SOMALITALK.COM

Waxaa baryahanba si xiiso leh uga socdey magaalada Leicester ciyaaro aad u xiiso badan oo ay dadweyne badana usoo daawasho tagaan maalin walaba, ciyaarahaas ayaa waxaa manta lacayaaray Semifaynalkoodii, waxaa ciyaarahaas isaga horyimid kooxaha kala ah Birmingham, Leicester,Al-Hijra,Waaberi.

Ciyaartii ugu horeysey manta ayaa waxaa isaga horyimaadeen labada kooxood eekala ah Birmingham iyo Leicester, ciyaartaan ayaa waxaa ay aheyd ciyaar aad u adag oo ay labada kooxood soo bandhieen ciyaar wanaag ay ku dheehneed degenaan .

Ciyaarta ayaa waxaa weerar iyo weerar celis ka dib ay qaybtii ugu horeeysey kusoo gabagaboowdey eber iyo eber. Qaybtii labaad ayaa markii ay labaddii kooxood wadatashi iyo dardaaran lasoo suubiyeen tababarayaashooda ayaa waxaa intii aysan dhamaan ciyaarta qaybteeda labaad ayaa waxaa usuuro gashay inay dhaliyaan gool kooxdii Leicester, goolkaasna waxaa u dhalyey inanka 23 u sita kooxda Leicester magaciisana layiraah SICIID H. Siciid, sidaas ayaana kooxda Leicester waxaa ay ugu soo gudubtay ciyaartii kama danbaysta aheyd. Kooxda Birmingham ayaan waxaan ka xasuusanaa ciyaaryahanka nro sideedaad ee kooxdaa Cabdicasiis oo ahaa kabtanka kooxda kaas oo waxbadan isku dayey inuu dhiirigeliyo kooxdiisa.

Ciyaartii labaad ayaa waxaa isaga horyimid labada kooxood eek ala ah Waaberi iyo Al-Hijra, labadan kooxood ayaa waxaa ay ahaayeen laba kooxood oo aad loosugayey, kooxahan ayaa waxaa ay ka mid yihiin kuwa EuroSom ugu adag, hase ahaatee ciyaartii markii ay bilaabatay ayaa waxaa durbadiiba dareemaysey iney soo diyaargaroobeen labadan kooxood oo koox walba waxaa ay rabtay iney usoo baxdo ciyaarta Finalka ah ee laciyaaridoono maalinta 31.7.2008.

Ciyaartan ayaa qaybtii koowaad waxaa ay ku dhamaatay eber iyo eber, horaybaa waxaa loo yiri ciyaari waa gelindanbe, si kastaba ha ahaatee waxaa ay ciyaartii kusoo gabagaboowdey Al-Hijra oo halgool ugu soo gudubtay Finalka, waxaana u dhaliyey Abdinaasir Siciid Geesey. iyo waaberi oo aan waxba dhalin.

Macalimiinta kooxahan ayaa waxaa ay ahaayeen kuwo aan dhihi karo qibradooda waa kuwo u qalma iney soo saaraan kooxo tirobadan oo Somaaliyeed, Macalin Siciid Ceyrow ayaa waxaa uu ahaa Ciyaaryahankii Naadiga Horseed iyo Qaranka Somaaliyaba, Halka Macalin Rabiicna uu yahay macalinka keliya ee EuroSom ugu asiyaaneysan, marna ka mid noqdey macalimiintii qaranka wax ka hogaamisey.

Haddaba aqristayaalow ciyaarta finalka aha ayaa waxaa laciyaaridoonaa maalinta 31.7.2008, waxaana isaga hor imaandoona kooxaha Al-Hijra oo ka socota London iyo kooxda gurigeed martida loogu yahay ee Leicester.

Gudoomiyaha qabanqaabada ee Para Olimpic oo Britain e eka dhacaya Leicester 2009. Gudoomihaha wuxuu la qeybsaday dhalinta iyo sida ay Magaalada u diyaargarooweyso. Waxaa looga mahad celiyey hal konteenar oo qalab sprort ah oo loo didi doono Somaaliya.

Boliiska magaalada ayaa la qeybsaday sharuucda wadanka iyo in shaqada Booliska ay tahay shaqo sharaf sumcad leh eh oo qof kastaa qaban karo. Waxaa halkaa ugu qosol badnaa markii wiil iyo gabar ay noqdeen askar oo nin ka mid ah Boliiskii uu jilay qof wax qarsanaya. Dhalintiina ay jileen dadkii baari lahaa 'Stop & Search'.

Drugs iyo dhibta ay u keenaan bani aadamka. Waxaa halkaas lagu daawaday cajaladuo wacyi gelin ah oo dhalinta maqal iyo ,uuqaal haanba u tusaya qatarta muqaadaraadka. Hashim Duale sarkaal u qaabilsan horumarinta Soomalida.

(Aim High & Stay on the Right Truck) Yool sare lahow tubtana toosan ku taagnow. Haddii aad Eebe kaashato dadaashana Ilaahey wuu ku guuleyn. Balse haddii aad ku soo koobto hankaada in si fufud wax loo helo iyadoon dadaal lala iman taasi waa mid aan dhici Karin. Ale wuxuu na faray Dadaal aan kula jiree. In lagula tartamo wanaaga lagana badiyo dadkaan naga tiradbadan oo aan u soo guurnay

EuroSom sanadkan ma aheyn oo kaliya cayaar balse waxay aheyd barnaamij dhan oo isugu jira wacyi gelin iyo guubaabo.

Waxaa barnaamijkan xiriiriye ka ahaa Hashim Ismail Duale oo Community Activist Leicester.

Ciyaarihii July 23 iyo July 24 ee EuroSom...

Leicester oo u soo gudubtay Seimi-finalka iyo SOBSi oo ka hartay ciyaarah

Kooxda Leicester ayaa waxay maanta ciyaar aad u kulul isaga horyimaadeen Sobsi oo iyaduna ka cararaysay in ay ka harto wareegga labaad ee semi-finalka. Kooxda Sobsi waxay ciyaarta ku bilowday weerar kedis ah, isla markiina waxay gool dhaqsi ah ka gaarsiiyeen goolhayaha kooxda Leicester goolki ugu horreyay markii ay ciyaartu socotay muddo dhan 4 daqiiqo. Goolkaasna waxaa dhaliyay ciyaaryahanka kooxda u sitay lambarka 9aad, lana yiraahdo Gregory. Goolkaas wuxuu ka nixiyay ciyaartoydii kooxda Leicester oo aan filanayn in ay si dhaqsi ah gool looga dhalin Karin. Hase yeeshee waxaa gool labaad ka gaarsiiyay kooxda Leicester ciyaaryahan Axmed Muuse, taasna waxay ciyaarta ka dhigtay 2 – 0.

Ogeysiis: Jaamacaada Gedo University

Waxaa dhammaan dadka ku dhaqan dalka UK la ogaysiinayaa in la qaban doono shirkii sanadlaha ahaa ee looga hadlayay arrimaha Jaamacaada Gedo University isla markaasna deeqda loogu aruurinayay. Akhri...

Kooxda Sobsi waxay maanta muujisay ciyaar aad u heer sarreysa, taas oo aan looga baran maalmahan, iyagoo markaas gool 3aad uga nixiyay kooxda Leicester, kaas oo uu u dhaliyay ciyaaryahan Cabdiraxmaan Axmed Cigaal. Kooxda Leicester dib ayay isu abaabuleen daqiiqadihii ugu dambeeyay ee ciyaarta, taas oo u suurta gelisay in ay gool dhaliyaan, waxaana goolkaas shabaqa ku hubsaday ciyaaryahan Cabbas Sh. Maxamed, halkaasna waxaa ku dhammaaday nasashadii hore.

Intii ayan bilaaban qaybtii dambe ee ciyaarta, labada tababare ee kooxaha si fiican ayay ula soo dardaarmeen ciyaartoydooda. Kooxda Leicester wax badan ayay ciyaarta ka beddeleen, waxayna ku bilaabeen dardar cusub iyo kubbado gaagaaban, taas uu u suurta gelisay in ay dhaliyaan gooklii 2aad, kaas oo uu u saxiixay isla ciyaaryahankii goolkii hore ee Cabbaas. Kooxda Leicester, waxay la yimaadeen kalsooni aad u sarreysa, iyagoo markaas niyadda gashaday in ayba ka badin karaan kooxda SOBSI, waxayna la yimaadeen weerar isdaba joog ah, waxaana u suurta gashay in uu dhaliyo goolkii barbardhaca, waxaana u dhaliyay lambarka 23 Saciid Xabiib Saciid. Goolkaas ciyaarta wax weyn ayuu ka beddelay ilaa ay kala daateen ciyaartoydii SOBSI, waxaa ciyaarta laga saaray ciyaaryah u qaata kooxda lambarka 17, magaciisana la yiraahdo Maxamed Cabdirisaaq. Goolkii ay ku badiyeen kooxda Leicester, waxaa u dhaliyay lambarka 23 oo dhaliyay goolkii 3aad, ciyaartuna waxay ku dhammaatay 4 – 3 oo ay ku badiyeen kooxda Leicester.

Kooxda Bermingham iyo Waaberi oo noqdey labadii koox ee ugu horeeysey oo semi-final ah.

Kooxda Birmingham ayaa noqotey naadigii ugu horeeyey ee soo gaara semifinaalka Eurosom 2008 markii ay 4-1 ugu awood sheegteen naadiga Kanava Finland oo ah naadigii difaacanaayey koobka.

Kulankaan oo aad u adkaa ayaa la dhihi karaa awood ahaan labada koox wey isku dhowaayeen hase yeeshee ciyaaryahan Roberto oo asal ahaan kasoo jeeda dalka Jameyka ayaa ahaa farqiga labada koox u dhexeeyey dhaliyeyna 3 ka mid ah goolashii ay ku badiyeen Birmigham.

Goolka kale waxaa Berningham u dhaliyey laacibkooda Ridwaan halka goolka keliya oo ay dhaliyeen Kanava uu shabaqa ku hubsadey ciyaaryahan Ridwaan.

Kanava oo ah kooxdii sanadkii hore ku guuleysatey koobkan ayaa badisey kulankii hore iyagoo weli rajo fiican ka leh usoo bixitaanka semifinaalka inkastoo ay kulanka ugu dambeeyo la yeelanayaan kooxda Alhijra oo ka mid ah kooxaha sanadkan loo saadaalinaayo iney ku guuleysan doonaan koobkan.

Farxaan oo lambar 9 u watey Kanava ayaa noqdey ciyaaryahankii ugu horeeyey ee qaata calaamada guduudan markii uu aflagaadeeyey garsoorihii ciyaarta xili kooxdiisa lagu lahaa 3 gool taasoo sii adkeysay rajo kasta oo ay ku bareejeyn kareen kooxda Birmingham oo u ekeyd iney si wanaagsan u kontoroolayeen guud ahaan ciyaarta.

- Wuxuu ahaa kulan aad u qurux badan oo adag waana ku faraxsanahay in ugu dambeytii aan guuleysano ayuu yiri Roberto oo aanu wareysaney ciyaarta ka dib isagoo sii raaciyey in koxdiisa ay ka dhisan tahay difaaca, qadka dhexe iyo weerarkaba uuna rajeynayo in ugu dambeyn ay ku guuleystaan koobkan.

Roberto oo guud ahaan labadii kulan ee uu saftey dhaliyey 4 gool kana mid ah min labada ciyaaryahan ee ajnabiga ah ee uu sharciga Eurosom u ogolyahay koox kasta iney ugu qeyb gali karaan tartankaan ayaa dadkii uu indhohooda soo jiitay waxaa ka mid ahaa garsoorihii ciyaarta oo ugu hambalyeeyey kulankii wanaagsanaa ee uu ciyaaray isla markaana kubad uu saxiixay gudoonsiiyey.

Kooxda Al-Hijra oo ka adkaatay Kooxdii Gothenburg-Sweden.

Naadiga Aljira waxey kulankii maanta 6-0 ku dhufteen kooxda Gothenbor oo hada ka hartey koobkan inkastoo weli hal kulan usii dhiman yahay.

Labadan koox oo min hal guul daro watay ciyaartii maanta ka hor ayey koox weliba ku dadaaleysey iney badiyaan maadaama kooxdii laga adkaado ay ka hareysey tartanka iyagoo bilowgii ciyaarta weerar iyo weerar celis ahaa.

Laakiin ciyaaryahanka da`da yar Jamal oo lambar 10 u watey Alhijra ayaa labo gool oo isku xiga u dhalkiyey kooxdiisa rajo wanaagsana geliyey ciyaartoyda iyo taageerayaasha Alhijra.

Gothenborg ayaa markaas ka dib ku dadaashay iney ciyaarta kusoo noqdaan oo ay iska soo gudaan goolasha looga hormarey hase yeeshee bedelkeeda ciyaaryahan Abdihakin oo lambar 8 u watay kooxda Alhijra ayaa goolkii ugu quruxda badnaa tartankaan u dhaliyey kooxdiisa taasoo rajo beel gelisey kooxdii kasoo horjeeday.

Qeybtii labaad ayey fursado wanaagsan heleen kooxda Gothenborg hase yeeshee mar kale ayey laacibiintii Alhijra ciqaabeen Gothenborg iyagoo saf usoo galay liiska gooldhalinta waxaana 3 gool daqiiqadihii ugu dambeeyey u kala dhaliyey Nasir oo 22 watey, MJ oo 5 watey iyo Nooh Aden oo lambar 20 watey.

Dhanka Gothenborg waxaa aad ugu dhex muuqday ciyaaryahan Ahmed Muse oo kulankii maanta muujiyey dadaal dheeri ah inkastoo uusan kooxdiisa ka badbaadin karin guuldarada weyn ee dhabarka loo saaray.

Kooxda Waaberi London oo ku dhow semifinaalaha Eurosom 2008, rajadii Leicester oo soo noqotay

Naadiga Waaberi oo ka dhisan magaalada London ayaa qarka usaaran iney usoo gudbaan semifinaalka tartanka xiisaha badan ee Eurosom 2008 markii ay kulankii maanta 5-1 ku duugeen kooxda Sobsi oo ka socotay dalka Beljim halka kulankii kale ee isla guruubka B ay kooxda Leicester oo ah magaalada sanadkan marti gelineysa tartankan ay 2-1 uga badiyeen kooxda Sokao ee magaalada Oslo.

Ciyaaryahan Najiib oo lambar 6 u watey Sokao ayaa gool rigoore ah u dhaliyey hase yeeshee dhammadkii ciyaarta ayuu Cabas oo lambar 9 u watey kooxda Leicester dhaliyey 2 gool ciyaartiina ka dhigay iney kooxdiisa ku badiso 2-1.

Ciyaartaan oo aheyd mid aad u xamaasad badney dhalinyaradii u safaneysay labada kooxna ay muujiyeen dadaal iyo karti ayaa waxaa si gooni ah looga xusi karaa kabtanka kooxda Sokao Deeq oo lambar 7 u watay iyo gooldhaliyahooda Najiib halka kooxda Leicester laga xusi karo Nasir oo watey lambar 10, Mahamed oo lambar 8 iyo halyeygoodii kulankaan Cabas oo ahaa xidigii garoonka.

Weli rajadeena ma xuma oo hadii aan badino kulanka soo socda waxaan heysanaa fursad aan ku gaari karno semifinaalka ayuu yiri kabtanka Sokao Deeq o intaas raaciyey in kooxdiisa ay yihiin kooxda ugu dhalinta yar ee tartankaan ka qeyb galeyso mar uu la hadlaayey deeyoo.com kulankii laga adkaadey ka dib.

Kulankii labaad oo qeybtiisii hore u ekaa in labada kooxba ay farsamo ahaan isku dhow yihiin ayaa qeybtii dambe la dareemayey iney aad u daaleen kooxdii reer Beljim ee Sobsi isla markaana ay dadaal dheeri ah lasoo bexeen dhalintii ku ciyaareysey Waaberi oo reer London ah oo gabagabadii 5-1 ugu awood sheegatey Sobsa.

Ciyaaryahan Mahamed Hadafow ayaa 3 ka mid ah goolasha Waaberi dhaliyey isagoo kulankaan ahaa xidigii garoonka hase yeeshee dhamaadkii ciyaarta dhaawac soo gaaray dartiis loo bedelay.

Ciyaaryahan Hadafow oo dadka ay ku naaneysayeen Rooney ayaa niyad wanaag ka muujiyey dhaawaciisa sheegayna inuu rajeynayo inuu safto kulanka soo socda hase yeeshee markii dambe uu macalinkiisa Sacid Ceyrow noo sheegay inuu nasinayo oo uu u dhiganayo kulamada Semefinaalka.

- Dhamaan ciyaartoydeena maanta waxey soo bandhigeen niyad iyo ciyaar wanaag aadbaana ugu faraxsananahy guusha maanta ay soo hoyeen runtiina wey u qalmaan maxaa yeelay waxaan sameyney diyaargarow aad u weyn ayuu yiri macalinka Waaberi oo ah shakhsi aad ugu canbaxay isboortiga Soomaaliya Sacid Hassan oo loo yaqaano (SACID CAYROW) oo aanu wareysaney ciyaarta ka dib.

Sacid Cayrow oo hore laf dhabar ugu ahaa kooxdii kubada cagta Horseed iyo xulkeenii qaranka ayaa ugu dambey muuijiyey sida uu ugu kalsoon yahay in sanadkan ay kooxdiisa hanan karto koobka isla markaana ay geyn doonaan STREATHAM oo ah xaafada ay ka dhisan tahay kooxda oo ku taala magaalada London.

Waaberi London ayaa guruubkan 6 dhibcood ku hogaamineysa maadaama ay wada badayeen labadii kulan ee ay ciyaareen halka kooxaha Sokao oo reer Oslo ah iyo Leicester ay min 3 dhibcood wada leeyihiin rajadoodana aysan xumeyn halka kooxda Sobsa ee reer Beljim ka hartay tartanka eurosom 2008 laakiin uu hal kulan u dhiman yahay.

Tabaraha Sobsa Abdirashid ayaa balan qaadey in tartamada soo socda ay ka qeyb geli doonaan isla markaana natiijo wanaagsan soo hoyn donaan wuxuuna kooxdiisa ku amaanay ciyaartii ay soo bandhigeen maadaama sanadkii ugu horeeyey ay ka qeyb gelayaan isla markaana 7 ka mid ah xidigihii ay ku tashanayeen ka maqan yihiin VISA la` aan.

Guud ahaan jawiga tartankaan ayaa ah mid qurux badan iyadoo aad arkeysid wada shaqeyn wanaagsan oo u dhexeysa madaxda dalada Eurosom, gudiga Farsamada iyo weliba horjoogayaasha naadiyada ka qeyb gelaayo tartankan.

Berito oo Arboco ah waxaa wada ciyaari doono Birmingham vs Kanava iyo Gothenborg vs Alhijra oo aan idiin soo gudbin doono natiijada ay ku dhamaato hadii Alle idmo.

Asad A. Omar "afey"

Tartankii ciyaaraha Orodadda EuroSom oo maanta (July 22, 2008) dhacay iyo Xaflad Soo dhaweyn ah oo xalay la qabtay.

Waxaa maanta oo ay bishu tahay 21.07.2008 aheyd maalin nasasho ah oo aan laciyaarin kubaddii cagta, lakiin sida aan lasocono waxaa ka mid ah ciyaaraha EuroSom dhinaca kubada cagta , kan kolleyga,Kubadda Miiska iyo Orodadda.

Aqristow waxaa maanta hadaba madaama aysan jirin wax kaloo ciyaaro ah ayaa waxaa laciyaaray ciyaarihii fududaa, sidaa darteed ayaan waxaan maanta markii aan booqashadda ku tagay halkii ay cayaarahas ka dhacayeen ayaa waxaan ku arkayey dhalin yaro yaryar oo da’dooda u dhaxeeysey 3 jir ilaa iyo 17 jir, waxaad halkaas ka garan kartaa ciyaaraha fudud iney yihiin kuwo guud ahaan geeska ay afrika ay ku fiican yihiin.

Waxaan markaan u gudbaynaa dhinaca dhalinyaradda waa weyn ee da’dooda u dhaxayso 16 jir ilaa 20 jir.

Waxaa sidoo kale lasuubiyey xaflad aad u qiimo badnayd oo lagu soo dhaweynayey marti sharafta EuroSom iyo dhamaan kooxaha EuroSom, waxaana halkaas hadalo kala duduwan ka soo jeediyey gudigii qabanqaabadda cayaaraha iyo maamulka EuroSom, waxaan halkaas ka xasuusanaa Gudoomiyha iyo Xoghayaha guud ee EuroSom oo taariikhda EuroSom oo faahfaahsan . Waxaa sidoo kale ka hadlay Aabaha isboortiga Soomaaliyeed Prof.Musse Naasir waxaa uu dhalinyaradda uu kula dardaarmay iney dadaalka intaas ka badiyaan.

waxaa xusid mudan xusid dhalinyaradan iney yihiin kuwo mustaqbal kuleh ciyaarahan fudud

Ciyaaraha Soomaalida Yurub 2008