SARBEEBTA SANCA IYO SEERIGA XOGHAYAHA GUUD
Markaan arkay sidda siraha qarsoon ku jiraan ee loo maareeyay
shirkii Sanca, eegayna sidda uu sharuuda cusub ugu xiray
xoghayaha guud ee qaramadda midoobay keenista ciidan UN ah
waxaan is iri maanta waa meeshii abwaanaddu ka yiraahdeen’ isha
xiro afkana dhowr, arag maqal warkana ood’, haddana waxaan
xasuustay hal abuurkii ahaa ‘ waxa qalinka igu direy, dadku way
tirsanayaa, deyna waygu maqan yahay’, si kastaba ha ahaatee dani
waa na kala geyn waysay inaan dubaha u qaato dabinadda dowliska
dheer , durbaanka danlayda iyo dacarta malabka lagu darey.
Laba qodob haddii la helo ciidan qaramadda midoobay waa
suurtagal ayuu yiri Ban Ki-Moon, kow haddii aad guddi isku dhaf
ah oo xabad joojinta ka shaqeeya samaysataan kaasoo amniga sugga
iyadoo uu cadowgii Itoobiya dalka jooga, tan labaad oo ah dib
uheshiisin dhab ah oo uu ula jeeday intaan xilliga loo qabtay
bixidda Itoobiya la gaarin waa inaad ku biirtan Aidska Nayroobi
lagu soo dhisay, xerta Jabuuti waxaa laga raba lax waliba
shilalkay is dhigtaa lagu gowracaaye inaad macaasidda si mug leh
u dabaalatan oo aad amaradda raacdan, haddii kale golihii wax
laga sugayey siddan buu talo ku wadaaye inaad xaq ku dirirkiini
u laabatan , labadda dariiq wixii u dhaxeeya waa meelna diidnaye
ka masalo bixi.
Intaanan faalo ka bixin macnaha heshiiska Sanca eeg raggii
shirka joogay sidday u hadleen,Prof Caddow oo guddiga dhex
dhexaadinta ka tirsanaa waxuu yiri waxaa lagu heshiiyey in la
mideeyo midowgii maxkamadaha, in la xalliyo oo la soo afjaro
khilaafkii ku kala dhex jiray maxkamadaha,in wax laga beddelo
qaar ka mid ah qoddobada iyo luuqadda heshiiska Djibouti, in
dadaalka heshiiska loo gudbiyo heer isbahaysi, in si deg deg ah
loo aasaso guddi meel mariya qodobbada ay maxkamaduhu ku
heshiiyeen, sheekh Sharif isagu warkiisa waxuu ku soo koobay in
lagu heshiiyey in ciidamadii UN ay dalalka islaamka ka yimaadan,
qodobadda kalana guddi 13 loo xil saaray, Sheekh Cumar Imaan
isagu waa aamusay balse Sheekh Xasan Mahdi oo ergadii dhinaca
Asmara ka timid ka tirsanaa oo saddex maalmood ka hor intaan
heshiiska la gabagabayn dhinaca Asmara aaday waxuu yiri’ laba
qodob ayaa heshiiska loo kala qaaday tan koowaad oo ahayd
qaladaadkii dhacay shirka Jabuuti ka hor Sheekh Shariif baa
qaatay, shirkii Jabuuti isaga dhowr qodob ayaa loo kala qaadey ,
marka laga reebo qodobka ciidamadda shisheeye oo isagoo doodisu
socoto aan ka soo tagayna inta kale in laga laabta la isku
afgartay, waxaa intaasi dheer kooxo aan cidna matalin balse
xubinimo golaha dhaxe haysta oo shirka kor joogto ka ahaa waxay
dadka u sheegen in shirkii Jabuuti la taageeray, warka
tafsiirkiisu batay ayaan anoo tixraacaya xuuraanka dheeraadka
oon hayo iyo rayigayga baan qaada dhigaya.
Qalwadii mas baa
galay qodox baana hoos taal, siyaasigga af Soomaaliga hodonka ka
ah Kadare oo beeninayey war Cali Mahdi yiri oo ahaa dalka
maxmiyad ha la galiyo ayaa waxuu yiri’ war la daba socdaa
sheegten’ hadda shirkii Sanca waxaa ka soo baxay warka Jabuuti
war la daba jooguu ahaa, qanuunka marka la eego heshiis haddii
dhinacyadii saxiixay mid ka mid ihi wax ka badalo heshiisku waa
burburay, ragga wax dhex dhexaadiyey waxay beeniyeen aragtidii
qoraaga Nuuradiin Faarax ee ahayd Soomaaliddu waa isku wada
aragti, waxayna ugu jawaabeen wax kastoo noo dhaxeeyaba waanu
heshiinay sidaa darteed nin diin lihi darajuu dheer yahay, waxay
fashiliyeen dabinkii shirka Jabuuti loo qabtay ee ahaa kala
qaybinta maxkamadaha , dabinkanoo muddo fog laga shaqaynayey in
cullimadda wadajirka wax ku qabatay loo kala saaro xag jir iyo
qunyar socod.
Xanta shirka laga helayo waxay sheegaysaa in wajiga saddexaad
yaan la tagin iyo ha la tago la isku qabtay, kadibna lagu dhex
dhexaadiyey ha la tago laakiin yaan looga hadlin wax la yiraa
awood qaybsi ee maslaxad caam ah ha looga hadlo, taasoo
fashilanysa digashada C/laahi Yuusuf ee ahayd ha aqbaleen
dastuurka iyo awood qaybsiga 4.5, sidoo kale hadiiba ragga
durdurada yaqaan ee Jabuuti joogaa ay go,aanka siduu yahay u
qaatan waxay dhabar jab ku tahay siday ku haminayeen UNka afka
Itoobiya iyo Mareykan ku hadla, xuuraansiga kale ee shirka laga
helaya waa qodobka kale ee dhibka badan ee la isku qabtay inuu
yahay in xabadda la joojiyo iyo inaan la joojin inta Itoobiya
joogto, waxaana la qaatay inaan la joojin, waxaase shaati lagu
maldaho looga dhigay guddi farsamaa loo saarey.
Ka si waayey iyadoo madaxdii UN leedahay ciidamo Afrikaa wax la
kordhin ee kuwo UN lama keenayo, ragga Jabuuti riyo dhalanteedka
waxay ugu dhagan yihiin, ka si waayey Itoobiya weerarkii xooga
badnaa ee goboladda dhexe gashay ayaa maalmaha soo socda baxee,
garan waaye in 3000 koobi Tigree waxa hadda loo keenay inay
tahay dabinkii waa Caydiid loo dhigay ee ahaa shirkii Addis baa
loo qabtay intuu ku maqnana Morgan baa Kismaayo loo qabtay,
hadda koobiga iyo Tigreega dhulka la siin inta xabad joojin la
idinku maaweeliyo , ka si waayey ninka olole xilka qaadis ugu
wada Nuur Cadde nabadii buu wada u furay ,ninka nabad intaas ka
balaaran ka raadinaya, ka si waayey waxa runta looga wareeganayo
kulli ma danlay baa la wada noqday, laba arrimood baa xalku ku
jiraa dalkoo dowlad kale hela iyo Itoobiyoo la bixiyo haddii
dani ka fursan wayso dunnidda muslinka ciidan ha laga keeno
balse kuwan xitaa ciidan lagu ilaaliya waa danbi kaloo la sii
galayo.
Gabagabdii rag baa ragga qurbaha ka tagay niman gunta
qorshaha reer galbeedka og u haysta, xaqiiqdu waxay tahay kan
ugu sareeya xafiisyadda jaaliyadda loogu qidmeeyuu u shaqeeya
inta kalana waa ka sii hoos, sidoo kale kooxo NGO ka qaraabta
cullimada isaga dhigay inay xogta rasmiga hayaan , goobaha
qaxwada warka yaal iyo xafiisyadda dawarsigay og yihiin ee yaan
lagu qaldamin, , ee cullimaddu cilmu rijaal ha isticmaalen
intaan shaashad eber ah loo shidin, haddii kale sidda hadda
dhacday baa lagu hafan badwaynta siyaasadda bulshadda caalamka,
mar dhow hadaan dhari danlay la Karin naq raaca qurba joogta iyo
durbaanlayda barlamanka xorta liifadda u dami wayna guryo
noqonayan, kuma darin siddii Cumar Xaashi nin xitaa cullimo
badan garaado dheer ama sidda Jaamac Maxamed Khaalib nin
Soomaalinimadiisa dhowrta.
WQ CAANAGEEL.
caanageel@hotmail.com