ay gaartay Wadamo kale oo kuyaalo Qaarada
Africa ayadoo Soomaaliya ay u ololeyn jirtay sidii ay xornimada ku qaadan
lahaayeen qaar katirsan Wadamada kuyaalo Qaarada Africa, oo xiligaas ku jiray
gacanta Guumesiga. Dadka inta badan daraasada kusameeyo arimaha nabada Soomaaliyo ayaa sheegay in
ayba Soomaaliya mar dhex dhexaadisay Wadamo ay xurgufi kadhaxeeysay kuwaasoo
maanta guranaayo mirii nabada ay Soomaaliya usoo hoyisay, sikastaba ha ahaatee
inta badan Murtiyahaniinta Soomaaliyeed waxey dareenkooda ku cabiraan nabada,
waxey katiriyen heeso iskugu jiro micnaha nabada ay leedahay iyo Baraarujin,
waxaana kamid ah sida (nabadeey macaaney neecow udgooney) iyo (hadii nabad
lawaayana nacab igama libin helo naxariisna uma galo) oo kahadleyso ilaalinta
iyo jirtaanka nabada Soomaaliya. Wixii kadanbeyay sanadii 1990 ayaa waxaa ay karkaarka weydaariyeen Jamhadihii
hubeysnaa ee ka aas aasmay gayiga Soomaaliya Xukumadii katalineysay Soomaaliya
mudada 21 sano aheyd ee lamagac baxday (Kacaankii 21-october) ee uu
hogaaminaayay Alle ha u naxariistee Madaxweyne Maxamed Siyaad Bare, taasoo
uhorseeday Soomaaliya in ay kamid noqoto Dalalka aanan lasoo hadal qaadin ee
Aduunka ugu dhibka badan.
Dhinaca kale Ujeedada Jamhadahaas afgambiga sameeyay oo aanan ku mideysneyn hal
siyaasad oo ay dib ugu soo celin karaan nabadii meesha ka baxday ayaa waxa ay
horseeday in Wadanka Soomaaliya uu nabad la’aan ahaado mudo kabadan 18 sano,
ayadoo heshiisyo kala duwan logu qabtay meelo Soomaaliya kabaxsan madax Beeledyo
Siyaasada Soomaaliya kusoo biiray kadib markii ay meesha kabaxday xukumadii hore
soomaaliya, lona bixiyay Hogaamiye kooxedyo, Kuwaaso inta badan lagu tuhuumo in ay kutuureen nabadii Soomaaliya meesha ay
maanta taalo.
Ugu danbeyntii inkastoo Shacbiga Soomaaliyeed ay kadaaleen Colaada Dalkooda ka
hureyso hadana waxa qaar katirsan Wadamada dariska ah loogu qabtay shirar loga gol lahaa in lagu damiyo xasarada
hada soomaaliya ka ogan. Shirkii ugu danbeyay ayaa waxaa lagu soo gaban gabeeyay wadanka Jabuuti 09-06-08
inkastoo unan dhamaanin. Waxaana taagersan Gogashaan nabadeed ee Jabuuti hada taalo Qaramada Midoobay iyo
qaar kamid ah Dowladaha waaweeyn. Sidoo kale dadka samaha jecel ee soomaaliyeed ayaa waxa ay qabaan hadii guud
ahaan dhinacyada is qilaafsan ay ku heshiiyaan shirkaan in xaalda soomaaliya ay
noqon doontaa mid dhaanto sida ay hada tahay. Qofkastoo soomaali ahna hada wxaa uu maanka ku hayaa Murtida biya dhaceedu uu
yahay (Nabad baa naas la nuugo leh) C/salaan Maxamed Cali (najax) Emails: najax@journalist.com, najax.usa@hotmail.com Tells: +254-722-844-449: +254-738-460-007 Nairobi, Kenya.
Faafin: SomaliTalk.com | July 23, 2008
| 
Daabaco
Boggan | Print
Australia:
Gurigii Xafiiska u ahaa Shirkadda Range Resources oo La Xaraashayo
Safiirka
Soomaaliya ee Moscow oo wada-xaajood kula jira Shirkadda Ruushka ee Gazprom
Kalfadhigii 20aad ee Golaha Wakiillada Puntland oo Ka
Furmay Garoowe...