Gudoomiye Ku xigeenka koowaad ee Baarlamaanka Professer Dalxa Isaga oo baaq u jeediyey dowladaha South Africa, Tanzania, Libya iyo dowladaha kale oo ay muwaadiniinta Soomaaliyeed xabsiyadooda ku xiranyihiin inay sii daayaan, Waxa uuna si gaar ah u magacaabay dowlada South Africa inay magdhaw ka bixiso dadka u dhashay dalkeeda oo dhaca iyo dilka u gaystay somalida ku dhaqan dalkaasi South Africa.

Waa Masuulkii ugu horeeyey ee magdhaw weydiista dowlad dalkeeda dhibaatooyin loogu gaystay Muwaadiniin Soomaaliyeed.

Proffesser Dalxa ayaa yiri “ Waxaan baaq u jeedinaynaa Bulshada Caalamka, Midowga Africa, Dowladaha Carabta, Ururka Islaamka iyo Dowlada Mareekanka inay ka qayb qaataan sidii dadka soomaaliyeed ee ku dhibaataysan dalaka Tanzania ee gaaraya in kabadan 600 oo qof inay ka qayb qaataan sidii ay dib ugu soo celin lahaayeen dalkooda”
Waxaa uuna kusii daray hadalkiisa “in dowlada KMG ah ee Somalia aanan awood u lahayn inay dadkaasi dib ugu soo celiso Dalkooda.

Hase ahaatee arinkaan ayaa ku soo beegmaya xili dalka Somalia uu ka galay dunida kaalinta koowaada goobaha ugu qatarsan oo ay hay’adaha xuquuqul insaankana ay ku sheegan in Somalia aanan lahu aamini karin Nafsada bini’aadamka.

Sidoo kale waxaa Jira Muwaadin Soomaaliyeed oo ku xiran Xabsiga Gu’antanamo in kabadan lix sanadood oo aysan jirin cid masuul ah oo ka hadashay xiritaanka muwaadinkaasi dalka Somalia u dhashay.

Dowlada South Africa oo kaliya ayaanan ahayn dowladaha dalalkooda loogu gaysto dhibaatooyinka muwaadiniinta soomaaliyeed hase ahaatee waxaa jira dowlado kale oo xarig, dil iyo boob loogu gaysto dalakooda kadin markii dad soomali ah ay si sharci daro ah kusoo galaan dalkooda iyaga oo kasoo cararaya rabshadaha ka oogan gudaha dalka soomaaliya.

Cabdikariin Muxsin
Somalitalk – Nairobi
Muxsin55@hotmail.com