Madaxweynaha DFKMG Oo Safar Aan Hore Loo ShaacinUgu Kicitimay Nairobi Kenya
Madaxweynaha dowlada KMG ah ee Soomaaliya C/laahi Yuusuf Axmed ayaa Sabtidii ka
duulay garoonka macamalka ah ee magaalada baydhabo isagoo kusii jeeda dalka
Kenya oo dhowaan la sheegay in Cuna qabatayn dhinaca dhaqaalaha iyo socdaalkaba
laga saaray qoyskiisa iyo isagaba taasoo aan la ogayn sababta xiligan kusoo
beegtay .
Duulitaanka Madaxweynaha DFKMG yuusuf oo aan hore loo shaacin ayaa ka dambaysay
warar laysla dhex marayo oo sheegaya inuu magaalada Nairobi kula balansan yahay
xubno ka socda urur goboleedka IGAD ,kuwo caalamka ka socda iyo weliba kooxda
soomaaliya u qaabilsan xiriirka caalamiga ah ee Contact Group taasoo loo
malaynayo inay kala xaajoon doonaan khilaafka siyaasadeed ee soo kala dhex galay
Hogaanka sare ee dowlada KMG ah .
Sidoo kale khilaafkan u dhexeeya madaxda sare sare ee dowlada ayaa beesha
caalamku waxay ka muujisay walaac islamrkaana ay arkaan inay maja xaabisanyso
shirkii dib u heshiisiinta ee ay kala saxiixdeen isbaahaysiga dib u xoraynta iyo
TFJ-da xarunta jabuuti ee wadanka jabuuti .
Socdaalka Madaxweynaha DFKMG yuusuf ayaa kusoo beegmaya xili ay murano
siyaasadeed oo xoogani u dhexeeyaan isaga iyo raysal wasaarihii dhowaan uu xilka
uu ka qaaday taasoo ay beesha caalamku gaashaanka ku dhufatay xilka qaadistaas
nuur cadde uu ku sameeyey madaxweynuhu .
Iskusoo wada duuboo murankan soo kala dhex galay hogaanka sare ee dowlada ayaa u
muuqda mid midi midi ku taag ah islamrkaana kusoo biyo shubanaya inay hanaanka
dib u heshiisiintu gasho fowdo iyo jaantaa Rogan
Dagaalo Waxyeelo Kasoo Gaartay Dad Rayid ah Oo Habeenkii Sabtida Ka Dhacay
Degmada Wardhiigley
Dagaalo laysu adeegsaday madaafiicda wax gumaadda ayaa habeenkii xalay ahaa ku
dhex maray ciidamada dowlada KMG ah gaar ahaan ilaalada madaxtooyada iyo xoogaga
islaamiyiinta degmada wardhiigley gaar ahaan isgoyska folorensa iyo agagaarka
xarunta madaxtooyada halkaasoo ay waxyeelo ba,an u gaysteen dad rayid ah
madaafiic habow ah
Dhimashada 2-qof iyo tiro ka badan 10-qof oo dhaawac ah ayaa ka dhashay
dagaalkan oo ahaa mid ay isu adeegsanayeen kooxaha iska soo horjeeday hubka
noocyadiisa kala duwan taasoo madaafiicdu ay u talowday xaafado ay deganaayeen
dad rayid ah oo xiligaas ku sugnaa guryahooda islamarkaana waxyeeladan
dhimashada iyo dhaawaca leh kasoo gaartay .
Sidoo kale afhayeenka ciidamada milatariga dowlada KMG ah daahir maxamed xirsi
ayaa warbaahinta u sheegay inay madafiicda Lidka diyaaradaha ku ridayeen
kooxahii kasoo horjeeday islamrkaana aysan gaarin xaafadaha howl-wadaag ee
dhinaca bakaaraha waa siduu hadalka u dhigaye oo ay dadka rayidka ah ee
waxyeeladu kasoo gaartay.
Dhinaca kale xoogaga islaamiyiinta ee dagaalka xalay la galay ciidamada dolwda
KMG ah ayaa afhayeen u hadlay oo magaciisa ku sheegay Barre Cali Barre ayaa
saxaafada u sheegay inay dagaalkaasi qaadeen kooxaha lagu magacaabo Mucaskar
Raas Kan Booni islamarkaana ay weerarkaasi la beegsadeen xarunta madaxtooyada
iyo fariisinka ciidamada ilaalada u ah Madaxweynaha DFKMG yuusuf .
Ma jiraan khasaare ay kala sheegteen afhayeenada u hadlayey kooxahii xalay ku
dagaalamay degmada wardhiigley marka laga reebo dhaawacyada iyo dhimashada kasoo
gaaray dadka rayidka ah ee ku dhaqan agagaarka goobaha dagaalku ka dhacay .
Baarlamaanka FKMG ah Oo Wada Mooshinkoodii Ay Ku Doonayeen Inay Xilka Kaga
Qaadaan Madaxweynaha DFKMG Yuusuf
Baarlamaanka FKMG ah ee Soomaaliya oo dhowaanahanba waday mooshin ka dhan ah
madaxweynaha soomaaliya c/laahi yuusuf axmed ayaa Saacadaha soo socda lagu wadaa
inay halkii kasii amba qaadaan mooshinkaasi oo maanta lagu wado inuu noqdo mid
ka kulul mooshinadii hore ay wadeen .
Kulamo dhowr ah oo ay yeesheen badanaaba baarlamaanka FKMG ah ee soomaaliya ayaa
ku balamay inay maanta sii amba qaadaan mooshinkii ka dhanka ahaa madaxweynaha
dowlada KMG ah taasoo ay ku doonayaan inay manta kasii kululeeyaan mooshinkooda
islamrkaana saldhig u dhigaan dacwada nabadaynta soomaaliya
Sidoo kale xarunta Baarlamaanka ee magaalada baydhabo ayaa amaankeeda si weyn
loo adkeeyey taasoo sida wararka saxaafadu ka helayso ay sheegayaan in lagu
arkayo in laysla dhex marayo waraaqo dacwad ah oo looqaybiyey mudanayaasha
baarlamaanka qaarkood islamrkaana ku salaysan dacwada madaxweynaha KMG ah
c/laahi yuusuf axmed
Dhinaca kale magaalada baydhabo ayaa laga dareemayaa dhaq dhaqaaq siyaasadeed oo
xoogan taasoo laysla dhex marayo kala qaybsanka siyaasadeed ee mudada soo
jiitamayey ee u dhexeeya Madaxweynaha DFKMG yuusuf iyo nuur xasan xuseen (nuur
cadde ) oo u muuqda mid kusii biyo shubanaya bur bur iyo xarig jiidad
siyaasadeed oo sii xoogaysanaya kaasoo laga yaabo inuu keeno bur bur ku yimaada
dowlada KMG ah .
yaasiin maxamed cali (faytin)
Yaasiinfaytin@hotmail.com