Guddi ka kooban 5 xubnood oo loo magacaabay in ay soo
qiimeeyaan masiibooyinka roobabka ee Muqdisho iyo nawaaxigeeda ,
Maamulka gobolka banaadir ayaa guddi farsamo u saaray qaasaare
ka dhashay roobab mahiigaan ahaa oo habeenimadii xalay illaa
manta ka da’ay magaaladda muqdisho.
Ku xigeenka Duqa magaaladda muqdisho Maxamed cismaan dhagaxtuur
oo manta xafiiskiisa ku qabtey shir jaraa’id ayaa waxaa uu ka
sheegay in roobabkii xalay da’ay ay iyo qasaarihii ay geysteen
taasoo sida uu sheegay isugu jirey naf iyo maal labadaba waxaana
uu caddeeyey mudane dhagaxtuur in ay roobabkii da’ay habeeni
xalay ahaa ay dileen illaa 5 qofood.oo 3 ka mid ahi ay ahaayeen
carruur halka labada kale ay yihiin dad waayeelo ah,
Maxamed cisman Dhagaxtuur
Roobabkaan ayaa yimid kadib roobab xariir ah oo waayahaanba ka
da’ay inta badan magaaladda muqdisho, waxaana uu sheegay Maxamed
Cusmaan dhagaxtuur in Hay’adaha samafalada aysan ka qaadan wax
tabarucaad ah ama daryeel ah dadkaas waxyeeladu soo gaartey,
Guddoomiye ku xigeenka duqa magaaladda muqdisho dhinaca arrimaha
bulshada maxmed cusmaan cali ‘dhagaxtuur’ ayaa sheegay in
maamulka gobolka banadir uu magacaabay guddi ka kooban 5
xubnood, kuwaasoo lagu wado ineey sameeyaan qiimeyn la xariirta
masiibadii ka dhalatey roobabkii ka da’ay magaaladda , kuwaasoo
logu magac darray guddiga qiimeynta dhibaatooyinka roobabka,
Guddigaan oo soo qiimeyn doona magaaladda muqdisho iyo
nawaaxigeeda sida ay saameynta ugu yeesheen roobabka iyo
dhibaatooyinka uu sababay, guddigaan ayaa waxa ay kala yihiin
1 C/rashiid Ibrahin Maxamed.
2 Muqtaar Maxamed Axmed
3. muxiidiin Maxamed Rooble
4. Muxiidiin Nuur Cali
5. Canshuur Cali Nuur,
C/rashiid Ibrahin Maxamed
Dhanka kale shirka jaraa’id ee manta uu ku qabtey xafiiskiisa
dhagaxtuur waxaa uu ku soo hadal qaaday sida ay uga gaabsadeen
wax u qabashada bulshada soomaaliyeed ee xag kasta ka
dhibaateysan, waxaa uu sheegay in inta la og yahay hay’adaha
maxaliga ah ama NGO’ska wadaniga ah ee ka diiwaan gashan gobolka
ineey yihiin illaa 682 NGO’s, waxaana uu sheegay in tirada wax
qabataa ay ka yar tahay ilaa 10 NGO’s waxaana uu sheegay in
Qaramada midoobay xagga wax bixinta ay u wakiilatey hay’adahaas
maxaliga ah, oo aysan ku soo dhicin gacanta dowladda haba
yaratee, waxaanauu ka codsaday deeq bixiyeyaasha in aysan waxba
u soo dhiibin NGO’s-ka ka jira gudaha soomaliya, mar haddii ay
yihiin sida uu sheegay kuwa lacaga loo soo dhiibo la dhinac mara
dadka soomaaliyeed ee tabaaleysan
Muuse Maxamuud Jiisow
musejisow@hotmail.com
Muqdisho Bakaaro Somalia
0025215576666
002525907666
Warkii Maxamed cismaan Dhagaxtuur