Wargalin jaaliyadda Soomaaliyeed : Manchester City Football Club oo fursad
xulasho ciyaartooy tayo leh siinaysa Soomaalida ku nool Yurub.
Manchester 22.12.2008 . Waxaa dhamaan jaaliyadaha Sport-iga Soomaalida ee ku
nool dalalka Yurub lagu wargalinayaa in kooxda kubadda cagta ee Manchester City
Football Club ay danaynayso inay fursad ay ku tijaabinayaan ama ku xulanayaan
ciyaar tayo iyo mustaqbalba leh siinayaan caruurta Soomaaliyeed ee da'doodu ka
yar tahay 13 sano jirka, tartan lagu qabanaayo magaalada Manchester 03.01.2009
maalinimo sabti ah garoonka Manchester Youth Academy oo ku yaal magaalada
Manchester.
Tartankaan qiimaha u leh ubadka Soomaaliyeed ayaa waxaa si wadajir ah u soo
qaban qaabiyay kooxda Whiteworth Park Sports Club iyo xiriiriyaha Soomaalida ee
Manchester City Football Club Garsoore hore C/qaadir Caddaay.
Tartankaankaan kii ka horeeyay oo noocisa ah ee loo qabtey isla jaaliyada
Soomaalida caruurtooda kuwa da'doodu ka hoosaysa 11 sano jirada ayaa ay kooxda
Manchester City Football Club uu qaadatey 3 wiil Soomaaliyeed inay ka mid
noqdaan caruurta lagu tababaro mustaqbalka Manchester City Youth Academy.
 Ciyaarahan lagu tijaabinaayo
da'yarta Soomaaliyeed waxaa ka soo qayb gali doono oo ilaa hada soo codsaday
kooxo ka imaan doono magaalooyinka kala ah:
Bermingham, Bolton, Bury, Cardiff, Manchester, Liecester, London iyo Sweden.
Tartanka waxaa ka soo qayb gali doono qaar ka mid ah ciyaartooydii hore
Soomaaliya, Maamuladii hore Sport-iga Soomaaliya ka shaqayn jirey, saxaafada
Soomaalida, Television-ka Universal iyo Wargayka Kasmonewspeper oo ka soo baxa
magaalada London iyo marti sharaf kale.
Dadka Soomaaliyeed waxaa mar labaad la ogaysiinayaa in weli furan tahay iska
diiwan galinta tartanka, balse waxaa muhiim ah in la fahmo in ay wanaagsan tahay
in koox walbo ay soo wadato caruur la qaadan karo oo u diyaarsan ama mustaqbal u
leh ciyaarta kubadda cagta si fursadaan ay uga faaidaystaan cunugii ka
faaidaysan kara, waayo dadka caruurta kor ka fiirsanaya isla markaana xulan
doono waa dad aqoon wanaagsan u leh shaqadooda oo aan Soomaali ahayn, marka
walaalayaal waxaa muhiim ah inaa ka fekerto caruurta aad rabto inay fursadaan ka
faaidaystaan adigoo eegaya dhan walba marka isku day xataa inaa raadiso wiil
Soomaaliyeed oo aan wiilkaada ahayn oo ka faaidaysan kara fursadaan.
Waxba ma soo kordhin doonto hadii aadan soo wadin wiil laacib (fanaan) ku ahayn
kubada cagta ah isla markaana u diyaarsanayn in la tijaabiyo, madaama Manchester
City qubarada ka socoto aysan ku qanci doonin, marka waa iga dardaaran oo aan
kula dardarmaayo waalidiinta iyo macalimiinta caruurta inay ka fekeraan caruurta
ay ka soo qayb galin doonaan tartankaan qiimaha leh, sababta aan sidaan u
leeyahay waxaa weeye qubarada Manchester City ka socda waxay warbixin ka samayn
doonaan caruurta Soomaaliyeed ee tartanka ka qayb galaysa iyo kuwa wanaagsan ay
ka qaadan karaan.
Hadii aan loo soo diyaar garoobin isla markaana lala imaan wax gadmi kara oo
mustaqbalka Soomaalida oo dhan suuq gayn u noqon kara waa foolxumo, marka
dardaarankayga si fiican ha loo qaato, madaama aan joogay isla markaana aan ka
shaqaynayay tartankii hore waxay ila tahay in aqlaaqda caruurta la keenaya xataa
ay wanaagsan tahay, sababtoo ah waxaa ay fiirinayaan waxaa ka mid ah aqlaaqda
wiilka ciyaaraya hadii uu laacib yahay laakinse aan xushmaynin ciyaartooyda la
ciyaareysa iyo garsooraha waxba ma anfacayso.
Marka waa muhiim diyaargaroow adag loo soo gala isla markaana la soo xulaa
ciyaaryahanada mustaqbalka leh si ay mustaqbal u helaan anagana magaceena
Soomaaliyeed kor ugu qadaan.
Wixii ku saabsan barnaamijkaan waxaa kala soo xiriiri kartaan Mudane C/qaadir
Caddaay telefoonka numberkiisu yahay 00447949149933 ama E-mailka
garoonka@yahoo.com
W/D: Yusuf Yusuf
Sports Editor
mrsomalia@hotmail.com
London
Faafin: Somalitalk.com | Dec 23, 2008
|
Daabaco
Boggan | Print
"Markabka sida
Taangiyada iyo hubka waxaan ka rabnaa Madax-furasho gaareysa $35 Milyan oo
Doolar" 